إشَعْيا 42:21 - الكتاب المقدس بالعربي الدارجي هنا تشاد

²¹ وَ بِسَبَبْ عَدَالْتَهْ، اللّٰهْ فِرِحْ وَ يِشَرِّفْ شُرُوطَهْ هَنَا التَّوْرَاةْ.

إشَعْيا 42:21 Referenca të Kryqëzuara

رَوْمَا 3:31

وَ بِمِثِلْ دَا، هَلْ بَدَّلْنَا مَرَّةْ وَاحِدْ شُرُوطْ التَّوْرَاةْ بِالْإِيمَانْ وَلَّا؟ لَا، أَبَداً. بِالْعَكْس، أَنِحْنَ ثَبَّتْنَا شُرُوطْ التَّوْرَاةْ.

عِبْرَانِيِّين 8:10

وَ هَسَّعْ، دِي هِي الْمُعَاهَدَةْ النِّسَوِّيهَا مَعَ بَنِي إِسْرَائِيلْ بَعَدْ الْيَوْم دَا. أَنَا نُخُطّ وَصِيَّاتِي فِي فِكِرْهُمْ وَ نَكْتِبْهُمْ فِي قُلُوبْهُمْ. وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. وَ دَا كَلَامْ اللّٰهْ.

رَوْمَا 7:12

وَ مِثِلْ دَا خَلَاصْ، شُرُوطْ التَّوْرَاةْ مُقَدَّسِينْ وَ الْوَصِيَّةْ مُقَدَّسَةْ وَ صَالْحَةْ وَ عَدِيلَةْ.

مَتَّى 3:15

وَ عِيسَى قَالْ لَيَّهْ: «مَا تَابَى. خَلِّي يَبْقَى مِثِلْ دَا أَشَانْ نِتِمُّوا كُلَّ شَيّءْ الْاللّٰهْ بِدَوْرَهْ.» وَ خَلَاصْ، يَحْيَى قَصَّدْ وَ غَطَّسَهْ.

إشَعْيا 42:4

هُو مَا يَضْعَفْ وَ لَا يَفْشُلْ، هُو يِثَبِّتْ الْعَدَالَةْ فِي الْأَرْض. وَ شُعُوبْ الْجَزَايِرْ يَرْجَوْا وَصِيَّاتَهْ.»

زَبُور 71:19

وَ عَدَالْتَكْ قَاعِدَةْ فَوْق، يَا رَبّ، أَشَانْ إِنْتَ سَوَّيْت أَشْيَاءْ كُبَارْ. يَا رَبّ، يَاتُو مِثْلَكْ؟

زَبُور 40:8

يَا إِلٰـهِي! أَنَا نِسَوِّي رِضَاكْ وَ نَفْرَحْ وَ نَحْفَضْ تَوْرَاتَكْ فِي دَاخَلْ قَلْبِي.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

غَلاطِية 3:21

التَّوْرَاةْ يِخَالِفْ وَعَدْ اللّٰهْ وَلَّا؟ لَا، أَبَداً. كَنْ أَوَّلْ النَّاسْ يَقْدَرَوْا يَلْقَوْا الْحَيَاةْ الْأَبَدِيَّةْ بِطَبِّقِينْ شُرُوطْ التَّوْرَاةْ الْاللّٰهْ أَنْطَاهُمْ، خَلَاصْ هُمَّنْ يَبْقَوْا صَالِحِينْ بِالشُّرُوطْ دَوْل.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

رَوْمَا 10:4

أَشَانْ الْمَسِيحْ جَاءْ وَ تَمَّ شُرُوطْ التَّوْرَاةْ وَ بِالْمَسِيحْ كُلَّ النَّاسْ يَبْقَوْا صَالِحِينْ، كَنْ يِآمُنُوا بَيَّهْ.

يُوحَنَّا 15:10

كَنْ إِنْتُو تِتَابُعُوا الْوَصَايَا الْأَنْطَيْتهُمْ لَيْكُو، إِنْتُو تَبْقَوْا ثَابْتِينْ فِي مَحَبِّتِي مِثِلْ أَنَا ثَابِتْ فِي مَحَبَّةْ أَبُويِ أَشَانْ أَنَا تَابَعْت وَصِيَّاتَهْ.

يُوحَنَّا 8:29

وَ الرَّسَّلَانِي قَاعِدْ مَعَايِ. هُو مَا خَلَّانِي وِحَيْدِي أَشَانْ نِسَوِّي دَايْماً كُلَّ شَيّءْ الْهُو يَرْضَى بَيَّهْ.»

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

مَتَّى 3:17

وَ حِسّ مِنْ السَّمَاءْ أَنْسَمَعْ وَ قَالْ: «دَا بَسْ إِبْنِي وَ أَنَا نِحِبَّهْ. أَنَا فَرْحَانْ بَيَّهْ بِلْحَيْن.»

زَبُور 71:16

يَا اللّٰهْ الرَّبّ! أَنَا نَجِي وَ نِخَبِّرْ بِأَعْمَالَكْ الْقَوِيِّينْ وَ نِذَّكَّرْ عَدَالْتَكْ إِنْتَ بَسْ.

زَبُور 138:2

نَسْجُدْ عَلَيْ بَيْتَكْ الْمُقَدَّسْ وَ نِمَجِّدْ أُسْمَكْ أَشَانْ رَحْمَتَكْ وَ أَمَانَكْ. أَشَانْ إِنْتَ كَبَّرْت أُسْمَكْ وَ وَعَدَكْ زِيَادَةْ مِنْ كُلِّ شَيّءْ.

إشَعْيا 51:4

«خُطُّوا بَالْكُو لَيِّ، يَا شَعَبِي! وَ خُطُّوا أَدَانْكُو لَيِّ، يَا أُمَّتِي! أَشَانْ الْوَصَايَا مَارْقِينْ مِنِّي أَنَا وَ عَدَالْتِي تَبْقَى نُورْ لِلشُّعُوبْ وَ نِنَزِّلْهَا لَيْهُمْ بِسُرْعَةْ.

تَثْنِية 4:6

أَحْفَضَوْهُمْ وَ طَبُّقُوهُمْ وَ بَيْهُمْ تَلْقَوْا الْمَعْرَفَةْ وَ الْحِكْمَةْ قِدَّامْ الشُّعُوبْ الْمُجَاوِرِينْكُو. وَ وَكِتْ الشُّعُوبْ الْمُجَاوِرِينْكُو يَسْمَعَوْا الشُّرُوطْ دَوْل، يُقُولُوا: «أَكِيدْ الْأُمَّةْ الْكَبِيرَةْ دِي عِنْدَهَا مَعْرَفَةْ وَ حِكْمَةْ.»

تَثْنِية 4:8

وَ وَيْنِي الْأُمَّةْ الْكَبِيرَةْ الْعِنْدَهَا قَوَانِينْ وَ شُرُوطْ عَادِلِينْ مِنْ كُلَّ الْوَصَايَا الْأَنَا الْيَوْم نَنْطِيهُمْ لَيْكُو دَوْل؟