إشَعْيا 51:3 - الكتاب المقدس بالعربي الدارجي هنا تشاد

³ أَيْوَى! اللّٰهْ يِصَبِّرْ صَهْيُون وَ هُو يِصَبِّرْهَا فِي كُلَّ خَرَابْهَا. هُو يِسَوِّي كَدَادِتْهَا مِثِلْ جِنَيْنَةْ عَدِنْ وَ صَحَرَاهَا مِثِلْ جِنَيْنَةْ اللّٰهْ. وَ يِنْلَقُوا فَوْقهَا الْفَرَحْ وَ السُّرُورْ وَ الشُّكُرْ وَ حِسّ الْمُسِيقَى.

إشَعْيا 51:3 Referenca të Kryqëzuara

إشَعْيا 49:13

زَغْرِطِي، يَا سَمَاءْ! وَ أَفْرَحَيْ، يَا أَرْض! وَ رَقْرُقُوا، يَا جِبَالْ! أَشَانْ اللّٰهْ حَنَّ فِي شَعَبَهْ أَيْوَى، رَحَمْ شَعَبَهْ الْمَسَاكِينْ.

إشَعْيا 52:9

أَفْرَحَوْا سَوَا وَ رَقْرُقُوا، يَا مَسَاكِينْ مَدِينَةْ الْقُدُسْ الْخَرْبَانَةْ! أَشَانْ اللّٰهْ صَبَّرْ شَعَبَهْ وَ فَدَى مَدِينَةْ الْقُدُسْ.

يُوِيل 2:3

قِدَّامْهُمْ، نَارْ تَاكُلْ وَ وَرَاهُمْ، حَرِيقَةْ تَحْرِقْ. الْبَلَدْ قِدَّامْهُمْ مِثِلْ جِنَيْنَةْ عَدِنْ وَ لَاكِنْ وَرَاهُمْ، كَدَادَةْ خَرَابْ وَ شَيّءْ يَنْجَى مِنْهُمْ كَيْ مَا فِيهْ.

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

إرْمِيا 31:25

وَ أَنَا اللّٰهْ نَرْوِي الْعَطْشَانِينْ وَ نَشْبِعْ الْجِيعَانِينْ.»

تكوين 13:10

خَلَاصْ، لُوطْ شَافْ تُرَابْ هَنَا بَحَرْ الْأُرْدُنْ لَحَدِّي صُوغَرْ كُلَّ أَخْضَرْ وَ عَجَبَهْ. وَ الْأَرْض دِي سَمْحَةْ بِلْحَيْن مِثِلْ جَنَّةْ اللّٰهْ وَ مِثِلْ تُرَابْ مَصِرْ. وَ دَا قَبُلْ اللّٰهْ مَا دَمَّرْ مُدُنْ سَدُومْ وَ عَمُورَةْ.

إشَعْيا 51:12

وَ اللّٰهْ قَالْ: «أَنَا! أَنَا بَسْ النِّصَبِّرْكُو. مَالَا إِنْتُو تَخَافَوْا مِنْ الْإِنْسَانْ الْيُمُوتْ؟ مَالَا تَخَافَوْا مِنْ بَنِي آدَم الْيَيْبَسْ مِثِلْ الْقَشّ؟

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

إشَعْيا 25:9

وَ فِي الْيَوْم دَا، يُقُولُوا: «دَاهُو إِلٰـهْنَا. أَنِحْنَ خَطَّيْنَا عَشَمْنَا فَوْقَهْ وَ هُو نَجَّانَا. أَيْوَى، هُو بَسْ اللّٰهْ الْخَطَّيْنَا عَشَمْنَا فَوْقَهْ. يَلَّا نَفْرَحَوْا وَ نِنْبَسْطُوا أَشَانْ هُو نَجَّانَا!

إشَعْيا 12:1

وَ فِي الْيَوْم دَا، إِنْتَ تُقُولْ: «أَنَا نَشْكُرَكْ، يَا اللّٰهْ! أَشَانْ إِنْتَ زِعِلْت ضِدِّي وَ لَاكِنْ غَضَبَكْ إِنْتَ خَلَّيْتَهْ وَ إِنْتَ صَبَّرْتِنِي.

زَبُور 85:8

أَنَا نَسْمَعْ كَلَامْ اللّٰهْ الرَّبّ. هُو حَجَّى بِالسَّلَامْ لِشَعَبَهْ وَ مُؤمِنِينَهْ أَشَانْ مَا يِقَبُّلُوا فِي طَمَاسِتْهُمْ.

إشَعْيا 49:8

وَ دَاهُو اللّٰهْ قَالْ: «فِي وَكِتْ الْمُنَاسِبْ، أَنَا رَدَّيْت لَيْك وَ فِي يَوْم النَّجَاةْ، أَنَا فَزَعْتَكْ. أَنَا حَفَضْتَكْ لِتَبْقَى مُعَاهَدَةْ لِلشَّعَبْ وَ لِتِجَدِّدْ الْبَلَدْ وَ تِقَسِّمْ الْأَرْض الْخَرْبَانَةْ مِثِلْ وَرَثَةْ

إشَعْيا 35:6

وَ الْأَعْرَجْ يِنَطِّطْ مِثِلْ الْغَزَالْ وَ لِسَانْ الْأَبْكَمْ يِعِيطْ بِالْفَرَحْ. أَشَانْ أَلْمِي يِسِيلْ فِي الصَّحَرَاء وَ رُجُولْ أَلْمِي يَجْرُوا فِي كَدَادَةْ الْجَفَافْ.

إشَعْيا 41:16

إِنْتَ تِغَرْبِلْهُمْ وَ الرِّيحْ تِشِيلْهُمْ وَ الزَّوْبَعَانَةْ تِشَتِّتْهُمْ. وَ لَاكِنْ إِنْتَ تَفْرَحْ بَيِّ أَنَا اللّٰهْ وَ تَشْكُرْ قُدُّوسْ إِسْرَائِيلْ.

إشَعْيا 43:19

وَ دَاهُو نِسَوِّي شَيّءْ جَدِيدْ وَ مِنْ هَسَّعْ، يَبْذُرْ. وَ دَا، إِنْتُو مَا تَعَرْفُوهْ وَلَّا؟ أَيْوَى، نَفْتَحْ دَرِبْ فِي الصَّحَرَاء وَ نِجَرِّي بُحُورْ فِي أَرْض جَفَافْ.

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 65:18

لَاكِنْ أَفْرَحَوْا وَ أَنْبَسْطُوا إِلَى الْأَبَدْ فِي شَانْ الشَّيّءْ النَّخَلْقَهْ. دَاهُو نَخْلِقْ مَدِينَةْ الْقُدُسْ وَ تِنْمَلِي بِفَرَحْ وَ شَعَبْهَا يِنْبَسْطُوا.

حِزْقِيال 28:13

وَ إِنْتَ قَاعِدْ فِي عَدِنْ جِنَيْنَةْ اللّٰهْ. وَ لُبَاسَكْ مُجَمَّلْ بِكُلَّ نَفَرْ هَنَا الْحُجَارْ الْغَالِيِّينْ مِثِلْ الْعَقِيقْ الْأَحْمَرْ وَ الْيَاقُوتْ الْأَصْفَرْ وَ الْمَاسّ وَ الزَّبَرْجَدْ وَ الْعَقِيقْ الْأَبْيَضْ وَ الْخَرَزْ وَ الْيَاقُوتْ الْأَخْضَرْ وَ الْمَرَجَانْ وَ الزُّمُرُّدْ. وَ بِدَهَبْ، دَقَّوْا لَيْك خَوَاتِمْ وَ سُوَارْ الْجَهَّزَوْهُمْ مِنْ يَوْم خَلَقَوْك.

حِزْقِيال 36:11

وَ نِكَتِّرْ النَّاسْ وَ الْبَهَايِمْ وَ هُمَّنْ يَلْدَوْا وَ يَبْقَوْا كَتِيرِينْ. وَ نِسَوِّيهُمْ كَتِيرِينْ زِيَادَةْ مِنْ أَوَّلْ وَ نِسَوِّي لَيْهُمْ الْخَيْر زِيَادَةْ مِنْ الْبِدَايَةْ. وَ بَيْدَا، يَعَرْفُوا كَدَرْ أَنَا بَسْ اللّٰهْ.

حِزْقِيال 36:35

وَ النَّاسْ يُقُولُوا: ‹الْبَلَدْ دِي أَوَّلْ خَرْبَانَةْ وَ هَسَّعْ بِقَتْ مِثِلْ جِنَيْنَةْ عَدِنْ! دَاهُو الْمُدُنْ الْمُكَسَّرِينْ وَ خَرْبَانِينْ وَ مُهَدَّمِينْ بَنَوْهُمْ وَ سَكَنَوْا فَوْقهُمْ.›