إشَعْيا 5:15 - الكتاب المقدس بالعربي الدارجي هنا تشاد

¹⁵ وَ كُلَّ النَّاسْ يِدَنْقُرُوا وَ أَيِّ رَاجِلْ يِلْمَسْكَن وَ الْيِشِيفُوا بِإِسْتِكْبَارْ يِدَلُّوا رُوسَيْهُمْ.

إشَعْيا 5:15 Referenca të Kryqëzuara

إشَعْيا 2:11

الْإِنْسَانْ الْفَشَّارْ، يِدَلِّي رَاسَهْ وَ النَّادُمْ الْمُسْتَكْبِرْ، يِدَنْقِرْ. وَ فِي الْيَوْم دَا، اللّٰهْ وِحَيْدَهْ بَسْ يِعَظُّمُوهْ.

إشَعْيا 2:9

يَا رَبّ! الْإِنْسَانْ يِدَنْقِرْ وَ أَيِّ رَاجِلْ يِلْمَسْكَن. مَا تَغْفِرْ لَيْهُمْ!

1 بُطْرُس 5:5

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

إرْمِيا 5:9

هَلْ أَنَا مَا نِعَاقِبْ الْأَشْيَاءْ دَوْل؟ هَلْ مَا نِلْكَفَّى فِي الْأُمَّةْ الْمِثِلْ دِي؟ وَ دَا كَلَامْ اللّٰهْ.

إشَعْيا 37:29

وَ أَنَا سِمِعْت إِنْتَ رَجَفْت مِنْ الزَّعَلْ ضِدِّي وَ أَسْتَكْبَرْت. وَ بِسَبَبْ دَا، أَنَا نِدِسّ لَيْك زُمَامْ فِي مُنْخَرَكْ وَ لِجَامْ فِي خَشْمَكْ وَ نِقَبِّلَكْ بِالدَّرِبْ الْإِنْتَ جِيتْ بَيَّهْ.›»

إشَعْيا 37:23

لِيَاتُو إِنْتَ عَيَّرْتَهْ وَ أَشَّمَّتْ فَوْقَهْ؟ وَ ضِدّ يَاتُو إِنْتَ كَلَّمْت وَ شِفْت بِإِسْتِكْبَارْ؟ دَا ضِدِّي أَنَا، قُدُّوسْ إِسْرَائِيلْ!

إشَعْيا 13:11

وَ الرَّبّ قَالْ: «أَنَا نِعَاقِبْ الدُّنْيَا فِي شَانْ فَسَالِتْهَا وَ الْعَاصِيِينْ فِي شَانْ خَطَاهُمْ. وَ نِوَقِّفْ إِسْتِكْبَارْ الْمُسْتَكْبِرِينْ وَ نِنَزِّلْ فَشَارْ سِيَادْ الْعُنُفْ.

إشَعْيا 10:33

وَ شِيفُوا! دَاهُو اللّٰهْ الرَّبّ الْقَادِرْ يِدَمِّرْ عَسْكَرْ أَشُورْ مِثِلْ نَادُمْ يِكَسِّرْ الْفُرُوعْ بِشِدَّةْ. وَ مِثِلْ يَقْطَعْ الْفُرُوعْ الْمَرْفُوعِينْ فَوْق، اللّٰهْ يِكَمِّلْ كُبَارَاتْهُمْ وَ الْعَالِيِينْ كُلَ، يَرْمِيهُمْ تِحِتْ.

إشَعْيا 10:12

وَ وَكِتْ الرَّبّ يِكَمِّلْ كُلَّ خِدِمْتَهْ فِي جَبَلْ صَهْيُون وَ فِي مَدِينَةْ الْقُدُسْ، هُو يُقُولْ: «نُقُمّ ضِدّ أَفْكَارْ الْإِسْتِكْبَارْ هَنَا مَلِكْ بَلَدْ أَشُورْ وَ شَوْفَهْ هَنَا الْبُغُضْ.

إشَعْيا 2:17

وَ خَلَاصْ، الْإِنْسَانْ الْفَشَّارْ يِدَلِّي رَاسَهْ وَ النَّادُمْ الْمُسْتَكْبِرْ، يِدَنْقِرْ. وَ فِي الْيَوْم دَا، اللّٰهْ وِحَيْدَهْ بَسْ يِعَظُّمُوهْ.

زَبُور 62:9

أَيْوَى، بَنِي آدَم زَايْلِينْ وَ الْإِنْسَانْ مَا عِنْدَهْ أَمَانْ. كَنْ خَطَّيْتهُمْ فِي الْمِيزَانْ كُلَ، وَزِنْهُمْ خَفِيفْ مِنْ الرِّيحْ.

خُروج 9:17

وَ دَايْماً، إِنْتَ قَاعِدْ تَدْحَرْ شَعَبِي وَ مَا تِخَلِّيهُمْ يَمُرْقُوا مِنْ بَلَدَكْ.

2 صَمُوِيل 22:28

وَ تِنَجِّي الْمَظْلُومِينْ وَ تِدَلِّي رَاسْ الْمُسْتَكْبِرِينْ.

زَبُور 131:1

يَا اللّٰهْ، قَلْبِي مَا مُتَكَبِّرْ وَ مَا نِشِيفْ نَفْسِي عَالِي. وَ مَا فَتَّشْت الْكُبُورِيَّةْ وَ لَا الشَّيّءْ الزِّيَادَةْ مِنِّي.

أمْثال 30:13

فِي نَاسْ وَاحِدِينْ نَفِسْهُمْ عَاجْبَيْهُمْ وَ يَحْقُرُوا الْآخَرِينْ.

صَفَنْيا 3:11

«يَا شَعَبِي، فِي الْيَوْم دَا مَا تَلْقَوْا أَيِّ عَيْب بِسَبَبْ كُلَّ أَعْمَالْكُو الْبَيْهُمْ عِصِيتُونِي. أَشَانْ فِي الْوَكِتْ دَا، نَمْرُقْ مِنْ أُسُطْكُو الْكُلُوفِيِينْ وَ مَا تِسْتَكْبَرَوْا فِي جَبَلِي الْمُقَدَّسْ.

إشَعْيا 2:12

أَشَانْ فِي الْيَوْم دَا، اللّٰهْ الْقَادِرْ يُقُمّ ضِدّ كُلَّ الْمُسْتَكْبِرِينْ وَ ضِدّ كُلَّ الْيَرْفَعَوْا رُوسَيْهُمْ. هُو يُقُمّ ضِدّ كُلَّ الْيِكَبُّرُوا نُفُوسْهُمْ وَ هُو يِنَزِّلْهُمْ.