إشَعْيا 41:8 - الكتاب المقدس بالعربي الدارجي هنا تشاد

⁸ «وَ لَاكِنْ إِنْتَ يَا إِسْرَائِيلْ، يَا عَبْدِي يَعْقُوبْ! أَنَا عَزَلْتَكْ مِنْ ذُرِّيَّةْ إِبْرَاهِيمْ خَلِيلِي.

إشَعْيا 41:8 Referenca të Kryqëzuara

يَعْقُوب 2:23

بِمِثِلْ دَا بَسْ، تَمَّ الشَّيّءْ الْمَكْتُوبْ فِي الْكِتَابْ الْبُقُولْ: <إِبْرَاهِيمْ آمَنْ بِكَلَامْ اللّٰهْ وَ فِي شَانْ إِيمَانَهْ، اللّٰهْ جَعَلَهْ نَادُمْ صَالِحْ.> وَ اللّٰهْ جَعَلَهْ خَلِيلَهْ.

2 أخبار 20:7

دَا مَا إِنْتَ إِلٰـهْنَا بَسْ الْقَلَعْت أَرْض سُكَّانْ الْبَلَدْ دِي قِدَّامْ شَعَبَكْ بَنِي إِسْرَائِيلْ وَ أَنْطَيْتهَا لِذُرِّيَّةْ إِبْرَاهِيمْ خَلِيلَكْ الْيِحِبَّكْ إِلَى الْأَبَدْ؟

تَثْنِية 14:2

أَشَانْ إِنْتُو شَعَبْ مُخَصَّصِينْ لِلّٰهْ إِلٰـهْكُو وَ اللّٰهْ عَزَلَاكُو مِنْ كُلَّ الشُّعُوبْ الْقَاعِدِينْ فِي الْأَرْض لِتَبْقَوْا شَعَبَهْ حَلَالَهْ.

إشَعْيا 51:2

أَذَّكَّرَوْا أَبُوكُو إِبْرَاهِيمْ وَ سَارَةْ أَمُّكُو الْوِلْدَتْكُو. أَشَانْ وَكِتْ أَنَا نَادَيْتَهْ، هُو قَاعِدْ وِحَيْدَهْ وَ أَنَا بَارَكْتَهْ وَ كَتَّرْت ذُرِّيّتَهْ.»

إشَعْيا 44:21

فَكِّرْ فِي الْكَلَامْ دَا، يَا يَعْقُوبْ! أَشَانْ إِنْتَ عَبْدِي، يَا إِسْرَائِيلْ! أَنَا خَلَقْتَكْ لِتَبْقَى عَبْدِي، يَا إِسْرَائِيلْ، أَنَا مَا نَنْسَاكْ.

إشَعْيا 29:22

وَ فِي شَانْ دَا، دَاهُو اللّٰهْ الْفَدَى إِبْرَاهِيمْ قَالْ لِذُرِّيَّةْ يَعْقُوبْ: «بَتَّانْ ذُرِّيَّةْ يَعْقُوبْ مَا يَلْقَوْا عَيْب وَ لَا يِدَنْقُرُوا رُوسَيْهُمْ.

زَبُور 33:12

مَبْرُوكْ لِلْأُمَّةْ الْإِلٰـهَّا اللّٰهْ وَ الشَّعَبْ الْهُو عَزَلَهْ مِثِلْ وَرَثَتَهْ.

إشَعْيا 43:1

وَ لَاكِنْ اللّٰهْ خَلَقَاكْ، يَا يَعْقُوبْ وَ كَوَّنَاكْ، يَا إِسْرَائِيلْ. وَ دَاهُو اللّٰهْ قَالْ: «مَا تَخَافْ أَشَانْ أَنَا فَدَيْتَكْ. أَنَا نَادَيْتَكْ بِأُسْمَكْ وَ إِنْتَ بِقِيتْ هَنَايِ.

زَبُور 135:4

أَشَانْ اللّٰهْ عَزَلْ قَبِيلَةْ يَعْقُوبْ وَ شَالْ بَنِي إِسْرَائِيلْ شَعَبَهْ لِحَلَالَهْ.

إرْمِيا 33:24

«إِنْتَ مَا قَاعِدْ تَسْمَعْ كَلَامْ النَّاسْ دَوْل وَلَّا؟ هُمَّنْ قَاعِدِينْ بُقُولُوا: ‹الْقَبَايِلْ الْإِتْنَيْن الْهُمَّنْ بَنِي يَهُوذَا وَ بَنِي إِسْرَائِيلْ الْعَزَلَاهُمْ اللّٰهْ، هَسَّعْ دَا، هُو أَبَاهُمْ.› وَ بِكَلَامْهُمْ دَا، هُمَّنْ قَاعِدِينْ يَحْقُرُوا شَعَبِي وَ مَا يَجْعَلَوْهُمْ مِثِلْ أُمَّةْ.

إشَعْيا 48:12

«أَسْمَعَوْنِي، يَا ذُرِّيَّةْ يَعْقُوبْ وَ يَا بَنِي إِسْرَائِيلْ، إِنْتُو الْأَنَا نَادَيْتكُو! أَنَا بَسْ هُو! أَنَا الْأَوَّلْ وَ الْأَخِيرْ.

مَتَّى 3:9

وَ مَا تُغُشُّوا نُفُوسْكُو. مَا تُقُولُوا: ‹مَا عِنْدِنَا عَيْب أَشَانْ أَنِحْنَ عِيَالْ إِبْرَاهِيمْ.› نُقُولْ لَيْكُو اللّٰهْ يَقْدَرْ يِشِيلْ حُجَارْ مِنْ التُّرَابْ وَ يِسَوِّي مِنْهُمْ عِيَالْ لِإِبْرَاهِيمْ فِي بَدَلْكُو!

إشَعْيا 63:16

إِنْتَ بَسْ أَبُونَا حَتَّى كَنْ إِبْرَاهِيمْ مَا يَعَرِفْنَا وَ إِسْرَائِيلْ كُلَ مَا عِنْدَهْ بَيْنَا خَبَرْ. إِنْتَ بَسْ اللّٰهْ أَبُونَا، إِنْتَ بَسْ فَادِينَا وَ دَا أُسْمَكْ مِنْ زَمَانْ.

إشَعْيا 49:3

وَ اللّٰهْ قَالْ لَيِّ: «يَا إِسْرَائِيلْ، إِنْتَ عَبْدِي! وَ بَيْك إِنْتَ، نِوَصِّفْ مَجْدِي.»

تَثْنِية 10:15

وَ لِأَبَّهَاتْكُو بَسْ، اللّٰهْ عَزَلَاهُمْ لِيِحِبُّهُمْ. وَ بَعَدْهُمْ، حَبَّاكُو إِنْتُو ذُرِّيِّتْهُمْ وَ عَزَلَاكُو مِنْ أُسُطْ كُلَّ الشُّعُوبْ مِثِلْ إِنْتُو قَاعِدِينْ تِشِيفُوهْ الْيَوْم.

لاوِيِّين 25:42

أَشَانْ النَّاسْ الْأَنَا مَرَقْتُهُمْ مِنْ بَلَدْ مَصِرْ، هُمَّنْ عَبِيدِي. مَا وَاجِبْ يِبِيعُوهُمْ مِثِلْ عَبِيدْ.

زَبُور 105:6

إِنْتُو، يَا ذُرِّيَّةْ إِبْرَاهِيمْ عَبْدَهْ وَ إِنْتُو، يَا ذُرِّيَّةْ يَعْقُوبْ الْاللّٰهْ عَزَلَاكُو!

غَلاطِية 3:19

وَ كَنْ كَيْ دَا، مَالَا اللّٰهْ نَزَّلْ التَّوْرَاةْ لِمُوسَى؟ اللّٰهْ زَادْ لِجُدُودْنَا التَّوْرَاةْ بِكُلَّ شُرُوطَهْ بِسَبَبْ ذُنُوبْ النَّاسْ. وَ دَوَّرْ النَّاسْ يِتَابُعُوا شُرُوطْ التَّوْرَاةْ لَحَدِّي النَّادُمْ الْمِنْ ذُرِّيَّةْ إِبْرَاهِيمْ الْاللّٰهْ وَاعَدَهْ بِالْبَرَكَةْ يَجِي. وَ التَّوْرَاةْ دَا، الْمَلَائِكَةْ نَزَّلَوْه فِي إِيدْ وَسِيطْ وَ هُو مُوسَى.

زَبُور 136:22

هِي وَرَثَةْ لِبَنِي إِسْرَائِيلْ عَبِيدَهْ، أَشَانْ رَحْمَتَهْ دَايْمَةْ إِلَى الْأَبَدْ.

إشَعْيا 14:1

اللّٰهْ يِحِنّ فِي ذُرِّيَّةْ يَعْقُوبْ وَ يَعَزِلْ بَتَّانْ بَنِي إِسْرَائِيلْ وَ هُو يَنْطِيهُمْ الرَّاحَةْ فِي بَلَدْهُمْ. وَ الْأَجَانِبْ يِلِمُّوا مَعَاهُمْ وَ يِنْرَبْطُوا مَعَ ذُرِّيَّةْ يَعْقُوبْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

إشَعْيا 42:19

يَاتُو عَمْيَانْ بَلَا عَبْدِي؟ وَ يَاتُو طَرْشَانْ مِثِلْ رَسُولِي النِّرَسِّلَهْ! يَاتُو عَمْيَانْ مِثِلْ الْأَنَا عَزَلْتَهْ وَ عَمْيَانْ مِثِلْ عَبْدِي أَنَا اللّٰهْ؟

إشَعْيا 43:5

«مَا تَخَافْ أَشَانْ أَنَا قَاعِدْ مَعَاكْ. مِنْ الصَّبَاحْ، نِجِيبْ ذُرِّيّتَكْ وَ مِنْ الْغَرِبْ، نِلِمُّهُمْ.

إشَعْيا 43:10

دَاهُو كَلَامْ اللّٰهْ: «يَا شَعَبِي! إِنْتُو بَسْ شُهُودِي وَ عَبْدِي الْأَنَا عَزَلْتَهْ. أَشَانْ تَعَرْفُوا وَ تِآمُنُوا بَيِّ وَ تَفْهَمَوْا كَدَرْ أَنَا بَسْ هُو. مَا فِي إِلٰـهْ قُبَّالِي وَ لَا بَعَدِي.

إشَعْيا 45:4

فِي شَانْ يَعْقُوبْ عَبْدِي وَ فِي شَانْ إِسْرَائِيلْ الْأَنَا عَزَلْتَهْ، أَنَا نَادَيْتَكْ بِأُسْمَكْ وَ دَرَّجْتَكْ قَبُلْ مَا تَعَرِفْنِي.

مَلاخِـي 1:2

اللّٰهْ قَالْ: «أَنَا نِحِبُّكُو.» وَ لَاكِنْ إِنْتُو قُلْتُوا: «كِكَّيْف نَعَرْفُوا كَدَرْ إِنْتَ تِحِبِّنَا؟» وَ دَاهُو كَلَامْ اللّٰهْ: «صَحِيحْ، عِيسُو أَخُو جِدُّكُو يَعْقُوبْ. وَ لَاكِنْ أَنَا حَبَّيْت يَعْقُوبْ

1 أخبار 16:13

إِنْتُو، يَا ذُرِّيَّةْ إِسْرَائِيلْ، إِنْتُو عَبِيدَهْ. إِنْتُو، يَا عِيَالْ يَعْقُوبْ، إِنْتُو الْاللّٰهْ عَزَلَاكُو.

زَبُور 136:21

اللّٰهْ أَنْطَى بَلَدْهُمْ وَرَثَةْ، أَشَانْ رَحْمَتَهْ دَايْمَةْ إِلَى الْأَبَدْ