إشَعْيا 44:16 - الكتاب المقدس بالعربي الدارجي هنا تشاد

¹⁶ وَ هُو يَحْرِقْ نُصّ حَطَبَهْ فِي النَّارْ وَ يِنَجِّضْ بَيَّهْ لَحَمَهْ وَ يَقْلِيهْ وَ يَاكُلَهْ. وَ يِدَّفَّ فِي النَّارْ وَ يُقُولْ: «هَا! هَا! نِدَّفَّ وَ نِشِيفْ حَمَارْهَا.»

إشَعْيا 44:16 Referenca të Kryqëzuara

أيُّوب 39:14

النَّعَامَايْ تَلْدَ بَيْضهَا وَ تِخَلِّيهْ فِي التُّرَابْ وَ حَمُو التُّرَابْ يِفَقَّعَهْ.

إشَعْيا 44:15

وَ دَوْل يَبْقَوْا لِلْإِنْسَانْ حَطَبْ لِلنَّارْ وَ يِشِيلْهُمْ وَ يِدَّفَّ بَيْهُمْ وَ يِدِسُّهُمْ فِي النَّارْ لِيِسَوِّي بَيْهُمْ أَكِلْ. وَ بِالْفَضَّلْ مِنْ الْحَطَبْ، يِسَوِّي إِلٰـهْ وَ يَرْكَعْ لَيَّهْ. أَيْوَى! يِسَوِّي صَنَمْ وَ يَسْجُدْ قِدَّامَهْ!

إشَعْيا 44:17

وَ لَاكِنْ بِالْفَضَّلْ مِنْ الْحَطَبْ، هُو يِعَدِّلْ إِلٰـهْ. أَيْوَى، يِسَوِّي صَنَمْ وَ يَرْكَعْ وَ يَسْجُدْ قِدَّامَهْ! وَ يَسْأَلَهْ وَ يُقُولْ لَيَّهْ: «نَجِّينِي أَشَانْ إِنْتَ بَسْ إِلٰـهِي!»

إشَعْيا 47:14

وَ دَاهُو هُمَّنْ بِقَوْا مِثِلْ الْقَشّ التَّاكُلَهْ النَّارْ، مَا يَقْدَرَوْا يِنَجُّوا نُفُوسْهُمْ مِنْ اللَّهِيبْ. وَ دِي مَا نَارْ هِنْت جَمُرْ الْيِسَوُّوا فَوْقهَا أَكِلْ وَ لَا نَارْ هِنْت حَطَبْ الْيِدَّفَّوْا فَوْقهَا.

2 أخبار 32:19

وَ هُمَّنْ قَاعِدِينْ يِحَجُّوا بِإِلٰـهْ مَدِينَةْ الْقُدُسْ مِثِلْ هُو وَاحِدْ مِنْ الْإِلٰـهَاتْ هَنَا شُعُوبْ الْأَرْض، الصَّنَعَاهُمْ الْإِنْسَانْ.