إشَعْيا 5:1 - الكتاب المقدس بالعربي الدارجي هنا تشاد

¹ خَلِّي نِغَنِّي لِمَحْبُوبِي. وَ دَا غِنَيْ لِمَحْبُوبِي وَ لِجِنَيْنِتَهْ هَنَا الْعِنَبْ. مَحْبُوبِي عِنْدَهْ جِنَيْنَةْ عِنَبْ فِي قَوْز الْيِقَوِّمْ عَدِيلْ.

إشَعْيا 5:1 Referenca të Kryqëzuara

مَرْخُوس 12:1

وَ فِي الْبَكَانْ دَا، عِيسَى قَمَّ يِحَجِّي لَيْهُمْ بِأَمْثَالْ وَ قَالْ: «نَادُمْ وَاحِدْ مَقَّنْ عِنَبْ فِي جِنَيْنَةْ. وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

لُوقا 20:9

وَ عِيسَى قَمَّ حَجَّى لِلنَّاسْ بِمَثَلْ وَ قَالْ: «نَادُمْ وَاحِدْ مَقَّنْ عِنَبْ فِي جِنَيْنَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا. وَ هُو ذَاتَهْ خَطَرْ وَ مَشَى فِي بَلَدْ آخَرَةْ. وَ طَوَّلْ مَا قَبَّلْ.

يُوحَنَّا 15:1

«أَنَا بَسْ شَدَرَةْ الْعِنَبْ الصَّحِيحَةْ وَ أَبُويِ هُو سِيدْ الْجِنَيْنَةْ.

مَتَّى 21:33

«أَسْمَعَوْا، نُقُولْ لَيْكُو مَثَلْ آخَرْ. نَادُمْ وَاحِدْ سِيدْ الْمَالْ مَقَّنْ عِنَبْ فِي جِنَيْنَةْ وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

إرْمِيا 2:21

أَنَا مَقَّنْتُكُو مِثِلْ شَدَرَةْ عِنَبْ الْمَعْزُولَةْ مِنْ النَّوْع الْعَدِيلْ. كِكَّيْف قِدِرْتُوا أَلْغَيَّرْتُوا لِشَدَرَةْ عِنَبْ الْمَا مَعْرُوفَةْ؟

زَبُور 80:8

مِنْ بَلَدْ مَصِرْ، إِنْتَ مَرَقْت شَدَرَةْ الْعِنَبْ. وَ طَرَدْت الْأُمَمْ وَ مَقَّنْت شَدَرَةْ الْعِنَبْ دِي.

نشيد 2:16

حَبِيبِي، أَنَا لَيَّهْ هُو وَ هُو لَيِّ أَنَا. وَ هُو سَارِحْ بِغَنَمَهْ فِي النُّوَّارْ.

نشيد 6:3

حَبِيبِي، أَنَا لَيَّهْ هُو وَ هُو لَيِّ أَنَا. هُو سَارِحْ فِي النُّوَّارْ.

نشيد 5:16

خَشْمَهْ حَلُو وَ جِسْمَهْ كُلَّ كَيْ مَحْبُوبْ. وَ دَا بَسْ، حَبِيبِي وَ دَا بَسْ، رَفِيقِي. أَعَرْفَنَّهْ، يَا بَنَاتْ مَدِينَةْ الْقُدُسْ.

نشيد 5:2

أَيْوَى، أَنَا نُمْت وَ قَلْبِي وَاعِي. وَ دَاهُو حَبِيبِي طَقَّ الْبَابْ وَ قَالْ: «أَفْتَحَيْ لَيِّ، يَا أَخْتِي، يَا حَبِيبْتِي، يَا حَمَامْتِي، يَا جَمِيلْتِي! أَشَانْ الْكَرَنْج غَطَّى رَاسِي وَ شَعَرِي أَنْبَلَّ!»

زَبُور 45:1

قَلْبِي أَنْمَلَى بِكَلَامْ جَمِيلْ وَ أَنَا قُلْت شِعِرْ وَ عَظَّمْت الْمَلِكْ. وَ خَلِّي لِسَانِي يَبْقَى مِثِلْ قَلَمْ هَنَا كَاتِبْ مُتَخَصِّصْ.

زَبُور 101:1

أَنَا نِدَوْر نِغَنِّي بِرَحْمَتَكْ وَ عَدَالْتَكْ. وَ لَيْك إِنْتَ، يَا اللّٰهْ، أَنَا نِغَنِّي.

زَبُور 60:5

رُدّ لَيْنَا وَ بِإِيدَكْ الزَّيْنَةْ، نَجِّينَا أَشَانْ مَحْبُوبِينَكْ يَلْقَوْا النَّجَاةْ.

إرْمِيا 12:10

وَ كُبَارَاتْ الْعَدُو جَوْا دَمَّرَوْا بَلَدِي مِثِلْ رُعْيَانْ بِمَالْهُمْ يِدَمُّرُوا جِنَيْنِتِي هَنَا الْعِنَبْ. وَ فَجَّقَوْهَا وَ سَوَّوْهَا صَحَرَاء خَرَابْ، هِي الْأَوَّلْ مِثِلْ زَرْعِي الْجَمِيلْ.

حِزْقِيال 15:2

«يَا إِبْن آدَمْ، هَلْ حَطَبْ شَدَرَةْ الْعِنَبْ أَحْسَنْ مِنْ حَطَبْ الشَّدَرَةْ الْآخَرَةْ؟ وَلَّا فُرُوعَهْ أَحْسَنْ مِنْ فُرُوعْ شَدَرْ الْغَابَةْ؟

هُوشَع 10:1

بَنِي إِسْرَائِيلْ وِلْدَوْا زِيَادَةْ مِثِلْ شَدَرَةْ عِنَبْ التَّلْدَ كَتِيرْ. وَ لَاكِنْ وَكِتْ عِيَالْهُمْ كِتْرَوْا، هُمَّنْ كَتَّرَوْا مَدَابِحْ لِإِلٰـهَاتْهُمْ. وَ وَكِتْ أَرْضُهُمْ بِقَتْ جَمِيلَةْ، جَمَّلَوْا الْحُجَارْ الْغَزَّوْهُمْ لِلْعِبَادَةْ.

تَثْنِية 8:7

وَ بَيْدَا، اللّٰهْ إِلٰـهْكُو يِوَدِّيكُو فِي بَلَدْ عَدِيلَةْ الْعِنْدَهَا وُدْيَانْ وَ عُيُونْ أَلْمِي وَ أَلْمِي الْيَمْرُقْ مِنْ تِحِتْ الْأَرْض وَ يِسِيلْ فِي الْكَدَادَةْ وَ الْجِبَالْ.

تَثْنِية 8:10

وَ وَكِتْ تَاكُلُوا وَ تَشْبَعَوْا، تَحْمُدُوا اللّٰهْ إِلٰـهْكُو فِي شَانْ الْبَلَدْ الْعَدِيلَةْ الْأَنْطَاهَا لَيْكُو.

حِزْقِيال 19:10

«أَمَّكْ مِثِلْ شَدَرَةْ الْعِنَبْ الْمَقَّنَوْهَا فِي خَشُمْ الْأَلْمِي. هِي وِلْدَتْ فَوَاكِهْ وَ عِنْدَهَا وَرَقْ أَشَانْ الْأَلْمِي كَتِيرْ.