إشَعْيا 49:5 - الكتاب المقدس بالعربي الدارجي هنا تشاد

⁵ وَ هَسَّعْ اللّٰهْ كَلَّمْ، هُو الْكَوَّنَانِي فِي بَطُنْ أَمِّي لِنَبْقَى عَبْدَهْ وَ لِنِقَبِّلْ عَلَيَّهْ ذُرِّيَّةْ يَعْقُوبْ، أَيْوَى، نِلِمّ قِدَّامَهْ بَنِي إِسْرَائِيلْ. وَ نَلْقَى شَرَفْ قِدَّامْ اللّٰهْ أَشَانْ إِلٰـهِي هُو قُدُرْتِي.

إشَعْيا 49:5 Referenca të Kryqëzuara

يُوحَنَّا 3:35

«اللّٰهْ يِحِبّ إِبْنَهْ وَ أَنْطَاهْ كُلَّ شَيّءْ فِي إِيدَيْنَهْ.

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

1 بُطْرُس 3:22

وَ الْمَسِيحْ هُو الْمَشَى فَوْق فِي السَّمَاوَاتْ وَ هَسَّعْ قَاعِدْ جَنْب اللّٰهْ فِي نُصَّهْ الزَّيْنَايْ. وَ تِحْتَهْ الْمَلَائِكَةْ وَ حُكَّامْ وَ كُبَارَاتْ الْأَرْوَاحْ.

رَوْمَا 15:8

وَ فِي شَانْ دَا، نُقُولْ لَيْكُو كَدَرْ الْمَسِيحْ بِقِي خَدَّامْ لِلْيَهُودْ أَشَانْ يِوَصِّفْ كَدَرْ اللّٰهْ صَادِقْ وَ يِتِمّ الشَّيّءْ الْوَاعَدْ بَيَّهْ جُدُودْهُمْ.

لُوقا 19:42

وَ قَالْ: «أَنَا نِتْمَنَّى الْيَوْم إِنْتِ تَعَرْفِي الشَّيّءْ الْيِجِيبْ لَيْكِ السَّلَامْ لَاكِنْ لَحَدِّي هَسَّعْ، مَا فِهِمْتِيهْ.

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مَتَّى 15:24

وَ عِيسَى قَالْ لَيْهَا: «اللّٰهْ رَسَّلَانِي لِبَنِي إِسْرَائِيلْ بَسْ وَ هُمَّنْ غَنَمْ اللّٰهْ الْمُوَدِّرِينْ.»

مَتَّى 11:27

«أَبُويِ اللّٰهْ وَكَّلَانِي بِكُلَّ شَيّءْ. مَا فِي نَادُمْ الْيَعَرِفْ إِبْن اللّٰهْ إِلَّا أَبُوهْ. وَ مَا فِي نَادُمْ الْيَعَرِفْ اللّٰهْ، إِلَّا إِبْن اللّٰهْ وَ النَّادُمْ الْإِبْن اللّٰهْ يِدَوْر يِوَصِّفْ لَيَّهْ أَبُوهْ.

مَتَّى 3:17

وَ حِسّ مِنْ السَّمَاءْ أَنْسَمَعْ وَ قَالْ: «دَا بَسْ إِبْنِي وَ أَنَا نِحِبَّهْ. أَنَا فَرْحَانْ بَيَّهْ بِلْحَيْن.»

إشَعْيا 56:8

وَ دَاهُو كَلَامْ اللّٰهْ الرَّبّ، هُو الْيِلِمّ مُشَتَّتِينْ بَنِي إِسْرَائِيلْ. هُو قَالْ: «أَنَا نِلِمّ بَتَّانْ آخَرِينْ مَعَ اللَّمَّيْتهُمْ.»

إشَعْيا 52:13

«دَاهُو عَبْدِي يَنْجَحْ وَ يِنْرَفِعْ وَ يَبْقَى عَالِي وَ يَلْقَى شَرَفْ مَرَّةْ وَاحِدْ.

إشَعْيا 50:4

اللّٰهْ الرَّبّ أَنْطَانِي لِسَانْ التَّلَامِيذ أَشَانْ بِكَلَامِي نَقْدَرْ نِسَاعِدْ الْعَيَّانْ. كُلِّ صَبَاحْ، هُو يِقَوِّمْنِي مِنْ النَّوْم وَ يُفُكّ أَدَانِي لِنَسْمَعْ مِثِلْ التَّلَامِيذ.

إشَعْيا 49:1

أَسْمَعَوْنِي، يَا نَاسْ جَزَايِرْ الْبَحَرْ! خُطُّوا بَالْكُو، يَا الْأُمَمْ الْبَعِيدِينْ. اللّٰهْ نَادَانِي مِنْ أَنَا فِي بَطُنْ أَمِّي وَ ذَكَرْ أُسْمِي مِنْ أَنَا فِي رِحِمْهَا.

إشَعْيا 43:4

أَشَانْ إِنْتَ مُهِمّ لَيِّ وَ إِنْتَ مُشَرَّفْ وَ أَنَا نِحِبَّكْ، نَنْطِي نَاسْ فِي بَدَلَكْ وَ شُعُوبْ فِي بَدَلْ حَيَاتَكْ.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

إشَعْيا 11:12

هُو يَرْفَعْ رَايَةْ لِلْأُمَمْ وَ يِلِمّ بَنِي إِسْرَائِيلْ الْمَطْرُودِينْ وَ يَجْمَعْ بَنِي يَهُوذَا الْمُشَتَّتِينْ فِي الْأَرْبَعَةْ جِيهَاتْ هَنَا الْأَرْض.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

غَلاطِية 1:15

لَاكِنْ مِنْ أَنَا فِي بَطُنْ أَمِّي، اللّٰهْ عَزَلَانِي وَ بِنِعْمَتَهْ، نَادَانِي. وَ فِي الْوَكِتْ الْاللّٰهْ قَطَعَهْ لَيِّ،

إشَعْيا 25:1

يَا اللّٰهْ! إِنْتَ رَبِّي، أَنَا نِعَظِّمَكْ وَ نَشْكُرْ أُسْمَكْ أَشَانْ إِنْتَ سَوَّيْت عَجَايِبْ وَ مِنْ زَمَانْ، وَصِيَّاتَكْ صِدِقْ وَ أَمَانْ.

إشَعْيا 27:12

وَ فِي الْيَوْم دَا، اللّٰهْ يِحِتّ الشَّدَرْ مِنْ بَحَرْ الْفُرَاتْ لَحَدِّي وَادِي مَصِرْ. وَ يِلَقُّطُوكُو الْوَاحِدْ بَعَدْ الْآخَرْ، يَا بَنِي إِسْرَائِيلْ!

إشَعْيا 44:2

دَاهُو اللّٰهْ قَالْ: أَنَا خَلَقْتَكْ وَ كَوَّنْتَكْ فِي بَطُنْ أَمَّكْ وَ سَاعَدْتَكْ. مَا تَخَافْ، يَا عَبْدِي يَعْقُوبْ، يَا إِسْرَائِيلْ الْأَنَا عَزَلْتَكْ!

إرْمِيا 1:5

«قَبُلْ مَا نِكَوِّنَكْ فِي بَطُنْ أَمَّكْ، أَنَا نَعَرْفَكْ. وَ قَبُلْ مَا تَمْرُقْ مِنْ رِحِمْ أَمَّكْ، أَنَا خَصَّصْتَكْ أَشَانْ نِرَسِّلَكْ نَبِي لِلْأُمَمْ.»

زَكَرِيَّا 6:13

أَيْوَى، هُو بَسْ يَبْنِي بَيْت اللّٰهْ وَ هُو بَسْ الْيَلْبَسْ خَلَقْ الْمُلُكْ وَ يَقْعُدْ فِي كُرْسِيهْ وَ يَحْكِمْ. وَ رَاجِلْ الدِّينْ كُلَ يَقْعُدْ جَنْب كُرْسِيهْ وَ أَمْبَيْنَاتْهُمْ هُمَّنْ الْإِتْنَيْن فِي مُوَافَقَةْ كَامِلَةْ.“›

نَحَمْيا 8:10

وَ بَتَّانْ قَالَوْا لَيْهُمْ: «أَمْشُوا وَ جَهُّزُوا أَكِلْ حَلُو وَ آكُلُوهْ وَ أَشَرْبَوْا شَرَابْ حَلُو وَ قَسُّمُوا مِنَّهْ لِلنَّاسْ الْمَا قِدْرَوْا جَهَّزَوْا شَيّءْ. أَشَانْ الْيَوْم دَا يَوْم خَاصّ لِرَبِّنَا. مَا تَحْزَنَوْا، أَشَّاجَعَوْا أَمْبَيْنَاتْكُو أَشَانْ الْفَرَحْ الْيَجِي مِنْ اللّٰهْ، هُو قُدْرِتْكُو!»