إشَعْيا 47:10 - الكتاب المقدس بالعربي الدارجي هنا تشاد

¹⁰ إِنْتِ أَتْوَكَّلْتِ فِي فَسَالِتْكِ وَ قُلْتِ: ‹مَا فِي نَادُمْ يِشِيفْنِي!› وَ حِكْمِتْكِ وَ مَعْرَفَتْكِ لَفَّوْا رَاسْكِ. وَ قُلْتِ فِي قَلِبْكِ: ‹أَنَا بَسْ قَاعِدَةْ، مَا فِي شَيّءْ بَلَايِ!›

إشَعْيا 47:10 Referenca të Kryqëzuara

إشَعْيا 5:21

الْعَذَابْ لِلْيِشِيفُوا نُفُوسْهُمْ حَكِيمِينْ وَ يَجْعَلَوْا نُفُوسْهُمْ فَاهِمِينْ!

إشَعْيا 29:15

الْعَذَابْ لِلْيِبَعُّدُوا لِيِلَبُّدُوا خِطِّتْهُمْ مِنْ اللّٰهْ وَ فِي بَكَانْ أَضْلَمْ، يِلَبُّدُوا خِدْمِتْهُمْ. وَ يُقُولُوا: «يَاتُو يِشِيفْنَا وَ يَاتُو يَعَرِفْ خِدْمِتْنَا؟»

رَوْمَا 1:22

حَسَبَوْا نُفُوسْهُمْ حَكِيمِينْ وَ لَاكِنْ بِالصَّحِيحْ، بِقَوْا مَطَامِيسْ.

زَبُور 52:7

«دَاهُو الْفَحَلْ مَا شَافْ الرَّبّ مِثِلْ مَلْجَئَهْ لَاكِنْ هُو أَتْوَكَّلْ عَلَيْ غُنَايَهْ الْكَتِيرْ وَ هُو قَوِي بِفَسَالْتَهْ.»

حِزْقِيال 8:12

وَ هُو قَالْ لَيِّ: «يَا إِبْن آدَمْ، إِنْتَ شِفْت الشَّيّءْ الْقَاعِدِينْ يِسَوُّوهْ شُيُوخْ بَنِي إِسْرَائِيلْ فِي الضَّلَامْ، أَيِّ وَاحِدْ قِدَّامْ صَنَمَهْ وَلَّا؟ وَ بُقُولُوا: ‹اللّٰهْ مَا يَقْدَرْ يِشِيفْنَا! اللّٰهْ خَلَّى بَلَدْنَا!›»

إشَعْيا 59:4

مَا فِي نَادُمْ يَشْكِي بِعَدَالَةْ وَ مَا فِي نَادُمْ الْيَحْكِمْ بِالْحَقّ. لَاكِنْ يِتْوَكَّلَوْا عَلَيْ الْفَاضِي وَ يِحَجُّوا بِكِدِبْ وَ يَحْمَلَوْا بِالْفَسَالَةْ وَ يَلْدَوْا الشَّرّ.

1 كُرُنْتُس 3:19

أَشَانْ حِكْمَةْ نَاسْ الدُّنْيَا بَاطْلَةْ قِدَّامْ اللّٰهْ. وَ مَكْتُوبْ فِي الْكِتَابْ: <اللّٰهْ يَرْمِي الْحَكِيمِينْ فِي شَرَكْ نَجَاضِتْهُمْ.>

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

إرْمِيا 23:24

وَ هَلْ فِي إِنْسَانْ الْيِلَّبَّدْ فِي بَكَانْ وَ أَنَا مَا نِشِيفَهْ وَلَّا؟ وَ دَا كَلَامْ اللّٰهْ. هَلْ أَنَا مَا نَمْلَا السَّمَاوَاتْ وَ الْأَرْض وَلَّا؟» وَ دَا كَلَامْ اللّٰهْ.

إشَعْيا 44:20

هُو يِنْرَبِطْ فِي رُمَادْ وَ قَلْبَهْ الْمَغْشُوشْ يِوَدِّرَهْ. هُو مَا يِنَجِّي نَفْسَهْ وَ لَا يُقُولْ: «الْفِي إِيدِي الزَّيْنَةْ مَا غَشّ وَلَّا؟»

جامِعة 8:8

مَا فِي أَيِّ إِنْسَانْ يَقْدَرْ يَكْرُبْ رُوحَهْ وَ لَا إِنْسَانْ الْعِنْدَهْ قُدْرَةْ فِي يَوْم مَوْتَهْ. مَا فِي إِنْسَانْ عِنْدَهْ حَقّ يَمْرُقْ مِنْ الْحَرِبْ وَ الْفَسَالَةْ مَا يِنَجِّي سِيدْهَا.

زَبُور 64:5

يِلْحَارَشَوْا أَمْبَيْنَاتْهُمْ لِيِسَوُّوا الْفَسَالَةْ وَ يِخَطُّطُوا لِيُكُجُّوا أَمْ كَجَّامَاتْ وَ يُقُولُوا: «يَاتُو يِشِيفْنَا؟»

إشَعْيا 28:15

تُقُولُوا: «أَنِحْنَ سَوَّيْنَا عَلَاقَةْ مَعَ الْمَوْت وَ إِسْتِفَاقْ مَعَ الْقُبُورْ. وَكِتْ الْوَبَاءْ يِلْوَسَّعْ كُلَ، مَا يَلْحَقْنَا. أَشَانْ بِالْكِدِبْ، سَوَّيْنَا بَكَانْ الْيَحْمِينَا وَ بِالْغَشّ، سَوَّيْنَا بَكَانْ الْيِلَبِّدْنَا.»

زَبُور 10:11

وَ الْعَاصِي يُقُولْ فِي نَفْسَهْ: «الرَّبّ يَنْسَى وَ مَا يِدَوْر يَعَرِفْ شَيّءْ وَ بَتَّانْ مَا يِشِيفْ شَيّءْ!»

إشَعْيا 47:8

وَ هَسَّعْ دَا أَسْمَعَيْ، يَا إِنْتِ التِّحِبِّي الرُّجَالْ! إِنْتِ قَاعِدَةْ بِأَمَانْ وَ تُقُولِي فِي قَلِبْكِ: ‹أَنَا بَسْ قَاعِدَةْ، مَا فِي شَيّءْ بَلَايِ! أَبَداً مَا نَبْقَى أَرْمَلَةْ وَ لَا نِوَدِّرْ عِيَالِي.›

إرْمِيا 9:23

وَ دَاهُو اللّٰهْ قَالْ: «خَلِّي الْحَكِيمْ مَا يِسْتَكْبَرْ بِحِكْمَتَهْ وَ خَلِّي الْقَادِرْ مَا يِسْتَكْبَرْ بِقُدُرْتَهْ وَ خَلِّي الْغَنِيْ مَا يِسْتَكْبَرْ بِغُنَايَهْ.

دَنْيال 4:27

«فِي شَانْ دَا، يَا الْمَلِكْ، مِنْ فَضْلَكْ كَنْ قَاسِي لَيْك كُلَ، أَسْمَعْ كَلَامِي. خَلِّي مِنَّكْ الذَّنِبْ وَ سَوِّي الْعَدَالَةْ وَ خَلِّي الْخَطَايَا وَ أَرْحَمْ الْمَسَاكِينْ. وَ بَيْدَا، نَفْسَكْ تُكُونْ مُرْتَاحَةْ دَايْماً.»

صَفَنْيا 2:15

وَ أَوَّلْ، دِي مَدِينَةْ الْفَرَحْ الْقَاعِدَةْ بِأَمَانْ. وَ هِي قَالَتْ فِي نَفِسْهَا: «أَنَا بَسْ الْجَمِيلَةْ وَ مَا فِي بَلَايِ.» هَسَّعْ شِيفُوا! هِي بِقَتْ خَرَابْ وَ مَرْقَدْ حَيْوَانَاتْ. أَيِّ وَاحِدْ الْيُفُوتْ جَنْبَهَا يِصَفِّرْ وَ يِهِزّ رَاسَهْ مِنْ الْعَجَبْ.