إشَعْيا 42:3 - الكتاب المقدس بالعربي الدارجي هنا تشاد

³ هُو مَا يَكْسِرْ عَقَيْقَايْ مَفْجُوخَةْ وَ لَا يَكْتُلْ ضَيّ الْفَانُوسْ الْقَرِيبْ يُمُوتْ. وَ بِالْحَقّ، هُو يِبَيِّنْ عَدَالَةْ اللّٰهْ.

إشَعْيا 42:3 Referenca të Kryqëzuara

حِزْقِيال 34:16

الْغَنَمَايْ الرَّايْحَةْ، نِفَتِّشْهَا وَ الْمُوَدِّرَةْ، نِجِيبْهَا وَ الرِّجِلْهَا مَكْسُورَةْ، نَرْبُطْهَا وَ الضَّعِيفَةْ، نِقَوِّيهَا. وَ لَاكِنْ التِّسَمِّنْ نَفِسْهَا أَوْ التِّوَصِّفْ قُدْرِتْهَا، نِدَمِّرْهَا. وَ نَسْرَحْ بِغَنَمِي بِعَدَالَةْ.»

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

إرْمِيا 31:25

وَ أَنَا اللّٰهْ نَرْوِي الْعَطْشَانِينْ وَ نَشْبِعْ الْجِيعَانِينْ.»

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

زَبُور 147:3

هُو يَشْفِي الْقَلِبْهُمْ مَجْرُوحْ وَ يِعَالِجْ وَجَعْهُمْ.

يُوحَنَّا 5:30

أَنَا وِحَيْدِي مَا نَقْدَرْ نِسَوِّي شَيّءْ. أَنَا نَسْمَعْ كَلَامْ أَبُويِ وَ عَلَيْ حَسَبْ كَلَامَهْ بَسْ، نِحَاسِبْ النَّاسْ. وَ نِحَاسِبْهُمْ بِعَدَالَةْ أَشَانْ مَا نِسَوِّي شَيّءْ حَسَبْ فِكْرِي أَنَا بَسْ. لَاكِنْ نِدَوْر نِسَوِّي دَايْماً الشَّيّءْ الْيِدَوْرَهْ اللّٰهْ الرَّسَّلَانِي.»

رُؤية 19:11

وَ فِي الْبَكَانْ دَا، أَنَا شِفْت السَّمَاءْ فَاتِحْ. وَ شِفْت جُوَادْ أَبْيَضْ. وَ الرَّاكِبْ فَوْقَهْ أُسْمَهْ الْأَمِينْ وَ الصَّادِقْ وَ هُو يِحَارِبْ عَدُوهْ وَ يَحْكِمْ النَّاسْ بِحَالْ صَالْحَةْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

زَبُور 98:9

يِزَغْرُطُوا قِدَّامْ اللّٰهْ أَشَانْ يَجِي يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 96:13

قِدَّامْ اللّٰهْ. أَشَانْ اللّٰهْ جَايِ، هُو جَايِ يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

يُوحَنَّا 20:27

وَ حَجَّى لِتُومَا وَ قَالْ: «خُطّ أُصْبَعَكْ هِنِي وَ شِيفْ إِيدَيْنِي. مِدّ إِيدَكْ وَ أَلْمَسْنِي فِي نَايْطِي. خَلِّي مِنَّكْ الشَّكَكْ وَ آمِنْ!»

مِيخا 7:9

وَاجِبْ نَحْمَلْ غَضَبْ اللّٰهْ أَشَانْ أَنَا أَذْنَبْت ضِدَّهْ لَحَدِّي الْوَكِتْ الْهُو يِدَافِعْ لَيِّ فِي شَرِيعْتِي وَ يِثَبِّتْ حُقُوقِي. وَ هُو يَمْرُقْنِي فِي النُّورْ وَ أَنَا نِشِيفْ عَدَالْتَهْ.

إشَعْيا 66:2

أَشَانْ كُلَّ الْأَشْيَاءْ دَوْل، إِيدِي بَسْ سَوَّتْهُمْ وَ مِثِلْ دَا بَسْ، هُمَّنْ مَوْجُودِينْ. دَاهُو النَّادُمْ الْأَنَا نَرْضَى بَيَّهْ، هُو الْمِسْكِينْ وَ رُوحَهْ مُحَطَّمَةْ وَ يَرْجِفْ مِنْ كَلَامِي.» وَ دَا كَلَامْ اللّٰهْ.

إشَعْيا 50:4

اللّٰهْ الرَّبّ أَنْطَانِي لِسَانْ التَّلَامِيذ أَشَانْ بِكَلَامِي نَقْدَرْ نِسَاعِدْ الْعَيَّانْ. كُلِّ صَبَاحْ، هُو يِقَوِّمْنِي مِنْ النَّوْم وَ يُفُكّ أَدَانِي لِنَسْمَعْ مِثِلْ التَّلَامِيذ.

مَتَّى 12:20

هُو مَا يَكْسِرْ عَقَيْقَايْ مَفْجُوخَةْ وَ لَا يَكْتُلْ ضَيّ الْفَانُوسْ الْقَرِيبْ يُمُوتْ. وَ يُقُودْ عَدَالَةْ اللّٰهْ لَحَدِّي يَنْصُرْهَا.

زَبُور 54:5

خَلِّي يِقَبِّلْ الْفَسَالَةْ فِي الْيِلْجَسَّسَوْا فَوْقِي. يَا اللّٰهْ، بِصِدْقَكْ، سَكِّتْهُمْ!

زَبُور 94:15

الشَّرِيعَةْ تِنْقَطِعْ حَسَبْ الْعَدَالَةْ وَ كُلَّ النَّاسْ الْقَلِبْهُمْ عَدِيلْ يِتَابُعُوهَا.

إشَعْيا 9:7

وَ يِكَبِّرْ سُلْطِتَهْ وَ سَلَامْ بَلَا حَدّ فِي كُرْسِي الْمُلُكْ هَنَا دَاوُدْ. وَ مَمْلَكَتَهْ تَثْبِتْ وَ تَبْقَى قَوِيَّةْ فِي الْحَقّ وَ الْعَدَالَةْ مِنْ الْيَوْم وَ إِلَى الْأَبَدْ. وَ بِمَحَبِّتَهْ الشَّدِيدَةْ، اللّٰهْ الْقَادِرْ يِسَوِّي الشَّيّءْ دَا.

إشَعْيا 42:2

وَ لَا يَصْرَخْ وَ لَا يَرْفَعْ حِسَّهْ وَ لَا كَلَامَهْ يِنْسَمِعْ فِي الشَّوَارِعْ.

إشَعْيا 2:4

اللّٰهْ يَبْقَى قَاضِي بَيْن الْأُمَمْ وَ يِحَاكِمْ شُعُوبْ كَتِيرِينْ. هُمَّنْ يُدُقُّوا سُيُوفْهُمْ جَرَارِي وَ يُدُقُّوا حُرَابْهُمْ خَنَاجِرْ. وَ أُمَّةْ مَا تَرْفَعْ سُيُوفْهَا لِأُمَّةْ وَ مَا فِي تَدْرِيبْ لِلْحَرِبْ بَتَّانْ.

إشَعْيا 63:1

دَا يَاتُو الْجَايِ مِنْ بَلَدْ أَدَوْم، مِنْ مَدِينَةْ بُصْرَةْ بِخُلْقَانَهْ عِنْدُهُمْ نُقَتْ حُمُرْ؟ دَا يَاتُو الْجَايِ بِخُلْقَانْ الْيِشِيلُوا الْعَيْن وَ عَظِيمْ بِكَتَرَةْ قُدُرْتَهْ؟ اللّٰهْ قَالْ: «دَا أَنَا! وَ أَنَا بَسْ النِّحَجِّي بِعَدَالَةْ وَ عِنْدِي الْقُدْرَةْ لِنِنَجِّي.»