إشَعْيا 49:2 - الكتاب المقدس بالعربي الدارجي هنا تشاد

² هُو سَوَّى لِسَانِي مِثِلْ سَيْف طَرِينْ وَ فِي لُبّ إِيدَهْ، لَبَّدْنِي. وَ سَوَّانِي مِثِلْ نُشَّابْ طَرِينْ وَ فِي كَلَوْتَّهْ، دَسَّانِي.

إشَعْيا 49:2 Referenca të Kryqëzuara

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

رُؤية 1:16

وَ فِي إِيدَهْ الزَّيْنَةْ، هُو شَايِلْ سَبْعَةْ نُجُومْ. وَ سَيْف مُطَرَّقْ مِنْ جَايْ وَ جَايْ مَارِقْ مِنْ خَشْمَهْ. وَ وِجْهَهْ يِضَوِّي شَدِيدْ مِثِلْ حَرَّايِةْ الضُّهُرْ.

إشَعْيا 50:4

اللّٰهْ الرَّبّ أَنْطَانِي لِسَانْ التَّلَامِيذ أَشَانْ بِكَلَامِي نَقْدَرْ نِسَاعِدْ الْعَيَّانْ. كُلِّ صَبَاحْ، هُو يِقَوِّمْنِي مِنْ النَّوْم وَ يُفُكّ أَدَانِي لِنَسْمَعْ مِثِلْ التَّلَامِيذ.

إشَعْيا 51:16

أَنَا خَطَّيْت كَلَامِي فِي خَشْمَكْ وَ لَبَّدْتَكْ فِي لُبّ إِيدِي. أَنَا بَسْ الْفَلَّيْت السَّمَاوَاتْ وَ أَسَّسْت الْأَرْض وَ قُلْت لِنَاسْ صَهْيُون: ‹إِنْتُو بَسْ شَعَبِي.›»

رُؤية 2:12

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ بَرْغَامُسْ. دَاهُو كَلَامِي، أَنَا الْعِنْدِي سَيْف الْمُطَرَّقْ مِنْ جَايْ وَ جَايْ.

إرْمِيا 1:18

وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

هُوشَع 6:5

أَشَانْ دَا، أَنَا ضَرَبْتُكُو بِالْأَنْبِيَاء وَ كَتَلْتُكُو بِكَلَامِي وَ نُورْ شَرِيعْتِي نَوَّرْكُو مِثِلْ نُورْ الصَّبَاحْ.

زَبُور 91:1

الْيَسْكُنْ فِي مَلْجَأْ الْعَالِي، يَسْكُنْ فِي حِمَايَةْ اللّٰهْ الْقَادِرْ.

رُؤية 19:15

وَ سَيْف مُطَرَّقْ مَارِقْ مِنْ خَشْمَهْ وَ يَضْرُبْ بَيَّهْ الْأُمَمْ. وَ هُو يَحْكِمْ فَوْقهُمْ بِعَصَاةْ هَنَا حَدِيدْ. هُو بَسْ الْيِفَجِّقْ الْعِنَبْ فِي الْعَصَّارَةْ وَ مَعَنَاتَهْ هُو مَسْؤُولْ مِنْ غَضَبْ اللّٰهْ الْقَادِرْ.

لُوقا 23:46

وَ عِيسَى عَاطْ بِحِسّ شَدِيدْ وَ قَالْ: «يَا أَبُويِ، رُوحِي نَنْطِيهَا لَيْك فِي إِيدَكْ.» وَ بَعَدْ قَالْ الْكَلَامْ دَا، خَلَاصْ مَاتْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

أفَسُس 6:17

وَ خَلِّي النَّجَاةْ تَبْقَى لَيْكُو طَاقِيَّةْ هِنْت حَرِبْ. وَ أَكُرْبُوا قَوِي كَلَامْ اللّٰهْ الْهُو مِثِلْ سَيْف هَنَا الرُّوحْ الْقُدُّوسْ.

رُؤية 2:16

وَ أَشَانْ دَا، نُقُولْ لَيْك تُوبْ مِنْ ذُنُوبَكْ. وَ كَنْ مَا تُبْت، أَنَا نَجِي لَيْك قَرِيبْ وَ نِدَاوِسْ النَّاسْ دَوْل بِالْسَّيْف الْمَارِقْ مِنْ خَشْمِي.

خُروج 33:22

وَ وَكِتْ عَظَمَتِي تُفُوتْ قِدَّامَكْ، نُخُطَّكْ فِي فَرَقَةْ الْحَجَرْ وَ نِغَطِّيكْ بِإِيدِي. وَ بَعَدْ عَظَمَتِي تُفُوتْ خَلَاصْ،

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

حَبَقُوق 3:11

وَ مِنْ نُورْ نَشَاشِيبَكْ وَ بَرَقَانْ حَرِبْتَكْ، الْحَرَّايْ وَ الْقَمَرْ وَقَفَوْا بَكَانْ وَاحِدْ.