إشَعْيا 45:2 - الكتاب المقدس بالعربي الدارجي هنا تشاد

² أَنَا ذَاتِي نَمْشِي قِدَّامَكْ وَ لِلْقِيزَانْ، نِسَاوِيهُمْ. وَ لِبِيبَانْ النَّحَاسْ، نِكَسِّرْهُمْ وَ لِقَفَلَةْ الْحَدِيدْ، نِفَلِّتْهُمْ.

إشَعْيا 45:2 Referenca të Kryqëzuara

إشَعْيا 40:4

خَلِّي أَيِّ وَادِي يِنْدَفِنْ وَ كُلِّ جَبَلْ وَ حَجَرْ يَبْقَى قِصَيِّرْ. وَ خَلِّي كُلَّ الْقِيزَانْ يِسْتَوُوا وَ الدَّرِبْ الْوَعَرْ يَبْقَى سَاهِلْ.

لُوقا 3:5

خَلِّي أَيِّ وَادِي يِنْدَفِنْ وَ كُلِّ جَبَلْ وَ حَجَرْ يَبْقَى قِصَيِّرْ. وَ الْبَكَانْ الْأَعْوَجْ يَبْقَى عَدِيلْ وَ الدَّرِبْ الشَّيْن يِسْتَوِي.

إشَعْيا 42:16

وَ نِوَدِّي الْعَمْيَانِينْ فِي دَرِبْ الْهُمَّنْ مَا يَعَرْفُوهْ. أَنَا نُقُودْهُمْ فِي طُرُقْ الْمَا يَعَرْفُوهُمْ. فِي قِدَّامْهُمْ، أَنَا نِغَيِّرْ الضَّلَامْ بِالنُّورْ وَ الْبَكَانْ الدَّقْدَاقْ، نِسَوِّيهْ أَمْلَسْ. الْكَلَامْ دَا، أَنَا نِحَقِّقَهْ وَ أَبَداً النَّاسْ دَوْل مَا نِخَلِّيهُمْ.

زَبُور 107:16

أَشَانْ هُو كَسَّرْ بِيبَانْ النَّحَاسْ وَ دَمَّرْ حَوَادِرْ الْحَدِيدْ.

إرْمِيا 51:30

وَ الْعَسْكَرْ الْفُرَّاسْ هَنَا بَابِلْ أَبَوْا مَا يِحَارُبُوا وَ أَلَّبَّدَوْا فِي بَكَانَاتْهُمْ الْقَوِيِّينْ. وَ فَحَالِيِّتْهُمْ كُلَ وَدَّرَتْ وَ هُمَّنْ بِقَوْا مِثِلْ عَوِينْ. وَ بُيُوتْ بَابِلْ أَنْتَشَّوْا وَ بِيبَانْهَا أَلْكَسَّرَوْا.

أعمال الرُسُل 1:15

وَ يَوْم وَاحِدْ، بُطْرُسْ قَمَّ فِي أُسْط الْأَخْوَانْ. عَدَدْهُمْ مِثِلْ 120 نَادُمْ. وَ هُو كَلَّمْ لَيْهُمْ وَ قَالْ:

إشَعْيا 14:31

نُوحُوا، يَا بِيبَانْ! وَ كَوْرُكُوا، يَا مُدُنْ! كُلَّ الْفِلِسْطِيِّينْ بَرْجَلَوْا. أَشَانْ الْعَدُو يَجِي مِثِلْ دُخَّانْ مِنْ الْمُنْشَاقْ وَ عَسْكَرِي وَاحِدْ كُلَ مَا يَمْرُقْ مِنْ الصَّفّ.

إشَعْيا 24:12

وَ فِي الْمَدِينَةْ يِنْشَافْ إِلَّا الْخَرَابْ، الْبِيبَانْ يِلْكَسَّرَوْا وَ يِدَّمَّرَوْا.

إشَعْيا 45:13

أَنَا بَسْ جِبْت كُورَشْ لِيِسَوِّي الْعَدَالَةْ وَ نِعَدِّلْ كُلَّ دُرُوبَهْ. هُو يَبْنِي بَتَّانْ مَدِينْتِي وَ شَعَبِي الْوَدَّوْهُمْ فِي الْغُرْبَةْ يَطْلِقْهُمْ بَلَا تَمَنْ وَ لَا أُجْرَةْ.» وَ دَا، اللّٰهْ الْقَادِرْ بَسْ قَالَهْ.

إشَعْيا 48:15

أَنَا بَسْ، أَنَا بَسْ الْحَجَّيْت. أَيْوَى! أَنَا بَسْ نَادَيْتَهْ وَ جِبْتَهْ. وَ فِي دَرْبَهْ دَا، يَنْجَحْ.

إرْمِيا 28:13

«أَمْشِي وَ قُولْ لِحَنَنْيَا: ‹دَاهُو اللّٰهْ قَالْ: ”إِنْتَ كَسَّرْت دَامِي هَنَا حَطَبْ وَ دَاهُو، بَدَّلْتَهْ بِدَامِي هَنَا حَدِيدْ.“›

إرْمِيا 51:58

وَ دَاهُو اللّٰهْ الْقَادِرْ قَالْ: «دَرَادِرْ بَابِلْ التُّخَانْ يِلْهَدَّمَوْا. وَ بِيبَانْهَا الطُّوَالْ، النَّارْ تَاكُلْهُمْ. الشُّعُوبْ يِعَيُّوا نُفُوسْهُمْ سَاكِتْ وَ الْأُمَمْ يَتْعَبَوْا لِلتَّاكُلَهْ النَّارْ.»

دَنْيال 5:28

‹فَارْسِينْ› يَعْنِي كَسَّرَوْه. مَعَنَاتَهْ مُلْكَكْ أَنْكَسَرْ وَ مَمْلَكَتَكْ أَنْطَوْهَا لِمَمْلَكَةْ الْمَادِيِّينْ وَ الْفَارِسِيِّينْ.»

نَاحُوم 3:13

شِيفِي عَسْكَرْكِ! بِقَوْا فِي أُسُطْكِ ضَعِيفِينْ مِثِلْ الْعَوِينْ. وَ بِيبَانْكِ أَنْفَتَحَوْا مَرَّةْ وَاحِدْ لِعُدْوَانْكِ وَ النَّارْ أَكَلَتْ حَوَادِرْهُمْ.

إشَعْيا 13:2

الرَّبّ قَالْ: «غُزُّوا رَايَةْ فِي الْجَبَلْ الْأَمْلَسْ وَ نَادُوا لِلْعَسْكَرْ. وَ وَصُّفُوهُمْ بِإِيدَيْكُو لِيَدْخُلُوا الْمَدِينَةْ بِبِيبَانْ الْحُكَّامْ.

دَنْيال 8:4

وَ شِفْت الْكَبِشْ ضَرَبْ بِقُرُونَهْ عَلَيْ الْغَرِبْ وَ الْمُنْشَاقْ وَ الْوَطِي. وَ حَيْوَانْ وَاحِدْ كُلَ مَا قِدِرْ يَقِيفْ قِدَّامَهْ وَ وَاحِدْ الْقِدِرْ يَنْجَى مِنَّهْ كُلَ مَا فِيهْ. وَ هُو سَوَّى كُلَّ شَيّءْ الْقَلْبَهْ بِدَوْرَهْ وَ قُدُرْتَهْ قَاعِدَةْ تِزِيدْ مَرَّةْ وَاحِدْ.