إشَعْيا 5:2 - الكتاب المقدس بالعربي الدارجي هنا تشاد

² هُو حَرَتْ الْأَرْض وَ مَرَقْ حُجَارْهَا وَ شَالْ أَحْسَنْ مَقَنْ وَ مَقَّنَهْ. وَ بَنَى بَيْت طَوِيلْ لِلْمُرَاقَبَةْ فِي لُبّ الْجِنَيْنَةْ وَ فِي الْحَجَرْ، سَوَّى عَصَّارَةْ. عِنْدَهْ عَشَمْ يَلْقَى عِنَبْ عَدِيلْ وَ لَاكِنْ جِنَيْنِتَهْ أَنْتَجَتْ إِلَّا عِنَبْ تَلْفَانْ.

إشَعْيا 5:2 Referenca të Kryqëzuara

إرْمِيا 2:21

أَنَا مَقَّنْتُكُو مِثِلْ شَدَرَةْ عِنَبْ الْمَعْزُولَةْ مِنْ النَّوْع الْعَدِيلْ. كِكَّيْف قِدِرْتُوا أَلْغَيَّرْتُوا لِشَدَرَةْ عِنَبْ الْمَا مَعْرُوفَةْ؟

1 كُرُنْتُس 9:7

وَيْن الْعَسْكَرِي الْيِكَفِّي نَفْسَهْ؟ وَيْن النَّادُمْ الْيِمَقِّنْ جِنَيْنَةْ هَنَا عِنَبْ وَ مَا يَاكُلْ مِنْ فَوَاكِهَّا؟ وَيْن الرَّاعِي الْيَسْرَحْ بِالْغَنَمْ وَ مَا يَشْرَبْ لَبَنْهُمْ؟

مَرْخُوس 11:13

وَ شَافْ قِدَّامَهْ شِيَّةْ بَعِيدْ شَدَرَةْ تِينْ مَلَانَةْ وَرْشَالْ. وَ مَشَى لَيْهَا أَشَانْ يَقْطَعْ مِنْهَا عِيَالْ. لَاكِنْ وَكِتْ لِحِقْهَا مَا لِقِي فَوْقهَا تِينْ، إِلَّا الْوَرْشَالْ بَسْ، أَشَانْ وَكِتْهَا لِسَّاعْ مَا تَمَّ.

رَوْمَا 9:4

هُمَّنْ بَنِي إِسْرَائِيلْ، الشَّعَبْ الْاللّٰهْ عَزَلَاهُمْ لِيَبْقَوْا عِيَالَهْ وَ جَهَّزْ لَيْهُمْ الْمَجْد. وَ سَوَّى مَعَاهُمْ مُعَاهَدَاتْ وَ نَزَّلْ لَيْهُمْ التَّوْرَاةْ وَ أَنْطَاهُمْ الْعِبَادَةْ. وَ لَيْهُمْ هُمَّنْ، أَنْطَاهُمْ الْوُعُودْ

مَرْخُوس 12:2

وَ فِي وَكِتْ لَمِّينْ الْعِنَبْ، هُو رَسَّلْ عَبِدْ وَاحِدْ لِلْحَرَّاتِينْ أَشَانْ يِشِيلْ مِنْهُمْ الْعِنَبْ الْوَاجِبْ لَيَّهْ.

مَتَّى 21:34

وَكِتْ لَمِّينْ الْعِنَبْ قَرَّبْ، هُو رَسَّلْ عَبِيدَهْ لِلْحَرَّاتِينْ أَشَانْ يِشِيلُوا الْعِنَبْ الْوَاجِبْ لَيَّهْ.

مَتَّى 21:19

وَ شَافْ شَدَرَةْ تِينْ جَنْب الدَّرِبْ. وَ مَشَى لَيْهَا وَ لَاكِنْ مَا لِقِي عِيَالْ فِيهَا إِلَّا الْوَرْشَالْ. وَ عِيسَى قَالْ لِلشَّدَرَةْ دِي: «بَتَّانْ مَا تَلْدَيْ عِيَالْ مَرَّةْ وَاحِدْ.» وَ عَجَلَةْ كَيْ الشَّدَرَةْ يِبْسَتْ.

مِيخا 4:8

يَا جَبَلْ صَهْيُون الْمِثِلْ بِنَيَّةْ، إِنْتَ تِرَاقِبْ شَعَبَكْ مِنْ فَوْق مِثِلْ قَصِرْ الْحُرَّاسْ هَنَا الْغَنَمْ. سُلْطِتَكْ الْأَوَّلْ تِقَبِّلْ لَيْك وَ بَتَّانْ مَدِينَةْ الْقُدُسْ الْمِثِلْ بِنَيَّةْ تَبْقَى عَاصِمَةْ مَمْلَكَةْ.»

هُوشَع 10:1

بَنِي إِسْرَائِيلْ وِلْدَوْا زِيَادَةْ مِثِلْ شَدَرَةْ عِنَبْ التَّلْدَ كَتِيرْ. وَ لَاكِنْ وَكِتْ عِيَالْهُمْ كِتْرَوْا، هُمَّنْ كَتَّرَوْا مَدَابِحْ لِإِلٰـهَاتْهُمْ. وَ وَكِتْ أَرْضُهُمْ بِقَتْ جَمِيلَةْ، جَمَّلَوْا الْحُجَارْ الْغَزَّوْهُمْ لِلْعِبَادَةْ.

إشَعْيا 5:7

أَشَانْ جِنَيْنَةْ اللّٰهْ الْقَادِرْ، هِي ذُرِّيَّةْ بَنِي إِسْرَائِيلْ. وَ نَاسْ يَهُوذَا، هُمَّنْ مَقَنْ الْهُو يِحِبَّهْ. بِعَشَمْ هُو يَرْجَى مِنْهُمْ الْعَدَالَةْ وَ لَاكِنْ لِقِي الظُّلُمْ. هُو يَرْجَى مِنْهُمْ الصَّلَاحْ وَ لَاكِنْ سِمِعْ صِرَاخْ الْمَظْلُومْ.

إشَعْيا 1:8

مَدِينَةْ صَهْيُون الْمِثِلْ بِنَيَّةْ، أَبَوْهَا وَ بِقَتْ مِثِلْ لِقْدَابَةْ فِي جِنَيْنَةْ عِنَبْ بَعَدْ الْقَطِعْ. أَبَوْهَا مِثِلْ عِلِّيَّةْ فِي أُسُطْ زَرَعْ الْفَقُّوسْ وَ مِثِلْ حِلَّةْ مُحَاصَرَةْ.

نَحَمْيا 13:15

وَ فِي الْوَكِتْ دَا، أَنَا شِفْت فِي بَلَدْ يَهُوذَا نَاسْ وَاحِدِينْ يَعَصُرُوا عِنَبْهُمْ فِي يَوْم السَّبْت. وَ آخَرِينْ بِشِدُّوا قَمَحْ فِي حَمِيرْهُمْ وَ بِجِيبُوهْ أَوْ بِجِيبُوا خَمَرْ هَنَا عِنَبْ أَوْ الْعِنَبْ ذَاتَهْ أَوْ تِينْ أَوْ أَيِّ بُضَاعَةْ آخَرَةْ فِي مَدِينَةْ الْقُدُسْ فِي يَوْم السَّبْت. وَ مِثِلْ دَا، أَنَا حَذَّرْتُهُمْ أَشَانْ مَا يِبِيعُوا خُمَامْهُمْ فِي يَوْم السَّبْت.

قُضياء 16:4

وَ بَعَدْ دَا، شَمْشُونْ دَوَّرْ مَرَةْ وَاحِدَةْ أُسُمْهَا ضَلِيلَةْ الْقَاعِدَةْ عَلَيْ وَادِي سُورِقْ.

تَثْنِية 32:6

وَ مِثِلْ دَا بَسْ، تِسَوُّوا مَعَ اللّٰهْ وَلَّا؟ يَا الْمَطْمُوسِينْ! إِنْتُو مَا عِنْدُكُو حِكْمَةْ. مَا هُو بَسْ أَبُوكُو الْأَنْطَاكُو الْحَيَاةْ وَلَّا؟ وَ هُو بَسْ الْخَلَقَاكُو وَ ثَبَّتَاكُو.

عَدد 23:9

وَ وَكِتْ نِشِيفْهُمْ مِنْ رَاسْ الْحَجَرْ وَ وَكِتْ نِرَاقِبْهُمْ مِنْ رَاسْ الْجَبَلْ، أَنَا نِشِيفْهُمْ شَعَبْ يَسْكُنْ مَعْزُولْ وَ مَا مَحْسُوبِينْ مَعَ بَاقِي الْأُمَمْ.

خُروج 33:16

وَ كَنْ إِنْتَ مَا تَمْشِي مَعَانَا، كِكَّيْف نَادُمْ يَقْدَرْ يَعَرِفْ كَدَرْ إِنْتَ رِضِيتْ لَيِّ وَ لِشَعَبَكْ؟ وَ كِكَّيْف يَقْدَرَوْا يِفَنُّدُونَا أَنَا وَ شَعَبَكْ مِنْ كُلَّ شُعُوبْ الْأَرْض الْآخَرِينْ؟»

مَتَّى 21:33

«أَسْمَعَوْا، نُقُولْ لَيْكُو مَثَلْ آخَرْ. نَادُمْ وَاحِدْ سِيدْ الْمَالْ مَقَّنْ عِنَبْ فِي جِنَيْنَةْ وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

مَرْخُوس 12:1

وَ فِي الْبَكَانْ دَا، عِيسَى قَمَّ يِحَجِّي لَيْهُمْ بِأَمْثَالْ وَ قَالْ: «نَادُمْ وَاحِدْ مَقَّنْ عِنَبْ فِي جِنَيْنَةْ. وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

2 صَمُوِيل 7:10

وَ أَنَا نَنْطِي بَكَانْ لِشَعَبِي بَنِي إِسْرَائِيلْ وَ نِمَكِّنْهُمْ. وَ هُمَّنْ يَسْكُنُوا فِي الْبَكَانْ دَا بَلَا خَوْف. وَ نَاسْ فَسْلِينْ مَا يَظُلْمُوهُمْ بَتَّانْ مِثِلْ أَوَّلْ.

زَبُور 80:8

مِنْ بَلَدْ مَصِرْ، إِنْتَ مَرَقْت شَدَرَةْ الْعِنَبْ. وَ طَرَدْت الْأُمَمْ وَ مَقَّنْت شَدَرَةْ الْعِنَبْ دِي.

زَبُور 80:9

إِنْتَ جَهَّزْت لَيْهَا الْأَرْض وَ هِي دَسَّتْ عُرُوقْهَا وَ مَلَتْ الْبَلَدْ.

إرْمِيا 11:17

«وَ أَنَا اللّٰهْ الْقَادِرْ بَسْ مَقَّنْتَهَا وَ قَرَّرْت نِسَوِّي لَيْهَا الْفَسَالَةْ، بِسَبَبْ الْفَسَالَةْ السَّوَّوْهَا بَنِي إِسْرَائِيلْ وَ بَنِي يَهُوذَا. وَ هُمَّنْ غَضَّبَوْنِي وَكِتْ حَرَّقَوْا بَخُورْ لِإِلٰـهْ بَعَلْ.»