إشَعْيا 49:3 - الكتاب المقدس بالعربي الدارجي هنا تشاد

³ وَ اللّٰهْ قَالْ لَيِّ: «يَا إِسْرَائِيلْ، إِنْتَ عَبْدِي! وَ بَيْك إِنْتَ، نِوَصِّفْ مَجْدِي.»

إشَعْيا 49:3 Referenca të Kryqëzuara

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

إشَعْيا 44:23

يَا السَّمَاوَاتْ، زَغْرُطُوا أَشَانْ اللّٰهْ سَوَّى الشَّيّءْ دَا! أَفْرَحَيْ، يَا أَرْض التِّحِتْ! وَ يَا جِبَالْ وَ إِنْتُو الْغَابَاتْ وَ كُلَّ شَدَرْكُو، غَنُّوا بِالْفَرَحْ! أَشَانْ اللّٰهْ فَدَى يَعْقُوبْ وَ يِوَصِّفْ مَجْدَهْ فِي إِسْرَائِيلْ.

يُوحَنَّا 17:4

أَنَا كَمَّلْت الْعَمَلْ الْإِنْتَ كَلَّفْتِنِي بَيَّهْ وَ بَيْدَا، أَنَا مَجَّدْتَكْ فِي الْأَرْض.

زَكَرِيَّا 3:8

«أَسْمَعْ، يَا يَشُوعْ كَبِيرْ رُجَالْ الدِّينْ وَ كُلَّ رُجَالْ الدِّينْ التِّحْتَكْ. إِنْتُو ذَاتْكُو عَلَامَةْ هَنَا الشَّيّءْ الْيُكُونْ. دَاهُو قَرِيبْ أَنَا نِرَسِّلْ عَبْدِي الْبِنَادُوهْ بِذْرَةْ.

إشَعْيا 52:13

«دَاهُو عَبْدِي يَنْجَحْ وَ يِنْرَفِعْ وَ يَبْقَى عَالِي وَ يَلْقَى شَرَفْ مَرَّةْ وَاحِدْ.

يُوحَنَّا 17:1

وَ وَكِتْ عِيسَى قَالْ كُلَّ الْكَلَامْ دَا خَلَاصْ، هُو رَفَعْ رَاسَهْ وَ شَافْ فَوْق فِي السَّمَاءْ وَ قَالْ: «يَا أَبُويِ، الْوَكِتْ جَاءْ. أَنْطِي مَجْد لَيِّ أَنَا إِبْنَكْ أَشَانْ أَنَا إِبْنَكْ نِمَجِّدَكْ.

إشَعْيا 53:10

وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

أفَسُس 1:6

خَلِّي نَشْكُرُوهْ فِي شَانْ نِعْمَتَهْ الْمَجِيدَةْ النَّزَّلَاهَا فَوْقنَا بِإِبْنَهْ الْيِحِبَّهْ.

يُوحَنَّا 15:8

وَ مَجْد أَبُويِ يِبِينْ زِيَادَةْ وَكِتْ إِنْتُو تَبْقَوْا مِثِلْ فُرُوعْ الْيَلْدَوْا عِيَالْ كَتِيرْ. وَ بَيْدَا، تِوَصُّفُوا نُفُوسْكُو كَدَرْ إِنْتُو تَلَامِيذِي.

يُوحَنَّا 12:28

أَخَيْر نُقُولْ: ‹يَا أَبُويِ، مَجِّدْ أُسْمَكْ!›» وَ حِسّ اللّٰهْ أَنْسَمَعْ مِنْ السَّمَاءْ وَ قَالْ: «أَنَا مَجَّدْتَهْ وَ نِمَجِّدَهْ بَتَّانْ.»

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

إشَعْيا 43:21

وَ هُمَّنْ الشَّعَبْ الْأَنَا خَلَقْتُهُمْ لَيِّ لِيِبَلُّغُوا حَمْدِي.»

2 تَسَلونِيكِي 1:10

وَ دَا يَبْقَى وَكِتْ هُو يَجِي فِي أُسُطْ شَعَبَهْ الصَّالِحِينْ أَشَانْ يِمَجُّدُوهْ. وَ فِي الْيَوْم دَا، هُو يَجِي فِي أُسْط النَّاسْ الْآمَنَوْا بَيَّهْ وَ كُلُّهُمْ يِكَرُّمُوهْ بِفَرْحَةْ. وَ إِنْتُو كُلَ تُكُونُوا مَعَاهُمْ أَشَانْ وَكِتْ جِينَا لَيْكُو، آمَنْتُوا بِسَبَبْ شَهَادِتْنَا.

لاوِيِّين 10:3

وَ مُوسَى قَالْ لِهَارُونْ: «دَا بَسْ كَلَامْ اللّٰهْ وَكِتْ قَالْ: ‹الْيِقَرُّبُوا لَيِّ يَعَرْفُونِي كَدَرْ أَنَا قُدُّوسْ وَ يِمَجُّدُونِي قِدَّامْ كُلَّ الشَّعَبْ.›» وَ هَارُونْ قَاعِدْ سَاكِتْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

إشَعْيا 41:8

«وَ لَاكِنْ إِنْتَ يَا إِسْرَائِيلْ، يَا عَبْدِي يَعْقُوبْ! أَنَا عَزَلْتَكْ مِنْ ذُرِّيَّةْ إِبْرَاهِيمْ خَلِيلِي.