إشَعْيا 45:1 - الكتاب المقدس بالعربي الدارجي هنا تشاد

¹ وَ دَاهُو اللّٰهْ قَالْ لِلنَّادُمْ الْهُو مَسَحَهْ وَ دَرَّجَهْ مَلِكْ: «لَيْك إِنْتَ، يَا كُورَشْ، أَنَا كَرَبْتَكْ مِنْ إِيدَكْ الزَّيْنَةْ لِنَرْمِي الْأُمَمْ قِدَّامَكْ. أَنَا نِحِلّ حِزَامْ الْمُلُوكْ وَ نُفُكّ قِدَّامَكْ بِيبَانْ الْمُدُنْ وَ بَتَّانْ مَا يُكُونُوا مَقْفُولِينْ.

إشَعْيا 45:1 Referenca të Kryqëzuara

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

زَبُور 73:23

وَ بَيْدَا كُلَ، أَنَا دَايْماً مَعَاكْ وَ إِنْتَ كَرَبْت إِيدِي الزَّيْنَةْ.

إشَعْيا 41:13

أَشَانْ أَنَا اللّٰهْ إِلٰـهَكْ. مِنْ إِيدَكْ الزَّيْنَةْ، كَرَبْتَكْ. وَ قُلْت لَيْك: ‹مَا تَخَافْ! أَنَا نَفْزَعَكْ.›

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إرْمِيا 50:35

وَ دَاهُو كَلَامْ اللّٰهْ: «أَنَا نِجِيبْ الْحَرِبْ ضِدّ سُكَّانْ بَابِلْ وَ كُبَارَاتْهُمْ وَ حَكِيمِينْهُمْ.

إشَعْيا 45:5

وَ أَنَا اللّٰهْ. لَا إِلٰـهْ إِلَّا أَنَا وَ مَا فِي إِلٰـهْ بَلَايِ. أَنَا رَبَطْت لَيْك حِزَامْ الْقُدْرَةْ قَبُلْ مَا تَعَرِفْنِي.

عَزْرا 1:1

فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ يِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

نَاحُوم 2:6

طَوَّالِي، السَّدّ اللَّازْمِينْ بَيَّهْ أَلْمِي الْبَحَرْ أَنْكَسَرْ وَ قَصِرْ الْمَلِكْ وَقَعْ.

دَنْيال 7:5

وَ الْحَيْوَانْ التَّانِي، هُو مِثِلْ مَرْفَعِينْ. قَمَّ قَعَدْ بِنُصَّهْ. وَ شَايِلْ فِي خَشْمَهْ تَلَاتَةْ عُضَامْ هَنَا صَفّ أَمْبَيْنَاتْ سُنُونَهْ وَ قَالَوْا لَيَّهْ: «قُمّ. أَمْشِي أَكْتُلْ وَ آكُلْ لَحَمْ كَتِيرْ.»

إشَعْيا 13:3

أَنَا أَنْطَيْت أَمُرْ لِمُخَصَّصِينْ هِنَيّ وَ بَتَّانْ نَادَيْت فُرَّاسِي الْيِنَفُّذُوا غَضَبِي، الْيَفْرَحَوْا بِعَظَمَتِي.»

أيُّوب 12:21

هُو يِجِيبْ الْحُقْرَةْ لِلْمَسَائِيلْ وَ يَرْخِي حِزَامْ الْكُبَارَاتْ.

دَنْيال 5:6

خَلَاصْ الْمَلِكْ وِجْهَهْ أَلْغَيَّرْ وَ خَافْ وَ حَيْلَهْ بَرَدْ وَ رِجِلَيْنَهْ قَاعِدِينْ يَرْجُفُوا.

إرْمِيا 27:6

وَ هَسَّعْ دَا، أَنَا سَلَّمْت كُلَّ الْبُلْدَانْ دَوْل لِعَبْدِي نَبُوخَدْنَصَرْ مَلِكْ بَابِلْ. وَ أَنَا سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.

إشَعْيا 41:2

يَاتُو الْقَوَّمْ نَادُمْ عَادِلْ مِنْ الصَّبَاحْ الْيِنَّصِرْ فِي أَيِّ بَكَانْ الْيَمْشِي فَوْقَهْ؟ يَاتُو السَّلَّمْ لَيَّهْ الْأُمَمْ وَ هَزَمْ الْمُلُوكْ قِدَّامَهْ؟ وَ سَيْفَهْ يَرْحَكْهُمْ عَجَاجْ وَ نُشَّابَهْ يِشَتِّتْهُمْ مِثِلْ قَشّ فِي الرِّيحْ.

1 مُلوك 19:15

وَ اللّٰهْ قَالْ لَيَّهْ: «قَبِّلْ بِدَرِبْ الصَّحَرَاء وَ أَمْشِي لَحَدِّي مَدِينَةْ دِمَشْق. وَ هِنَاكْ، أَمْسَحَهْ لِحَزَيِيلْ وَ دَرِّجَهْ مَلِكْ فِي بَلَدْ أَرَامْ.

دَنْيال 8:3

وَ فِي الرُّؤْيَةْ، أَنَا رَفَعْت رَاسِي وَ دَاهُو شِفْت كَبِشْ وَاقِفْ فِي خَشُمْ الْبَحَرْ. وَ الْكَبِشْ دَا عِنْدَهْ إِتْنَيْن قُرُونْ طُوَالْ. وَ الْقُرُونْ الْإِتْنَيْن دَوْل، الْوَاحِدْ بِقِي طَوِيلْ مِنْ الْآخَرْ لَاكِنْ الْقَرِنْ الطَّوِيلْ دَا، هُو بَسْ الْقَمَّ وَرَاءْ.

إرْمِيا 50:3

أَشَانْ مِنْ مُنْشَاقْ، أُمَّةْ جَاتْ هَجَمَتْ بَابِلْ وَ خَرَبَتْ الْبَلَدْ. وَ نَاسْهَا وَ بَهَايِمْهَا كُلُّهُمْ عَرَّدَوْا وَ الْبَلَدْ دِي بِقَتْ فَاضِيَةْ مِنْ سُكَّانْهَا.»

إشَعْيا 41:25

«مِنْ الْمُنْشَاقْ، أَنَا قَوَّمْت رَاجِلْ وَ مِنْ الصَّبَاحْ، هُو جَاءْ وَ يِنَادِي أُسْمِي. هُو يِفَجِّقْ الْكُبَارَاتْ مِثِلْ الطِّينَةْ، مِثِلْ الطِّينَةْ الْيِفَجِّقْهَا دَقَّاقْ الْجِرَارْ.

عَزْرا 1:2

دَاهُو كَلَامِي أَنَا كُورَشْ مَلِكْ بَلَدْ فَارِسْ. اللّٰهْ رَبّ السَّمَاوَاتْ أَنْطَانِي كُلَّ مَمَالِكْ الْأَرْض وَ كَلَّفَانِي أَشَانْ نَبْنِي لَيَّهْ بَيْت فِي مَدِينَةْ الْقُدُسْ فِي بَلَدْ يَهُوذَا.

إشَعْيا 13:2

الرَّبّ قَالْ: «غُزُّوا رَايَةْ فِي الْجَبَلْ الْأَمْلَسْ وَ نَادُوا لِلْعَسْكَرْ. وَ وَصُّفُوهُمْ بِإِيدَيْكُو لِيَدْخُلُوا الْمَدِينَةْ بِبِيبَانْ الْحُكَّامْ.

إشَعْيا 48:15

أَنَا بَسْ، أَنَا بَسْ الْحَجَّيْت. أَيْوَى! أَنَا بَسْ نَادَيْتَهْ وَ جِبْتَهْ. وَ فِي دَرْبَهْ دَا، يَنْجَحْ.

إرْمِيا 43:10

وَ قُولْ لَيْهُمْ: ‹دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ”أَنَا نِرَسِّلْ نِجِيبْ عَبْدِي نَبُوخَدْنَصَرْ مَلِكْ بَابِلْ وَ نُخُطّ كُرْسِيهْ هَنَا الْمُلُكْ فِي الْحُجَارْ الْمُلَبَّدِينْ دَوْل. وَ هُو يُخُطّ ضَلَّالْتَهْ فِي الْبَكَانْ دَا.

إرْمِيا 51:30

وَ الْعَسْكَرْ الْفُرَّاسْ هَنَا بَابِلْ أَبَوْا مَا يِحَارُبُوا وَ أَلَّبَّدَوْا فِي بَكَانَاتْهُمْ الْقَوِيِّينْ. وَ فَحَالِيِّتْهُمْ كُلَ وَدَّرَتْ وَ هُمَّنْ بِقَوْا مِثِلْ عَوِينْ. وَ بُيُوتْ بَابِلْ أَنْتَشَّوْا وَ بِيبَانْهَا أَلْكَسَّرَوْا.

إرْمِيا 51:58

وَ دَاهُو اللّٰهْ الْقَادِرْ قَالْ: «دَرَادِرْ بَابِلْ التُّخَانْ يِلْهَدَّمَوْا. وَ بِيبَانْهَا الطُّوَالْ، النَّارْ تَاكُلْهُمْ. الشُّعُوبْ يِعَيُّوا نُفُوسْهُمْ سَاكِتْ وَ الْأُمَمْ يَتْعَبَوْا لِلتَّاكُلَهْ النَّارْ.»

حِزْقِيال 29:20

وَ أَنَا نَنْطِيهْ بَلَدْ مَصِرْ مِثِلْ مُكَافَاةْ أَشَانْ هُو وَ عَسْكَرَهْ خَدَمَوْا لَيِّ. وَ دَا كَلَامْ اللّٰهْ الرَّبّ.

دَنْيال 8:4

وَ شِفْت الْكَبِشْ ضَرَبْ بِقُرُونَهْ عَلَيْ الْغَرِبْ وَ الْمُنْشَاقْ وَ الْوَطِي. وَ حَيْوَانْ وَاحِدْ كُلَ مَا قِدِرْ يَقِيفْ قِدَّامَهْ وَ وَاحِدْ الْقِدِرْ يَنْجَى مِنَّهْ كُلَ مَا فِيهْ. وَ هُو سَوَّى كُلَّ شَيّءْ الْقَلْبَهْ بِدَوْرَهْ وَ قُدُرْتَهْ قَاعِدَةْ تِزِيدْ مَرَّةْ وَاحِدْ.

نَاحُوم 3:13

شِيفِي عَسْكَرْكِ! بِقَوْا فِي أُسُطْكِ ضَعِيفِينْ مِثِلْ الْعَوِينْ. وَ بِيبَانْكِ أَنْفَتَحَوْا مَرَّةْ وَاحِدْ لِعُدْوَانْكِ وَ النَّارْ أَكَلَتْ حَوَادِرْهُمْ.