إشَعْيا 47:9 - الكتاب المقدس بالعربي الدارجي هنا تشاد

⁹ لَاكِنْ الْأَشْيَاءْ الْإِتْنَيْن دَوْل يَجُوكِ بِسُرْعَةْ، فِي يَوْم وَاحِدْ بَسْ، تِوَدِّرِي عِيَالْكِ وَ تَبْقَيْ أَرْمَلَةْ. حَتَّى بِكَتَرَةْ سِحِرْكِ وَ قُدْرَةْ جَنَّانِيِّينْكِ كُلَ، الْأَشْيَاءْ دَوْل يَجُوا فَوْقكِ بِشِدَّةْ.

إشَعْيا 47:9 Referenca të Kryqëzuara

1 تَسَلونِيكِي 5:3

وَكِتْ النَّاسْ قَاعِدِينْ يُقُولُوا: «عِنْدِنَا الصِّحَّةْ وَ السَّلَامْ»، فِي الْوَكِتْ الْمِثِلْ دَا بَسْ، الْهَلَاكْ يَضْرُبْهُمْ عَجَلَةْ مِثِلْ الطَّلَقَةْ تَجِي عَجَلَةْ لِلْمَرَةْ الْغَلْبَانَةْ. مَا مُمْكِنْ يِنْبَلْصُوا.

زَبُور 73:19

بِسُرْعَةْ، أَنْبَهَتَوْا وَ بِقَوْا مَا فِيهُمْ، أَنْقَشَّوْا مِنْ الْخَرِيعَةْ.

نَاحُوم 3:4

مَدِينَةْ نِينَوَى أَشَّرْمَطَتْ مِثِلْ شَرْمُوطَةْ وَ هِي سِتّ الْجَمَالْ وَ سِتّ السِّحِرْ. هِي عَبَّدَتْ الْأُمَمْ بِشَرْمَطَتْهَا وَ عَبَّدَتْ الْقَبَايِلْ بِسِحِرْهَا.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

دَنْيال 5:7

وَ الْمَلِكْ نَادَى بِحِسّ شَدِيدْ وَ قَالْ يِجِيبُوا قِدَّامَهْ كُلَّ الشَّوَّافِينْ وَ الْمُنَجِّمِينْ وَ الْخَطَّاطِينْ الْهُمَّنْ مُسْتَشَارِينْ هَنَا بَابِلْ. وَ قَالْ لَيْهُمْ: «أَيِّ نَادُمْ مِنْكُو الْقِدِرْ قَرَى الْكِتَابَة دِي وَ فَسَّرْهَا لَيِّ، نِلَبِّسَهْ خَلَقْ غَالِي الْيَلْبَسَوْه الْمُلُوكْ وَ نِدِسّ لَيَّهْ سِلْسِلَةْ هَنَا دَهَبْ فِي رَقَبَتَهْ وَ نِدَرِّجَهْ تَالِتْ رَجُلْ فِي الْمَمْلَكَةْ.»

دَنْيال 4:7

وَ خَلَاصْ، كُلَّ السَّحَّارِينْ وَ الشَّوَّافِينْ وَ الْمُنَجِّمِينْ وَ الْخَطَّاطِينْ جَوْا قِدَّامِي. وَ أَنَا حَجَّيْت لَيْهُمْ بِالْحِلِمْ دَا وَ لَاكِنْ هُمَّنْ مَا قِدْرَوْا يِفَسُّرُوا لَيِّ مَعَنَاتَهْ.

دَنْيال 2:2

وَ الْمَلِكْ نَادَى كُلَّ السَّحَّارِينْ وَ الشَّوَّافِينْ وَ الشَّدَّارَى وَ الْمُنَجِّمِينْ أَشَانْ يَجُوا وَ يِعَرُّفُوا لَيَّهْ الرُّؤْيَةْ دِي. وَ كُلُّهُمْ جَوْا قِدَّامْ الْمَلِكْ.

إرْمِيا 51:29

الْأَرْض أَنْهَزَّتْ وَ رَجَفَتْ وَكِتْ قَرَارْ اللّٰهْ ضِدّ بَابِلْ أَلْحَقَّقْ. وَ بَلَدْ بَابِلْ تَخْرَبْ وَ تَبْقَى فَاضِيَةْ مِنْ سُكَّانْهَا.

رَعُوث 1:20

وَ نَعِيمَةْ رَدَّتْ لَيْهِنْ وَ قَالَتْ: «بَتَّانْ مَا تِنَادَنِّي نَعِيمَةْ لَاكِنْ نَادَنِّي مُرَّةْ أَشَانْ اللّٰهْ الْقَادِرْ مَرَّرْ لَيِّ حَيَاتِي.

رَعُوث 1:5

وَ بَعَدْ دَا، مَحْلُونْ وَ كِلْيُونْ مَاتَوْا وَ خَلَاصْ أَمُّهُمْ فَقَدَتْ رَاجِلْهَا وَ عِيَالْهَا.

إشَعْيا 13:16

وَ أَطْفَالْهُمْ يَرْحَكَوْهُمْ قِدَّامْهُمْ وَ يَنْهَبَوْا خُمَامْ بُيُوتْهُمْ وَ يَرُقْدُوا مَعَ عَوِينْهُمْ بِقُوءْ.»

إشَعْيا 21:9

وَ دَاهُو! نَادُمْ رَاكِبْ فِي عَرَبَةْ الْيُكُرُّوهَا خَيْل إِتْنَيْن جَايِ وَ يُقُولْ: ‹وَقَعَتْ! بَابِلْ وَقَعَتْ! وَ كُلَّ أَصْنَامْ إِلٰـهَاتْهَا كَسَّرَوْهُمْ فِي التُّرَابْ!›»

إشَعْيا 47:11

لَاكِنْ يَجِيكِ بَلَاءْ الْإِنْتِ مَا تَعَرْفِي تَمُرْقِي مِنَّهْ وَ تَقَعْ فَوْقكِ مَصِيبَةْ الْمَا تَقْدَرَيْ تَدْحَرَيْهَا وَ بِغَفْلَةْ، يَجِيكِ خَرَابْ الْيَوْم وَاحِدْ مَا شِفْتِيهْ.

إرْمِيا 15:9

وَ أَمّ السَّبْعَةْ أَوْلَادْ تَحْزَنْ وَ نَفَسْهَا يِنْقَطِعْ. نَهَارْهَا يَبْقَى لَيْهَا لَيْل وَ عَشَمْهَا يِنْقَطِعْ وَ تِدَنْقِرْ رَاسْهَا. وَ الْفَضَّلَوْا مِنْهُمْ نِسَلِّمْهُمْ لِسَيْف عُدْوَانْهُمْ.» وَ دَا كَلَامْ اللّٰهْ.

دَنْيال 5:30

وَ لَاكِنْ فِي نَفْس اللَّيْلَةْ دِي، بَلْشَاصَرْ مَلِكْ بَابِلْ، كَتَلَوْه.