إشَعْيا 44:2 - الكتاب المقدس بالعربي الدارجي هنا تشاد

² دَاهُو اللّٰهْ قَالْ: أَنَا خَلَقْتَكْ وَ كَوَّنْتَكْ فِي بَطُنْ أَمَّكْ وَ سَاعَدْتَكْ. مَا تَخَافْ، يَا عَبْدِي يَعْقُوبْ، يَا إِسْرَائِيلْ الْأَنَا عَزَلْتَكْ!

إشَعْيا 44:2 Referenca të Kryqëzuara

إرْمِيا 1:5

«قَبُلْ مَا نِكَوِّنَكْ فِي بَطُنْ أَمَّكْ، أَنَا نَعَرْفَكْ. وَ قَبُلْ مَا تَمْرُقْ مِنْ رِحِمْ أَمَّكْ، أَنَا خَصَّصْتَكْ أَشَانْ نِرَسِّلَكْ نَبِي لِلْأُمَمْ.»

إشَعْيا 43:1

وَ لَاكِنْ اللّٰهْ خَلَقَاكْ، يَا يَعْقُوبْ وَ كَوَّنَاكْ، يَا إِسْرَائِيلْ. وَ دَاهُو اللّٰهْ قَالْ: «مَا تَخَافْ أَشَانْ أَنَا فَدَيْتَكْ. أَنَا نَادَيْتَكْ بِأُسْمَكْ وَ إِنْتَ بِقِيتْ هَنَايِ.

إشَعْيا 44:24

وَ دَاهُو كَلَامْ اللّٰهْ الْفَدَاكْ وَ كَوَّنَاكْ فِي بَطُنْ أَمَّكْ. هُو قَالْ: «أَنَا بَسْ اللّٰهْ! أَنَا خَلَقْت كُلَّ شَيّءْ. أَنَا وِحَيْدِي فَلَّيْت السَّمَاوَاتْ وَ وَكِتْ فَرَشْت الْأَرْض، يَاتُو مَعَايِ؟

إشَعْيا 43:7

جِيبْ كُلَّ النَّاسْ النَّادَوْهُمْ بِأُسْمِي الْأَنَا خَلَقْتُهُمْ وَ كَوَّنْتُهُمْ وَ سَوَّيْتهُمْ فِي شَانْ مَجْدِي.›»

إشَعْيا 49:1

أَسْمَعَوْنِي، يَا نَاسْ جَزَايِرْ الْبَحَرْ! خُطُّوا بَالْكُو، يَا الْأُمَمْ الْبَعِيدِينْ. اللّٰهْ نَادَانِي مِنْ أَنَا فِي بَطُنْ أَمِّي وَ ذَكَرْ أُسْمِي مِنْ أَنَا فِي رِحِمْهَا.

أفَسُس 1:4

قُبَّالْ بِدَايَةْ الدُّنْيَا، اللّٰهْ عَزَلَانَا فِي الْمَسِيحْ. بِسَبَبْ مَحَبِّتَهْ، هُو شَالْ نِيَّةْ أَشَانْ نَبْقَوْا خَاصِّينْ وَ نَحْضَرَوْا قِدَّامَهْ بَلَا أَيِّ عَيْب.

إشَعْيا 41:10

هَسَّعْ دَا، مَا تَخَافْ أَشَانْ أَنَا مَعَاكْ. مَا تِهِمّ أَشَانْ أَنَا إِلٰـهَكْ. أَنَا قَوَّيْتَكْ أَيْوَى، أَنَا جِيتْ وَ فَزَعْتَكْ! أَنَا سَاعَدْتَكْ وَ نَصَرْتَكْ بِإِيدِي الزَّيْنَةْ.

رَوْمَا 8:30

وَ النَّاسْ الْاللّٰهْ عَزَلَاهُمْ، هُو نَادَاهُمْ. وَ النَّاسْ النَّادَاهُمْ دَوْل، هُو سَوَّاهُمْ صَالِحِينْ. وَ السَّوَّاهُمْ صَالِحِينْ دَوْل، هُو أَنْطَاهُمْ مَجْدَهْ.

زَبُور 71:6

أَنَا أَنْتَكَلْت عَلَيْك مِنْ وِلْدَوْنِي وَ إِنْتَ بَسْ مَرَقْتِنِي مِنْ بَطُنْ أَمِّي وَ لَيْك إِنْتَ، نَحْمُدَكْ إِلَى الْأَبَدْ.

إشَعْيا 43:21

وَ هُمَّنْ الشَّعَبْ الْأَنَا خَلَقْتُهُمْ لَيِّ لِيِبَلُّغُوا حَمْدِي.»

1 تَسَلونِيكِي 1:4

يَا أَخْوَانِي الْاللّٰهْ يِحِبُّكُو، نَعَرْفُوا اللّٰهْ عَزَلَاكُو

لُوقا 12:32

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

عِبْرَانِيِّين 4:16

وَ خَلَاصْ، خَلِّينَا نِقَرُّبُوا لِلّٰهْ الرَّحِيمْ بِأَمَانْ أَشَانْ هُو يَرْحَمْنَا. وَ نَلْقَوْا مِنَّهْ النِّعْمَةْ التِّسَاعِدْنَا وَكِتْ نِحْتَاجَوْا لَيْهَا.

إشَعْيا 44:21

فَكِّرْ فِي الْكَلَامْ دَا، يَا يَعْقُوبْ! أَشَانْ إِنْتَ عَبْدِي، يَا إِسْرَائِيلْ! أَنَا خَلَقْتَكْ لِتَبْقَى عَبْدِي، يَا إِسْرَائِيلْ، أَنَا مَا نَنْسَاكْ.

زَبُور 46:5

الرَّبّ قَاعِدْ فِي أُسُطْهَا وَ هِي مَا تِنْهَزَّ. الرَّبّ يَفْزَعْهَا فِي الْفَجُرْ.

إشَعْيا 43:5

«مَا تَخَافْ أَشَانْ أَنَا قَاعِدْ مَعَاكْ. مِنْ الصَّبَاحْ، نِجِيبْ ذُرِّيّتَكْ وَ مِنْ الْغَرِبْ، نِلِمُّهُمْ.

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

تَثْنِية 33:5

وَ الرَّبّ بِقِي مَلِكْ فِي إِسْرَائِيلْ وَكِتْ لَمَّوْا كُبَارَاتْ الشَّعَبْ وَ قَبَايِلْ بَنِي إِسْرَائِيلْ.

تَثْنِية 32:15

وَ بَنِي إِسْرَائِيلْ سِمْنَوْا وَ عِصَوْا. أَيْوَى، هُمَّنْ سِمْنَوْا وَ قَرْقَطَوْا وَ تِخْنَوْا. وَ خَلَاصْ أَبَوْا اللّٰهْ الْخَلَقَاهُمْ وَ حَقَرَوْا مَلْجَئْهُمْ وَ مُنَجِّيهُمْ.

تَثْنِية 33:26

وَ مَا فِي شَبِيهْ لِلرَّبّ، هُو الْيَجِي يَفْزَعْكُو يَا إِسْرَائِيلْ. هُو رَاكِبْ فِي السَّمَاوَاتْ وَ بِعَظَمَتَهْ، فِي السَّحَابْ.

إشَعْيا 27:11

وَ وَكِتْ الْفُرُوعْ يَبْقَوْا يَابْسِينْ، الْعَوِينْ يِكَسِّرَنْهُمْ وَ يِأَوْقِدَنْهُمْ نَارْ. أَشَانْ الشَّعَبْ دَوْل مَا عِنْدُهُمْ مَعْرَفَةْ وَ الْخَلَقَاهُمْ مَا رَحَمَاهُمْ وَ الْكَوَّنَاهُمْ مَا حَنَّ فَوْقهُمْ.

إشَعْيا 41:8

«وَ لَاكِنْ إِنْتَ يَا إِسْرَائِيلْ، يَا عَبْدِي يَعْقُوبْ! أَنَا عَزَلْتَكْ مِنْ ذُرِّيَّةْ إِبْرَاهِيمْ خَلِيلِي.

إشَعْيا 45:11

وَ دَاهُو اللّٰهْ قُدُّوسْ إِسْرَائِيلْ الْكَوَّنَاهُمْ قَالْ: «أَسْأَلَوْنِي فِي أَشْيَاءْ هَنَا الْمُسْتَقْبَلْ وَ لَاكِنْ كَنْ لِعِيَالِي وَ الْأَشْيَاءْ السَّوَّيْتهُمْ بِإِيدِي، خَلُّوهُمْ لَيِّ أَنَا بَسْ.

إشَعْيا 49:5

وَ هَسَّعْ اللّٰهْ كَلَّمْ، هُو الْكَوَّنَانِي فِي بَطُنْ أَمِّي لِنَبْقَى عَبْدَهْ وَ لِنِقَبِّلْ عَلَيَّهْ ذُرِّيَّةْ يَعْقُوبْ، أَيْوَى، نِلِمّ قِدَّامَهْ بَنِي إِسْرَائِيلْ. وَ نَلْقَى شَرَفْ قِدَّامْ اللّٰهْ أَشَانْ إِلٰـهِي هُو قُدُرْتِي.

إرْمِيا 30:10

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا وَ مَا تِنْبَهْتُوا، يَا بَنِي إِسْرَائِيلْ! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. ذُرِّيَّةْ يَعْقُوبْ يَجُوا وَ يَقْعُدُوا بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ. وَ دَا كَلَامْ اللّٰهْ.

زَبُور 95:6

يَلَّا نَدْخُلُوا لِنِدَنْقُرُوا وَ نَبُرْكُوا وَ نَسْجُدُوا قِدَّامْ اللّٰهْ الْخَلَقَانَا.