إشَعْيا 51:1 - الكتاب المقدس بالعربي الدارجي هنا تشاد

¹ «أَسْمَعَوْنِي، إِنْتُو التَّجْرُوا وَرَاءْ الْعَدَالَةْ وَ تِتَابُعُونِي أَنَا اللّٰهْ. إِنْتُو مِثِلْ حَجَرْ الْقَطَعَوْه مِنْ جَبَلْ. أَذَّكَّرَوْا الْجَبَلْ الْقَطَعَوْكُو مِنَّهْ وَ النُّقْرَةْ الْمَرَقَوْكُو مِنْهَا.

إشَعْيا 51:1 Referenca të Kryqëzuara

إشَعْيا 51:7

أَسْمَعَوْنِي إِنْتُو التَّعَرْفُوا الْعَدَالَةْ، إِنْتُو الشَّعَبْ الْوَصِيَّاتِي قَاعِدِينْ فِي قُلُوبْكُو! مَا تَخَافَوْا وَكِتْ النَّاسْ يِعَيُّبُوكُو وَ مَا تِنْبَهْتُوا وَكِتْ يِعَيُّرُوكُو.

زَبُور 94:15

الشَّرِيعَةْ تِنْقَطِعْ حَسَبْ الْعَدَالَةْ وَ كُلَّ النَّاسْ الْقَلِبْهُمْ عَدِيلْ يِتَابُعُوهَا.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

إشَعْيا 48:12

«أَسْمَعَوْنِي، يَا ذُرِّيَّةْ يَعْقُوبْ وَ يَا بَنِي إِسْرَائِيلْ، إِنْتُو الْأَنَا نَادَيْتكُو! أَنَا بَسْ هُو! أَنَا الْأَوَّلْ وَ الْأَخِيرْ.

2 تِمُوتَاوُس 2:22

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

عَمُوس 5:6

فَتُّشُوا اللّٰهْ وَ تَلْقَوْا الْحَيَاةْ. وَ كَنْ أَبَيْتُوا كَمَانْ، تِدَّمَّرَوْا مِثِلْ أَكَلَتْكُو نَارْ، يَا ذُرِّيَّةْ يُوسُفْ. النَّارْ تَاكُلْ بَيْت إِيلْ وَ مَا فِي الْيَقْدَرْ يَكْتُلْهَا.

أمْثال 21:21

الْيِفَتِّشْ الْعَدَالَةْ وَ الْخَيْر يَلْقَى الْحَيَاةْ وَ الْعَدَالَةْ وَ الشَّرَفْ.

أمْثال 15:9

دَرِبْ الْعَاصِيِينْ، اللّٰهْ حَرَّمَهْ وَ الْيِرِيدْ الْعَدَالَةْ، اللّٰهْ يِحِبَّهْ.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

فِلِبِّي 3:13

يَا أَخْوَانِي، أَبَداً مَا نُخُطّ فِي فِكْرِي كَدَرْ أَنَا مَلَكْت الْمَقْصُودْ خَلَاصْ. لَاكِنْ نِسَوِّي شَيّءْ وَاحِدْ بَسْ، نَنْسَى الْوَرَاءْ وَ نِفَكِّرْ فِي الْقِدَّامْ.

مَتَّى 6:33

وَ لَاكِنْ إِنْتُو قُبَّالْ كُلَّ شَيّءْ، خُطُّوا بَالْكُو فِي مَمْلَكَةْ اللّٰهْ وَ فِي الْحَالْ الصَّالْحَةْ الْاللّٰهْ يِدَوْرهَا وَ اللّٰهْ يَنْطِيكُو كُلَّ شَيّءْ هَنَا حَيَاتْكُو.

مَتَّى 5:6

مَبْرُوكْ لِلنَّاسْ الْعَطْشَانِينْ وَ جِيعَانِينْ لِلْعَدَالَةْ أَشَانْ اللّٰهْ يِشَبِّعْهُمْ.

إشَعْيا 45:19

أَنَا مَا حَجَّيْت بِسِرّ فِي بَكَانْ أَضْلَمْ فِي الْأَرْض. وَ أَنَا مَا قُلْت لِذُرِّيَّةْ يَعْقُوبْ: ‹فَتُّشُونِي فِي الْفَاضِي!› أَنَا اللّٰهْ نِحَجِّي بِالْعَدَالَةْ وَ نِكَلِّمْ بِالْحَقّ.

زَبُور 24:6

النَّاسْ الْيِفَتُّشُوا وِجْهَكْ، هُمَّنْ مِثِلْ دَا، يَا اللّٰهْ. أَيْوَى، الْيِوَجُّهُوا عَلَيْك، دَوْل ذُرِّيَّةْ يَعْقُوبْ. وَقْفَةْ.

صَفَنْيا 2:3

قُمُّوا فَتُّشُوا اللّٰهْ، إِنْتُو كُلُّكُو مَسَاكِينْ الْأَرْض الْقَاعِدِينْ تِطَبُّقُوا قَوَانِينَهْ الْهُو خَطَّاهُمْ. فَتُّشُوا الْعَدَالَةْ وَ مَسْكُنُوا نُفُوسْكُو! وَ بَيْدَا، مُمْكِنْ تَنْجَوْا فِي يَوْم غَضَبْ اللّٰهْ.

إشَعْيا 55:6

فَتُّشُوا اللّٰهْ فِي وَكِتْ هُو بِنْلَقِي وَ نَادُوهْ وَكِتْ هُو قَاعِدْ قَرِيبْ.

إشَعْيا 51:4

«خُطُّوا بَالْكُو لَيِّ، يَا شَعَبِي! وَ خُطُّوا أَدَانْكُو لَيِّ، يَا أُمَّتِي! أَشَانْ الْوَصَايَا مَارْقِينْ مِنِّي أَنَا وَ عَدَالْتِي تَبْقَى نُورْ لِلشُّعُوبْ وَ نِنَزِّلْهَا لَيْهُمْ بِسُرْعَةْ.

رَوْمَا 10:3

هُمَّنْ مَا يَعَرْفُوا كِكَّيْف اللّٰهْ يِسَوِّي النَّاسْ صَالِحِينْ وَ خَلَاصْ يِدَوْرُوا يَبْقَوْا صَالِحِينْ بِجُهُدْهُمْ. وَ أَبَوْا مَا يَقْبَلَوْا الدَّرِبْ الْاللّٰهْ فَتَحَهْ لِلنَّاسْ الْبَيَّهْ يَبْقَوْا صَالِحِينْ.

إشَعْيا 65:10

وَ لِشَعَبِي الْيِفَتُّشُونِي، سَهَلَةْ شَارُونْ تَبْقَى مَرْعَى لِلْغَنَمْ وَ وَادِي عَكُورْ يَبْقَى بَكَانْ رَاحَةْ لِلْبَقَرْ.

2 أخبار 15:2

وَ مَشَى بَكَانْ آسَا وَ قَالْ لَيَّهْ: «أَسْمَعَوْنِي، يَا آسَا وَ نَاسْ قَبَايِلْ يَهُوذَا وَ بَنْيَامِينْ. اللّٰهْ مَعَاكُو كَنْ إِنْتُو مَعَايَهْ. وَ كَنْ إِنْتُو تِفَتُّشُوهْ، هُو يِخَلِّيكُو تَلْقَوْه. وَ لَاكِنْ كَنْ إِنْتُو تَابَوْه، هُو كُلَ يَابَاكُو.

2 أخبار 15:4

وَ لَاكِنْ فِي ضِيقِتْهُمْ، هُمَّنْ قَبَّلَوْا لِلّٰهْ إِلٰـهْ بَنِي إِسْرَائِيلْ. هُمَّنْ فَتَّشَوْه وَ هُو خَلَّاهُمْ يَلْقَوْه.

إشَعْيا 48:1

أَسْمَعَوْا، يَا ذُرِّيَّةْ يَعْقُوبْ، إِنْتُو الْيِنَادُوكُو بِأُسُمْ إِسْرَائِيلْ وَ مَرَقْتُوا مِنْ صُلُبْ يَهُوذَا. أَسْمَعَوْا، إِنْتُو التَّحَلْفُوا بِأُسُمْ اللّٰهْ وَ تَذْكُرُوا إِلٰـهْ بَنِي إِسْرَائِيلْ لَاكِنْ بَلَا أَمَانْ وَ بَلَا عَدَالَةْ.