إشَعْيا 49:4 - الكتاب المقدس بالعربي الدارجي هنا تشاد

⁴ وَ لَاكِنْ أَنَا قُلْت: «أَنَا عِيِيتْ بَلَا فَايْدَةْ! وَ وَدَّرْت قُدُرْتِي فِي الْفَاضِي وَ فِي الرِّيحْ سَاكِتْ. لَاكِنْ أَكِيدْ اللّٰهْ يَنْطِينِي حَقِّي وَ مُكَافَاتِي قَاعِدَةْ فِي إِيدْ إِلٰـهِي.»

إشَعْيا 49:4 Referenca të Kryqëzuara

إشَعْيا 35:4

وَ قُولُوا لِلْقُلُوبْهُمْ أَنْقَطَعَوْا: «أَبْقَوْا قَوِيِّينْ! مَا تَخَافَوْا. دَاهُو إِلٰـهْكُو! هُو يَجِي يِشِيلْ لَيْكُو التَّارْ وَ يِلْكَفَّى لَيْكُو فِي عُدْوَانْكُو. وَ هُو ذَاتَهْ يَجِي يِنَجِّيكُو.»

غَلاطِية 4:11

حَالِتْكُو دِي خَوَّفَتْنِي بِلْحَيْن أَشَانْ أَكُونْ التَّعَبْ الْأَنَا تِعِبْتَهْ فَوْقكُو مَشَى فِي رِيحْ سَاكِتْ.

2 كُرُنْتُس 12:15

وَ فِي شَانْكُو إِنْتُو، نَنْطِي بِفَرَحْ كُلَّ شَيّءْ الْعِنْدِي وَ نَنْطِي نَفْسِي فِي شَانْكُو بَتَّانْ. كَنْ نِحِبُّكُو كَتِيرْ، هَلْ إِنْتُو تِحِبُّونِي شِيَّةْ وَلَّا؟

2 كُرُنْتُس 2:15

وَ أَنِحْنَ مِثِلْ الْبَخُورْ الْقَاعِدْ يِقَدِّمَهْ الْمَسِيحْ لِلّٰهْ. وَ النَّاسْ الْقَاعِدِينْ يَنْجَوْا يُشُمُّوا رِيحْتَهْ وَ النَّاسْ الْقَاعِدِينْ يَهْلَكَوْا كُلَ يُشُمُّوا رِيحْتَهْ.

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مَتَّى 17:17

وَ عِيسَى رَدَّ وَ قَالْ: «يَا النَّاسْ الْعُوُجْ وَ مَا عِنْدُكُو إِيمَانْ! لَحَدِّي مَتَى نَقْعُدْ مَعَاكُو؟ لَحَدِّي مَتَى نِلْحَمَّلْكُو؟ جِيبُوا لَيِّ الْوِلَيْد هِنِي.»

حِزْقِيال 3:19

وَ لَاكِنْ كَنْ إِنْتَ حَذَّرْت الْعَاصِي وَ هُو أَبَى مَا يِخَلِّي عِصْيَانَهْ وَلَّا دَرْبَهْ الْفَسِلْ، خَلَاصْ هُو يُمُوتْ فِي خَطَايَهْ وَ لَاكِنْ إِنْتَ نَجَّيْت نَفْسَكْ.

إشَعْيا 65:23

هُمَّنْ مَا يَعْيَوْا بَلَا فَايْدَةْ وَ لَا يَلْدَوْا لِلْمَوْت. أَشَانْ هُمَّنْ شَعَبْ الْبَارَكَاهُمْ اللّٰهْ، هُمَّنْ وَ ذُرِّيِّتْهُمْ مَعَاهُمْ.

إشَعْيا 62:11

وَ دَاهُو اللّٰهْ خَبَّرْ لَحَدِّي آخِرْ الْأَرْض وَ قَالْ: «قُولُوا لِسُكَّانْ صَهْيُون الْمِثِلْ بِنَيَّةْ: ‹دَاهُو مُنَجِّيكُو جَايِ وَ مَاحِيّتَهْ مَعَايَهْ وَ قِدَّامَهْ مُكَافَاتَهْ.›»

إشَعْيا 40:10

دَاهُو اللّٰهْ الرَّبّ جَايِ بِشِدَّةْ وَ بِقُدْرَةْ إِيدَهْ، قَاعِدْ يَمْلُكْ. وَ دَاهُو يِجِيبْ مَاحِيّتَهْ مَعَايَهْ وَ مُكَافَاتَهْ قِدَّامَهْ.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

رَوْمَا 10:21

لَاكِنْ فِي بَنِي إِسْرَائِيلْ، هُو قَالْ: <كُلَّ يَوْم أَنَا مَدَّيْت إِيدَيْنِي لِشَعَبْ عَاصِيِينْ وَ رَاسْهُمْ قَوِي.>

يُوحَنَّا 1:11

هُو جَاءْ لِنَاسَهْ وَ لَاكِنْ نَاسَهْ مَا قِبْلَوْه.

لُوقا 24:26

مَا فِهِمْتُوا كَدَرْ الْمَسِيحْ لَابُدَّ يَتْعَبْ مِثِلْ دَا قُبَّالْ مَا يَدْخُلْ فِي مَجْدَهْ وَلَّا؟»

إشَعْيا 65:2

كُلَّ يَوْم مَدَّيْت إِيدَيْنِي لِشَعَبْ رَاسْهُمْ قَوِي. وَ لَاكِنْ هُمَّنْ شَايْلِينْ دَرِبْ مَا عَدِيلْ حَسَبْ أَفْكَارْهُمْ.

لاوِيِّين 26:20

وَ إِنْتُو تِعَيُّوا نُفُوسْكُو بَلَا فَايْدَةْ. الْأَرْض مَا تِقَوِّمْ شَيّءْ وَ شَدَرْ الْبَلَدْ كُلَ مَا يَلْدَ عِيَالْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

أمْثال 29:26

نَاسْ كَتِيرِينْ يِفَتُّشُوا رِضَى الْمَلِكْ وَ لَاكِنْ اللّٰهْ بَسْ الْحَاكِمْ فِي النَّاسْ.

إشَعْيا 25:1

يَا اللّٰهْ! إِنْتَ رَبِّي، أَنَا نِعَظِّمَكْ وَ نَشْكُرْ أُسْمَكْ أَشَانْ إِنْتَ سَوَّيْت عَجَايِبْ وَ مِنْ زَمَانْ، وَصِيَّاتَكْ صِدِقْ وَ أَمَانْ.

إشَعْيا 40:27

يَا بَنِي إِسْرَائِيلْ! يَا ذُرِّيَّةْ يَعْقُوبْ! مَالَا تُقُولُوا: «دَرِبْنَا مُلَبَّدْ مِنْ اللّٰهْ وَ حُقُوقْنَا مَا يِنْشَافَوْا لِإِلٰـهْنَا.»

إشَعْيا 57:21

وَ إِلٰـهِي قَالْ: «لِلْعَاصِيِينْ، مَا فِي سَلَامْ!»

إشَعْيا 59:18

خَلَاصْ، اللّٰهْ يِكَافِي أَيِّ نَادُمْ حَسَبْ عَمَلَهْ وَ يَغْضَبْ لِخُصْمَانَهْ وَ يِجَازِي عُدْوَانَهْ وَ يِكَافِي سُكَّانْ الْجَزَايِرْ حَسَبْ عَمَلْهُمْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

1 مُلوك 19:10

وَ إِلِيَاسْ رَدَّ لَيَّهْ وَ قَالْ: «يَا اللّٰهْ الْإِلٰـهْ الْقَادِرْ، عِنْدِي مَحَبَّةْ شَدِيدَةْ لَيْك. وَ بَنِي إِسْرَائِيلْ نَقَضَوْا مُعَاهَدَتَكْ وَ كَسَّرَوْا كُلَّ مَدَابْحَكْ وَ كَتَلَوْا أَنْبِيَائَكْ بِالْسَّيْف. وَ أَنَا فَضَّلْت وِحَيْدِي وَ هُمَّنْ قَاعِدِينْ يِفَتُّشُونِي لِيَكْتُلُونِي.»