إشَعْيا 5:6 - الكتاب المقدس بالعربي الدارجي هنا تشاد

⁶ الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

إشَعْيا 5:6 Referenca të Kryqëzuara

إرْمِيا 25:11

وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

رُؤية 11:6

وَ عِنْدُهُمْ قُدْرَةْ يَدْحَرَوْا الْمَطَرَةْ مَا تُصُبّ وَكِتْ هُمَّنْ قَاعِدِينْ يِبَلُّغُوا كَلَامْ اللّٰهْ. وَ عِنْدُهُمْ قُدْرَةْ يِشَقْلُبُوا الْأَلْمِي دَمّ وَ فِي أَيِّ وَكِتْ يَقْدَرَوْا يِنَزُّلُوا فِي الْأَرْض أَيِّ نَفَرْ هَنَا وَبَاءْ.

لُوقا 21:24

يُمُوتُوا بِالْسَّيْف وَ يِوَدُّوهُمْ مَسَاجِينْ فِي أُسْط كُلَّ الْأُمَمْ. وَ نَاسْ الْأُمَمْ يَمُلْكُوا مَدِينَةْ الْقُدُسْ وَ يِفَجُّقُوهَا لَحَدِّي وَكِتْهُمْ يِكَمِّلْ.

عَمُوس 4:7

«وَ فِي وَكْت الْعِينَةْ بَسْ، أَنَا مَنَعْت مِنْكُو الْمَطَرْ. وَ نَزَّلْت الْمَطَرَةْ فِي حِلَّةْ وَاحِدَةْ وَ فِي حِلَّةْ آخَرَةْ كَمَانْ، أَنَا مَا نَزَّلْتَهَا. وَ نَزَّلْت الْمَطَرَةْ فِي زَرَعْ وَاحِدْ وَ زَرَعْ آخَرْ يِبِسْ.

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

إرْمِيا 45:4

«دَاهُو كَلَامْ اللّٰهْ الْحَجَّاهْ لَيِّ لِنُقُولَهْ لَيْك. هُو قَالْ: ‹أَنَا نَخْرِبْ الْبَنَيْتَهْ وَ نَمْرُقْ الثَّبَّتَّهْ. وَ دَا نِسَوِّيهْ فِي كُلَّ الْأَرْض.

إرْمِيا 14:22

هَلْ مِنْ الْإِلٰـهَاتْ الزَّايْلِينْ هَنَا الْأُمَمْ دَوْل فِي وَاحِدْ الْيَقْدَرْ يِنَزِّلْ الْأَلْمِي وَلَّا؟ هَلْ السَّمَاءْ ذَاتْهَا تِنَزِّلْ الْمَطَرْ وَلَّا؟ لَا! إِلَّا بَيْك إِنْتَ اللّٰهْ إِلٰـهْنَا. وَ أَنِحْنَ نَرْجَوْك بِعَشَمْ أَشَانْ إِنْتَ بَسْ التِّسَوِّي كُلَّ شَيّءْ.»

إرْمِيا 14:1

اللّٰهْ حَجَّى لِإِرْمِيَا فِي وَكْت الْجَفَافْ.

إشَعْيا 30:23

وَ هُو يِنَزِّلْ مَطَرَةْ فِي الْحَبّ الْإِنْتُو تِتَيْرُبُوهْ. وَ الْمَعَاشْ التَّنْتِجَهْ الْأَرْض يَبْقَى كَتِيرْ وَ حَلُو. وَ فِي الْيَوْم دَا، بَهَايِمْكُو يَسْرَحَوْا فِي مَرْعَى وَسِيعْ.

إشَعْيا 24:12

وَ فِي الْمَدِينَةْ يِنْشَافْ إِلَّا الْخَرَابْ، الْبِيبَانْ يِلْكَسَّرَوْا وَ يِدَّمَّرَوْا.

1 مُلوك 17:1

وَ فِيَّهْ رَاجِلْ وَاحِدْ أُسْمَهْ إِلِيَاسْ سَاكِنْ فِي حِلَّةْ تِشْبِي فِي تُرَابْ قِلْعَادْ. وَ هُو قَالْ لِلْمَلِكْ أَخَابْ: «نَحْلِفْ بِاللّٰهْ الْحَيّ، إِلٰـهْ بَنِي إِسْرَائِيلْ الْأَنَا قَاعِدْ نَعَبُدَهْ، فِي السِّنِينْ الْجَايِينْ مَا فِي كَرَنْج وَ لَا مَطَرَةْ إِلَّا كَنْ أَنَا شَحَدْتَهْ.»

تَثْنِية 29:23

وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.

1 مُلوك 8:35

«وَ أَكُونْ السَّمَاءْ يِنْسَدَّ وَ الْمَطَرْ يَبْقَى مَا فِيهْ أَشَانْ شَعَبَكْ أَذْنَبَوْا ضِدَّكْ. وَ كَنْ هُمَّنْ يِوَجُّهُوا لَيْك عَلَيْ الْبَكَانْ دَا لِيِصَلُّوا وَ يِمَجُّدُوا أُسْمَكْ وَ يِعْتَرُفُوا بِذُنُوبْهُمْ أَشَانْ إِنْتَ تَعَّبْتُهُمْ،

أيُّوب 31:40

خَلَاصْ، خَلِّي أَرْضِي تِقَوِّمْ حَسْكَنِيتْ فِي بَدَلْ الْقَمَحْ الْأَحْمَرْ وَ أَنْدِرَيْسَةْ فِي بَدَلْ الْقَمَحْ الْأَبْيَضْ! وَ دَا كَلَامْ أَيُّوبْ الْأَخِيرْ.

إشَعْيا 7:19

وَ هُمَّنْ يَجُوا كُلُّهُمْ وَ يَنْزُلُوا فِي كَرْكَوْ الْوُدْيَانْ وَ فِي شُقُوقْ الْجِبَالْ وَ فِي كُلَّ الشَّدَرْ الْعِنْدُهُمْ شَوْك وَ فِي كُلَّ الْمَرَاعِي.

إشَعْيا 32:10

بَعَدْ سَنَةْ وَ أَيَّامْ، تَرْجِفَنْ، يَا الْقَاعِدَاتْ بِأَمَانْ. أَشَانْ قَطِعْ الْعِنَبْ يَبْقَى مَا فِيهْ بَتَّانْ مَا فِي لَمِّينْ هَنَا مَعَاشْ.

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 55:13

فِي بَدَلْ الشَّدَرْ الْعِنْدَهْ شَوْك، يُقُمّ حَطَبْ السَّرْوِي. وَ فِي بَدَلْ الْحَسْكَنِيتْ، يُقُمّ نَبَاتْ الْعِنْدَهْ رِيحَةْ حَلُوَّةْ. وَ كُلَّ الْأَشْيَاءْ دَوْل يُكُونُوا فِي شَانْ أُسُمْ اللّٰهْ يَبْقَى عَالِي وَ عَلَامَةْ دَايْمَةْ الْأَبَداً مَا تِنْقَشَّ.

هُوشَع 9:6

حَتَّى كَانْ عَرَّدَوْا مِنْ الدَّمَارْ كُلَ، بَلَدْ مَصِرْ تَجْمَعْهُمْ وَ حِلَّةْ مَمْفِيسْ تَدْفِنْهُمْ. الشَّوْك يِسِدّ كَنْزُهُمْ هَنَا الْفُضَّةْ وَ الْحَسْكَنِيتْ يُقُمّ فِي خِيَمْهُمْ.

يُوِيل 1:7

وَ هُمَّنْ دَمَّرَوْا جِنَيْنَةْ عِنَبِي وَ كَسَّرَوْا شَدَرْ تِينِي. وَ مَرَقَوْا قِرْفَهْ وَ رَمَوْه وَ يَبَّسَوْا فُرُوعَهْ.

أمْثال 24:31

وَ دَاهُو شِفْت الشَّوْك فِي كُلَّ بَكَانْ وَ الْقَشّ مُغَطَّي الْأَرْض، مَا تِنْشَافْ بَتَّانْ وَ الزَّرِيبَةْ دَرَادِرْهَا أَلْكَسَّرَنْ وَ دَفَّقَنْ.

مَراثِي إرْمِيا 2:6

هُو خَرَبْ زَرِيبْتَهْ مِثِلْ زَرِيبَةْ هَنَا جِنَيْنَةْ وَ اللّٰهْ دَمَّرْ بَكَانَهْ هَنَا الْمَلَمَّةْ. وَ فِي صَهْيُون، هُو نَسَّاهُمْ يَوْم الْعِيدْ وَ يَوْم السَّبْت. وَ مِنْ شِدَّةْ غَضَبَهْ، هُو أَبَاهُمْ لِلْمُلُوكْ وَ رُجَالْ الدِّينْ.