إشَعْيا 47:8 - الكتاب المقدس بالعربي الدارجي هنا تشاد

⁸ وَ هَسَّعْ دَا أَسْمَعَيْ، يَا إِنْتِ التِّحِبِّي الرُّجَالْ! إِنْتِ قَاعِدَةْ بِأَمَانْ وَ تُقُولِي فِي قَلِبْكِ: ‹أَنَا بَسْ قَاعِدَةْ، مَا فِي شَيّءْ بَلَايِ! أَبَداً مَا نَبْقَى أَرْمَلَةْ وَ لَا نِوَدِّرْ عِيَالِي.›

إشَعْيا 47:8 Referenca të Kryqëzuara

صَفَنْيا 2:15

وَ أَوَّلْ، دِي مَدِينَةْ الْفَرَحْ الْقَاعِدَةْ بِأَمَانْ. وَ هِي قَالَتْ فِي نَفِسْهَا: «أَنَا بَسْ الْجَمِيلَةْ وَ مَا فِي بَلَايِ.» هَسَّعْ شِيفُوا! هِي بِقَتْ خَرَابْ وَ مَرْقَدْ حَيْوَانَاتْ. أَيِّ وَاحِدْ الْيُفُوتْ جَنْبَهَا يِصَفِّرْ وَ يِهِزّ رَاسَهْ مِنْ الْعَجَبْ.

إشَعْيا 32:9

يَا الْعَوِينْ الْمُنْجَمَّاتْ، قُمَّنْ وَ أَسْمَعَنْ حِسِّي. يَا الْبَنَاتْ الْقَاعِدَاتْ بِأَمَانْ، خُطَّنْ أُدْنَيْكَنْ لِكَلَامِي.

إرْمِيا 50:11

أَيْوَى، إِنْتُو فِرِحْتُوا وَ أَنْبَسَطْتُوا، إِنْتُو النَّهَبْتُوا شَعَبِي الْمِثِلْ وَرَثَتِي. وَ نَطَّطْتُوا مِثِلْ الْعِجْلَةْ فِي الْقَشّ الْأَخْضَرْ وَ حَنْحَنْتُوا مِثِلْ الْخَيْل الْعِنْدُهُمْ قُدْرَةْ.

إشَعْيا 47:10

إِنْتِ أَتْوَكَّلْتِ فِي فَسَالِتْكِ وَ قُلْتِ: ‹مَا فِي نَادُمْ يِشِيفْنِي!› وَ حِكْمِتْكِ وَ مَعْرَفَتْكِ لَفَّوْا رَاسْكِ. وَ قُلْتِ فِي قَلِبْكِ: ‹أَنَا بَسْ قَاعِدَةْ، مَا فِي شَيّءْ بَلَايِ!›

إشَعْيا 45:6

دَا لِيَعَرْفُوا مِنْ طَلُوعْ الْحَرَّايْ لَحَدِّي وَقُوعْهَا كَدَرْ مَا فِي شَيّءْ بَلَايِ. أَنَا اللّٰهْ وَ لَا إِلٰـهْ إِلَّا أَنَا.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

نَاحُوم 1:10

إِنْتُو مِثِلْ الشَّوْك الشَّابِكْ وَ مِثِلْ السَّكَّارَى السِّكْرَوْا. النَّارْ تَاكُلْهُمْ بِالْكَامِلْ مِثِلْ الْقَشّ الْيَابِسْ.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

دَنْيال 5:30

وَ لَاكِنْ فِي نَفْس اللَّيْلَةْ دِي، بَلْشَاصَرْ مَلِكْ بَابِلْ، كَتَلَوْه.

دَنْيال 5:23

إِنْتَ قَمَّيْت ضِدّ اللّٰهْ رَبّ السَّمَاوَاتْ وَ جَابَوْا لَيْك مَوَاعِينْ بَيْتَهْ وَ شِرِبْتُوا بَيْهُمْ الْخَمَرْ، إِنْتَ وَ مُوَظَّفِينَكْ وَ عَوِينَكْ وَ سِرِّيَّاتَكْ. وَ غَنَّيْت لِإِلٰـهَاتَكْ الْمِنْ دَهَبْ وَ فُضَّةْ وَ نَحَاسْ وَ حَدِيدْ وَ خَشَبْ وَ حُجَارْ. وَ هُمَّنْ إِلٰـهَاتْ الْمَا يِشِيفُوا وَ لَا يَسْمَعَوْا وَ لَا يَعَرْفُوا شَيّءْ. وَ بَيْدَا كُلَ، إِنْتَ أَبَيْت مَا تِمَجِّدْ اللّٰهْ الْأَنْطَاكْ الْحَيَاةْ وَ قَاعِدْ يِرَاقِبْ دَرْبَكْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

دَنْيال 4:22

وَ الشَّدَرَةْ دِي، هِي إِنْتَ يَا الْمَلِكْ! إِنْتَ كِبِرْت وَ بِقِيتْ قَوِي مِثِلْهَا وَ عَظَمَتَكْ بِقَتْ كَبِيرَةْ لَحَدِّي لِحْقَتْ السَّمَاءْ وَ سُلْطِتَكْ لِحْقَتْ كُلَّ الْأَرْض.

إرْمِيا 51:53

حَتَّى كَنْ بَابِلْ تَبْقَى عَالِيَةْ لَحَدِّي السَّمَاءْ وَ تِقَوِّي بَكَانَاتْهَا الْعَالِيِينْ كُلَ، أَنَا نِجِيبْ فَوْقهَا مُخَرِّبِينْ.» وَ دَا كَلَامْ اللّٰهْ.

إشَعْيا 45:18

أَشَانْ دَاهُو كَلَامْ اللّٰهْ، خَالِقْ السَّمَاوَاتْ وَ هُو الْإِلٰـهْ السَّوَّى الْأَرْض وَ كَوَّنْهَا وَ ثَبَّتْهَا. هُو مَا خَلَقَاهَا لِتَقْعُدْ فَاضِيَةْ لَاكِنْ كَوَّنْهَا لِيَسْكُنُوهَا. هُو قَالْ: «أَنَا اللّٰهْ وَ مَا فِي إِلٰـهْ إِلَّا أَنَا.

قُضياء 18:27

وَ نَاسْ قَبِيلَةْ دَانْ شَالَوْا الْخُمَامْ الْمِيكَا صَنَعَاهُمْ وَ رَاجِلْ الدِّينْ الْخَدَمْ لَيَّهْ وَ مَشَوْا فِي لَيِشْ. وَ سُكَّانْهَا الْقَاعِدِينْ فِي رَاحَةْ وَ أَمَانْ، كَتَلَوْهُمْ بِالْسَّيْف وَ حَرَّقَوْا الْمَدِينَةْ.

قُضياء 18:7

وَ الرُّجَالْ الْخَمْسَةْ مَشَوْا قِدَّامْ وَ وَصَّلَوْا حِلَّةْ لَيِشْ. وَ شَافَوْا كَدَرْ سُكَّانْهَا هَادِيِينْ وَ عَايْشِينْ فِي رَاحَةْ وَ أَمَانْ حَسَبْ عَادَةْ الصَّيْدُونِيِّينْ. وَ فِي الْبَلَدْ دِي، مَا فِي نَادُمْ يِبَرْجِلْهُمْ وَلَّا يَظْلُمْهُمْ. وَ سُكَّانْ لَيِشْ بَعِيدِينْ مِنْ الصَّيْدُونِيِّينْ وَ مَا عِنْدُهُمْ نَاسْ الْيَحْفَضَوْهُمْ.

إشَعْيا 14:14

وَ بَتَّانْ إِنْتَ قُلْت: ‹نَطْلَعْ فَوْق فِي السَّحَابْ وَ نِسَوِّي نَفْسِي مِثِلْ الْعَالِي.›

إشَعْيا 32:11

بَرْجِلَنْ، يَا الْمُنْجَمَّاتْ! أَرْجِفَنْ، يَا الْقَاعِدَاتْ بِأَمَانْ! أَسَّلَّبَنْ وَ أَقْعُدَنْ عَرْيَانَاتْ وَ أَرْبُطَنْ فِرَادْ فِي صَلَبَاكَنْ.

إشَعْيا 45:5

وَ أَنَا اللّٰهْ. لَا إِلٰـهْ إِلَّا أَنَا وَ مَا فِي إِلٰـهْ بَلَايِ. أَنَا رَبَطْت لَيْك حِزَامْ الْقُدْرَةْ قَبُلْ مَا تَعَرِفْنِي.

إرْمِيا 49:31

«قُمُّوا أَهْجُمُوا الْأُمَّةْ السَّاكْنَةْ فِي رَاحَةْ وَ أَمَانْ. هِي مَا عِنْدَهَا حَوَادِرْ وَ لَا قُفُلْ وَ قَاعِدَةْ وِحَيْدهَا طَرَفْ. وَ دَا كَلَامْ اللّٰهْ.

حِزْقِيال 28:2

«يَا إِبْن آدَمْ، قُولْ لِمَلِكْ صُورْ: دَاهُو اللّٰهْ الرَّبّ قَالْ: ‹إِنْتَ أَسْتَكْبَرْت وَ قُلْت: ”أَنَا إِلٰـهْ! وَ أَنَا قَاعِدْ فِي كُرْسِي الْإِلٰـهَاتْ فِي أُسْط الْبَحَرْ!“ لَاكِنْ إِنْتَ إِنْسَانْ بَسْ، مَا إِلٰـهْ وَ سَوَّيْت نَفْسَكْ مِثِلْ إِلٰـهْ.

حِزْقِيال 30:9

وَ فِي الْيَوْم دَا، مُرَسَّلِينْ يَمُرْقُوا مِنْ قِدَّامِي بِسُفُنْ وَ يَمْشُوا لِيِرَجُّفُوا بَلَدْ الْحَبَشَةْ الْقَاعِدَةْ بِأَمَانْ. وَ فِي يَوْم عِقَابْ مَصِرْ، يَجِي تَعَبْ فِي شَعَبْ الْحَبَشَةْ. أَيْوَى، الْيَوْم دَا يَجِي.»

دَنْيال 4:4

«أَنَا نَبُوخَدْنَصَرْ عَايِشْ تَمَامْ وَ مُرْتَاحْ فِي قَصْرِي.

حِزْقِيال 16:49

وَ دَاهُو خَطَا أَخُتْكِ سَدُومْ. هِي مُسْتَكْبِرَةْ وَ شَبْعَانَةْ بِالْأَكِلْ وَ مَا عِنْدَهَا هَمّ وَ قَاعِدَةْ فِي الرَّاحَةْ، هِي وَ بَنَاتْهَا. وَ لَاكِنْ هِنَّ مَا سَاعَدَنْ أَيِّ نَادُمْ مِسْكِينْ وَ لَا ضَعِيفْ.

دَنْيال 4:27

«فِي شَانْ دَا، يَا الْمَلِكْ، مِنْ فَضْلَكْ كَنْ قَاسِي لَيْك كُلَ، أَسْمَعْ كَلَامِي. خَلِّي مِنَّكْ الذَّنِبْ وَ سَوِّي الْعَدَالَةْ وَ خَلِّي الْخَطَايَا وَ أَرْحَمْ الْمَسَاكِينْ. وَ بَيْدَا، نَفْسَكْ تُكُونْ مُرْتَاحَةْ دَايْماً.»

نَاحُوم 3:4

مَدِينَةْ نِينَوَى أَشَّرْمَطَتْ مِثِلْ شَرْمُوطَةْ وَ هِي سِتّ الْجَمَالْ وَ سِتّ السِّحِرْ. هِي عَبَّدَتْ الْأُمَمْ بِشَرْمَطَتْهَا وَ عَبَّدَتْ الْقَبَايِلْ بِسِحِرْهَا.

حَبَقُوق 1:7

هُمَّنْ نَاسْ شُدَادْ وَ بِخَوُّفُوا. يُخُطُّوا شَرِيعِتْهُمْ وَ يِكَبُّرُوا نُفُوسْهُمْ.