إشَعْيا 49:8 - الكتاب المقدس بالعربي الدارجي هنا تشاد

⁸ وَ دَاهُو اللّٰهْ قَالْ: «فِي وَكِتْ الْمُنَاسِبْ، أَنَا رَدَّيْت لَيْك وَ فِي يَوْم النَّجَاةْ، أَنَا فَزَعْتَكْ. أَنَا حَفَضْتَكْ لِتَبْقَى مُعَاهَدَةْ لِلشَّعَبْ وَ لِتِجَدِّدْ الْبَلَدْ وَ تِقَسِّمْ الْأَرْض الْخَرْبَانَةْ مِثِلْ وَرَثَةْ

إشَعْيا 49:8 Referenca të Kryqëzuara

2 كُرُنْتُس 6:2

أَشَانْ فِي الْكِتَابْ، اللّٰهْ قَالْ: <فِي وَكِتْ الْمُنَاسِبْ، أَنَا قِبِلْت دُعَاكْ. أَيْوَى، فِي يَوْم النَّجَاةْ، أَنَا فَزَعْتَكْ.> أَسْمَعَوْا، دَا بَسْ الْوَكِتْ الْاللّٰهْ يَرْضَى بَيَّهْ. دَا بَسْ يَوْم النَّجَاةْ.

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

زَبُور 69:13

لَاكِنْ دَاهُو نِوَجِّهْ لَيْك صَلَاتِي، يَا اللّٰهْ، وَ دَا الْوَكِتْ الْمُنَاسِبْ، يَا رَبِّي! بِرَحْمَتَكْ الْكَبِيرَةْ، رُدّ لَيِّ وَ بِصِدْقَكْ، نَجِّينِي!

عِبْرَانِيِّين 12:24

وَ جِيتُوا قِدَّامْ عِيسَى وَسِيطْ هَنَا الْمُعَاهَدَةْ الْجَدِيدَةْ وَ قِدَّامْ دَمَّهْ الْمَرْشُوشْ الْيَشْهَدْ لَيْنَا بِشَهَادَةْ أَخَيْر مِنْ شَهَادَةْ دَمّ هَابِيلْ.

إشَعْيا 61:4

هُمَّنْ يَبْنُوا الْمُهَدَّمْ مِنْ زَمَانْ وَ يِقَوُّمُوا الْخِرِبْ مِنْ أَوَّلْ وَ يِجَدُّدُوا بُنَى الْمُدُنْ الْمُهَدَّمِينْ وَ خَرْبَانِينْ مِنْ ذُرِّيَّةْ لِذُرِّيَّةْ.

إشَعْيا 58:12

وَ بِسَبَبَكْ إِنْتَ، النَّاسْ يَبْنُوا الْمُهَدَّمْ مِنْ زَمَانْ. وَ إِنْتَ تَبْنِي بَتَّانْ فِي الْأَسَاسْ هَنَا الذُّرِّيَّاتْ الْفَاتَوْا. النَّاسْ يِنَادُوكْ سَدَّادْ الْخُرَمْ وَ عَدَّالْ شَوَارِعْ الْمَدِينَةْ لِيَسْكُنُوهَا.»

عِبْرَانِيِّين 5:7

وَكِتْ عِيسَى قَاعِدْ فِي الدُّنْيَا، هُو نَادَى اللّٰهْ الْيَقْدَرْ يِنَجِّيهْ مِنْ الْمَوْت وَ سَأَلَهْ بِحِسّ عَالِي وَ دُمُوعْ. وَ اللّٰهْ قِبِلْ سُؤَالَهْ أَشَانْ هُو تَقِي.

إشَعْيا 51:16

أَنَا خَطَّيْت كَلَامِي فِي خَشْمَكْ وَ لَبَّدْتَكْ فِي لُبّ إِيدِي. أَنَا بَسْ الْفَلَّيْت السَّمَاوَاتْ وَ أَسَّسْت الْأَرْض وَ قُلْت لِنَاسْ صَهْيُون: ‹إِنْتُو بَسْ شَعَبِي.›»

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

أفَسُس 1:6

خَلِّي نَشْكُرُوهْ فِي شَانْ نِعْمَتَهْ الْمَجِيدَةْ النَّزَّلَاهَا فَوْقنَا بِإِبْنَهْ الْيِحِبَّهْ.

إشَعْيا 54:3

أَشَانْ إِنْتِ تِزِيدِي عَلَيْ الْإِسْرَةْ وَ الزَّيْنَةْ وَ ذُرِّيِّتْكِ يَقْلَعَوْا أَرْض الْأُمَمْ وَ يَسْكُنُوا الْمُدُنْ الْخَرَابْ.

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

إشَعْيا 26:3

يَا رَبّ! لِلنَّادُمْ الثَّابِتْ، إِنْتَ تِجِيبْ السَّلَامْ أَشَانْ هُو يِتْوَكَّلْ عَلَيْك.

زَبُور 75:3

وَكِتْ الْأَرْض تَرْجِفْ بِكُلَّ سُكَّانْهَا، مَا أَنَا بَسْ نِثَبِّتْ أَسَاسْهَا وَلَّا؟ وَقْفَةْ.

زَبُور 2:8

أَطْلُبْ مِنِّي الْأُمَمْ وَ نَنْطِيهُمْ لَيْك وَرَثَةْ وَ تَمْلُكْ فِي كُلَّ الْأَرْض.

عِبْرَانِيِّين 8:6

لَاكِنْ هَسَّعْ عِيسَى عِنْدَهْ خِدْمَةْ أَخَيْر زِيَادَةْ مِنْ خِدْمَةْ رُجَالْ الدِّينْ الْأَوَّلَانِيِّينْ أَشَانْ هُو بِقِي وَسِيطْ هَنَا الْمُعَاهَدَةْ الْأَخَيْر زِيَادَةْ. وَ الْمُعَاهَدَةْ دِي، اللّٰهْ ثَبَّتْهَا فِي وُعُودْ أَخَيْر زِيَادَةْ مِنْ الْوُعُودْ الْأَوَّلَانِيِّينْ.

مَتَّى 26:28

دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ أَشَانْ اللّٰهْ يَغْفِرْ لَيْهُمْ ذُنُوبْهُمْ.

إشَعْيا 51:3

أَيْوَى! اللّٰهْ يِصَبِّرْ صَهْيُون وَ هُو يِصَبِّرْهَا فِي كُلَّ خَرَابْهَا. هُو يِسَوِّي كَدَادِتْهَا مِثِلْ جِنَيْنَةْ عَدِنْ وَ صَحَرَاهَا مِثِلْ جِنَيْنَةْ اللّٰهْ. وَ يِنْلَقُوا فَوْقهَا الْفَرَحْ وَ السُّرُورْ وَ الشُّكُرْ وَ حِسّ الْمُسِيقَى.

2 صَمُوِيل 7:13

وَ هُو بَسْ الْيَبْنِي بَيْت لِيِمَجُّدُوا فَوْقَهْ أُسْمِي وَ أَنَا نِثَبِّتْ عَايِلْتَهْ فِي الْمُلُكْ إِلَى الْأَبَدْ.

إشَعْيا 27:3

أَنَا اللّٰهْ بَسْ حَارِسْهَا وَ نَزْقِيهَا فِي كُلَّ وَكِتْ. وَ فِي شَانْ مَا يَدْخُلُوا فَوْقهَا، أَنَا قَاعِدْ نَحْرِسْهَا لَيْل وَ نَهَارْ.

إشَعْيا 41:10

هَسَّعْ دَا، مَا تَخَافْ أَشَانْ أَنَا مَعَاكْ. مَا تِهِمّ أَشَانْ أَنَا إِلٰـهَكْ. أَنَا قَوَّيْتَكْ أَيْوَى، أَنَا جِيتْ وَ فَزَعْتَكْ! أَنَا سَاعَدْتَكْ وَ نَصَرْتَكْ بِإِيدِي الزَّيْنَةْ.

إشَعْيا 55:6

فَتُّشُوا اللّٰهْ فِي وَكِتْ هُو بِنْلَقِي وَ نَادُوهْ وَكِتْ هُو قَاعِدْ قَرِيبْ.

إشَعْيا 57:13

وَكِتْ تَصْرَخَيْ، هَلْ أَصْنَامْكِ اللَّمَّيْتِيهُمْ يِنَجُّوكِ وَلَّا؟ لَا! الرِّيحْ تِشِيلْهُمْ وَ الْهَوَاءْ يِوَدِّيهُمْ! وَ لَاكِنْ لِلْيَلْجَأْ لَيِّ أَنَا كَمَانْ، نَنْطِيهْ الْأَرْض وَرَثَةْ وَ يَوْرِثْ جَبَلِي الْمُقَدَّسْ.»

إشَعْيا 58:5

وَ الصِّيَامْ الْأَنَا نَرْضَى بَيَّهْ، هُو مِثِلْ دَا وَلَّا؟ إِلَّا يَوْم وَاحِدْ بَسْ، الْفَوْقَهْ الْإِنْسَانْ يِمَسْكِنْ نَفْسَهْ وَلَّا؟ وَ يَرْخِي رَاسَهْ مِثِلْ عَقَيْقَايْ الْمَرْضَانَةْ وَ يَلْبَسْ خَلَقْ التَّوْبَةْ وَ يَرْقُدْ فِي رُمَادْ وَلَّا؟ دَا بَسْ تِنَادُوهْ صِيَامْ وَلَّا؟ وَ يَوْم صِيَامْ مِثِلْ دَا، أَنَا اللّٰهْ نَرْضَى بَيَّهْ وَلَّا؟

إشَعْيا 61:2

أَنَا نَعْلِنْ سَنِةْ نِعْمَةْ اللّٰهْ وَ يَوْم التَّارْ هَنَا إِلٰـهْنَا. وَ دَا، لِنِصَبِّرْ كُلَّ الْحَزْنَانِينْ.

إشَعْيا 65:9

مِنْ يَعْقُوبْ نَمْرُقْ ذُرِّيَّةْ أَيْوَى، مِنْ بَنِي يَهُوذَا نِجِيبْ الْيَوْرِثْ جِبَالِي. أَنَا عَزَلْتُهُمْ يَوْرُثُوهُمْ أَيْوَى، عَبِيدِي يَسْكُنُوا فَوْقهُمْ.