إشَعْيا 43:16 - الكتاب المقدس بالعربي الدارجي هنا تشاد

¹⁶ وَ دَاهُو كَلَامْ اللّٰهْ، هُو الْفَتَحْ دَرِبْ فِي الْبَحَرْ وَ فَتَحْ طَرِيقْ فِي مَوْج أَلْمِي الْجَارِي.

إشَعْيا 43:16 Referenca të Kryqëzuara

إشَعْيا 51:10

مَا إِنْتَ الْيَبَّسْت الْبَحَرْ وَ أَلْمِي الْغَرِيقْ وَلَّا؟ مَا إِنْتَ السَّوَّيْت دَرِبْ فِي قَعَرْ الْبَحَرْ لِيِعَدُّوا بَيَّهْ النَّاسْ الْإِنْتَ فَدَيْتهُمْ وَلَّا؟

إشَعْيا 43:2

وَكِتْ تَقْطَعْ الْأَلْمِي، أَنَا نُكُونْ مَعَاكْ وَ وَكِتْ تُشُقّ الْبُحُورْ، مَا تَغْرَقْ. وَكِتْ تُرُوغْ فِي أُسْط النَّارْ، مَا تَاكُلَكْ وَ أَمْ بَلْبَالَةْ مَا تَحْرِقَكْ.

زَبُور 77:19

يَا رَبّ! فِي الْبَحَرْ، إِنْتَ سَوَّيْت طَرِيقَكْ وَ فِي الْأَلْمِي الْغَرِيقْ، سَوَّيْت دَبَالِيْك وَ مَا فِي نَادُمْ الْيَعَرِفْ دَرْبَكْ.

إرْمِيا 31:35

وَ دَاهُو اللّٰهْ قَالْ: «يَاتُو الثَّبَّتْ الْحَرَّايْ لِتِضَوِّي بِالنَّهَارْ؟ وَ يَاتُو النَّظَّمْ الْقَمَرْ وَ النُّجُومْ لِيِضَوُّوا بِاللَّيْل؟ وَ يَاتُو الْقَوَّمْ الْبَحَرْ لَحَدِّي تِنْسَمِعْ حَرَكَةْ مَوْجَهْ؟ دَا أَنَا، الْأُسْمِي اللّٰهْ الْقَادِرْ.

إشَعْيا 51:15

أَشَانْ أَنَا اللّٰهْ إِلٰـهْكُو الْقَوَّمْت الْبَحَرْ لَحَدِّي تِنْسَمِعْ حَرَكَةْ مَوْجَهْ وَ أُسْمِي اللّٰهْ الْقَادِرْ.

زَبُور 106:9

هُو هَدَّدْ الْبَحَرْ الْأَحْمَرْ وَ الْبَحَرْ يِبِسْ. هُو قَادَاهُمْ فِي أُسْط الْبَحَرْ الْغَرِيقْ مِثِلْ قَادَاهُمْ فِي الصَّحَرَاء.

زَبُور 78:13

الرَّبّ شَقَّ الْبَحَرْ إِتْنَيْن لِيِقَطِّعْهُمْ وَ الْأَلْمِي وَقَفْ جَايْ جَايْ لَيْهُمْ مِثِلْ دُرْدُرْ.

نَحَمْيا 9:11

وَ شَقَّيْت الْبَحَرْ مِنْ أُسُطْ قِدَّامْ جُدُودْنَا وَ هُمَّنْ قَطَعَوْا الْبَحَرْ فِي التُّرَابْ الْيَابِسْ. وَ لِلنَّاسْ الْقَاعِدِينْ يِطَارُدُوا جُدُودْنَا كَمَانْ، إِنْتَ زَقَلْتُهُمْ فِي الْبَحَرْ مِثِلْ حَجَرْ تَقِيلْ فِي أَلْمِي غَرِيقْ.

رُؤية 16:12

وَ الْمَلَكْ السَّادِسْ دَفَّقْ كَاسَهْ فِي بَحَرْ الْفُرَاتْ. وَ الْبَحَرْ يِبِسْ. وَ مِثِلْ دَا، الدَّرِبْ بِقِي فَاتِحْ لِلْمُلُوكْ الْجَايِينْ مِنْ صَبَاحْ.

خُروج 14:29

وَ كَنْ لِبَنِي إِسْرَائِيلْ كَمَانْ، الْبَحَرْ أَنْشَقَّ وَ بِقِي مِثِلْ دُرْدُرْ جَايْ وَ جَايْ لَيْهُمْ وَ هُمَّنْ قَطَعَوْا الْبَحَرْ فِي التُّرَابْ الْيَابِسْ.

خُروج 14:16

كَنْ لَيْك إِنْتَ، أَرْفَعْ عَصَاتَكْ فَوْق وَ مِدّ إِيدَكْ عَلَيْ الْبَحَرْ وَ يِنْشَقَّ بَكَانْتَيْن. وَ فِي أُسْط الْبَحَرْ، التُّرَابْ يَبْقَى يَابِسْ وَ بَنِي إِسْرَائِيلْ يَقْطَعَوْا الْبَحَرْ رَايْغِينْ بِرِجْلَيْهُمْ فِي التُّرَابْ الْيَابِسْ دَا.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

إشَعْيا 50:2

وَكِتْ أَنَا جِيتْ، مَالَا مَا فِي نَادُمْ؟ وَكِتْ نَادَيْت، مَالَا نَادُمْ مَا رَدَّ لَيِّ؟ هَلْ إِيدِي قِصَيْرَةْ لَحَدِّي مَا تَفْدَى وَلَّا؟ وَ هَلْ مَا عِنْدِي أَيِّ قُدْرَةْ لِنِنَجِّي وَلَّا؟ أَعَرْفُوا! أَنَا نِكِشّ لِلْبَحَرْ وَ نِيَبِّسَهْ وَ لِلْوُدْيَانْ، نِسَوِّيهُمْ صَحَرَاء. مِنْ قِلَّةْ أَلْمِي الْحُوتْ يُمُوتْ أَيْوَى، مِنْ الْعَطَشْ هُو يُمُوتْ وَ يِعَفِّنْ.

زَبُور 77:20

إِنْتَ قُدْت شَعَبَكْ مِثِلْ غَنَمْ بِإِيدْ مُوسَى وَ هَارُونْ.