إشَعْيا 47:7 - الكتاب المقدس بالعربي الدارجي هنا تشاد

⁷ وَ قُلْتِ: ‹أَنَا نُكُونْ مَلِكَةْ إِلَى الْأَبَدْ!› لَاكِنْ إِنْتِ مَا خَطَّيْتِ الْأَشْيَاءْ دَوْل فِي قَلِبْكِ وَ مَا فَكَّرْتِ فِي الْيَجِي فِي الأَخِيرْ.

إشَعْيا 47:7 Referenca të Kryqëzuara

تَثْنِية 32:29

وَ كَنْ هُمَّنْ حَكِيمِينْ، يَفْهَمَوْا الشَّيّءْ دَا وَ يَعَرْفُوا مُسْتَقْبَلْهُمْ.

إشَعْيا 47:5

«يَا بِنَيَّةْ الْبَابِلِيِّينْ أَقْعُدِي سَاكِتْ وَ أَمْشِي فِي الضَّلَامْ. أَشَانْ بَتَّانْ مَا يِنَادُوكِ مَلِكَةْ الْمَمَالِكْ.

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

دَنْيال 4:29

وَ فِي مُدَّةْ 12 شَهَرْ بَعَدْ هُو فَسَّرْ الْحِلِمْ، يَوْم وَاحِدْ الْمَلِكْ قَاعِدْ يُرُوغْ فَوْق فِي رَاسْ الْقَصِرْ هَنَا مَمْلَكَةْ بَابِلْ.

حِزْقِيال 29:3

وَ قُولْ لَيْهُمْ: دَاهُو اللّٰهْ الرَّبّ قَالْ: ‹أَكِيدْ أَنَا نُقُمّ ضِدَّكْ، يَا فِرْعَوْن مَلِكْ مَصِرْ، إِنْتَ الْمِثِلْ تُمْسَاحْ كَبِيرْ الرَّاقِدْ فِي أُسْط النِّيلْ. وَ إِنْتَ قُلْت: ”النِّيلْ دَا هَنَايِ وَ أَنَا بَسْ خَلَقْتَهْ!“

حِزْقِيال 28:2

«يَا إِبْن آدَمْ، قُولْ لِمَلِكْ صُورْ: دَاهُو اللّٰهْ الرَّبّ قَالْ: ‹إِنْتَ أَسْتَكْبَرْت وَ قُلْت: ”أَنَا إِلٰـهْ! وَ أَنَا قَاعِدْ فِي كُرْسِي الْإِلٰـهَاتْ فِي أُسْط الْبَحَرْ!“ لَاكِنْ إِنْتَ إِنْسَانْ بَسْ، مَا إِلٰـهْ وَ سَوَّيْت نَفْسَكْ مِثِلْ إِلٰـهْ.

إشَعْيا 42:25

خَلَاصْ فِي بَنِي إِسْرَائِيلْ، هُو نَزَّلْ غَضَبَهْ وَ نَارْ زَعَلَهْ الشَّدِيدْ هَنَا الْحَرْبَةْ. وَ النَّارْ دِي أَكَلَتْ كُلَّ حَوَالَيْهُمْ وَ هُمَّنْ مَا عِرْفَوْه وَ حَرَقَتْهُمْ وَ مَا لِقَوْا عِلِمْ.

رُؤية 18:7

أَوَّلْ شَهْوِتْهَا وَ فَشَارْهَا شُدَادْ بِلْحَيْن وَ هَسَّعْ أَنْطُوهَا عَذَابْ وَ حِزِنْ شَدِيدْ بِنَفْس الْمِكْيَالْ. أَيْوَى، هِي تُقُولْ فِي قَلِبْهَا: ‹دَاهُونِي أَنَا الْمَلِكَةْ. أَنَا مَا نَبْقَى أَرْمَلَةْ وَ أَبَداً مَا نَحْزَنْ.›

إشَعْيا 57:1

الصَّالِحْ يِدَّمَّرْ وَ مَا فِي نَادُمْ الْيِهِمّ بِدَمَارَهْ. نَاسْ الْخَيْر يُمُوتُوا وَ مَا فِي نَادُمْ يَفْهَمْ كَدَرْ وَكِتْ الصَّالِحْ يُمُوتْ دَا لِيِبَعِّدَهْ مِنْ الشَّرّ.

إشَعْيا 57:11

«يَاتُو خَوَّفْكِ زِيَادَةْ لَحَدِّي تَكْدِبِي لَيِّ وَ مَا تِذَّكَّرَيْنِي وَ مَا تِفَكِّرِي فَوْقِي؟ أَنَا سَكَتّْ مُدَّةْ طَوِيلَةْ وَ فِي شَانْ دَا بَسْ، مَا تَخَافَيْ مِنِّي وَلَّا؟

مَراثِي إرْمِيا 1:9

وَ بِنَجَاسِتْهَا فِي سُرْوَالْهَا، هِي مَا فَكَّرَتْ فِي مُسْتَقْبَلْهَا. وَ وَقَعَانْهَا بِقِي عَجِيبْ وَ مَا فِي نَادُمْ الْيِصَبِّرْهَا. وَ مَدِينَةْ الْقُدُسْ قَالَتْ: «يَا اللّٰهْ، شِيفْ تَعَبِي أَشَانْ الْعَدُو أَنَّصَرْ فَوْقِي!»

حِزْقِيال 7:2

«أَسْمَعْ، يَا إِبْن آدَمْ! دَاهُو اللّٰهْ الرَّبّ حَجَّى لِسُكَّانْ بَلَدْ إِسْرَائِيلْ وَ قَالْ: ‹دِي هِي النِّهَايَةْ! النِّهَايَةْ تَجِي فِي الْأَرْبَعَةْ جِيهَاتْ هَنَا الْبَلَدْ.

دَنْيال 4:4

«أَنَا نَبُوخَدْنَصَرْ عَايِشْ تَمَامْ وَ مُرْتَاحْ فِي قَصْرِي.

خُروج 7:23

وَ الْمَلِكْ قَبَّلْ مَشَى بَيْتَهْ وَ مَا هَمَّ بِالشَّيّءْ دَا.