إشَعْيا 40:4 - الكتاب المقدس بالعربي الدارجي هنا تشاد

⁴ خَلِّي أَيِّ وَادِي يِنْدَفِنْ وَ كُلِّ جَبَلْ وَ حَجَرْ يَبْقَى قِصَيِّرْ. وَ خَلِّي كُلَّ الْقِيزَانْ يِسْتَوُوا وَ الدَّرِبْ الْوَعَرْ يَبْقَى سَاهِلْ.

إشَعْيا 40:4 Referenca të Kryqëzuara

لُوقا 3:5

خَلِّي أَيِّ وَادِي يِنْدَفِنْ وَ كُلِّ جَبَلْ وَ حَجَرْ يَبْقَى قِصَيِّرْ. وَ الْبَكَانْ الْأَعْوَجْ يَبْقَى عَدِيلْ وَ الدَّرِبْ الشَّيْن يِسْتَوِي.

حِزْقِيال 21:26

دَاهُو اللّٰهْ الرَّبّ قَالْ: ‹خَلِّي يَمُرْقُوا مِنَّهْ الْكَدْمُولْ وَ يِسِلُّوا مِنَّهْ التَّاجْ. كُلَّ شَيّءْ يِغَيِّرْ، الْمِسْكِينْ يَرْفَعَوْه وَ الْقَوِي يِنَزُّلُوهْ.

لُوقا 18:14

«وَ نُقُولْ لَيْكُو مِنْ النَّاسَيْن دَوْل، الرَّاجِلْ التَّانِي بَسْ قَبَّلْ فِي بَيْتَهْ وَ اللّٰهْ جَعَلَهْ صَالِحْ. أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

إشَعْيا 45:2

أَنَا ذَاتِي نَمْشِي قِدَّامَكْ وَ لِلْقِيزَانْ، نِسَاوِيهُمْ. وَ لِبِيبَانْ النَّحَاسْ، نِكَسِّرْهُمْ وَ لِقَفَلَةْ الْحَدِيدْ، نِفَلِّتْهُمْ.

حِزْقِيال 17:24

وَ بَيْدَا، كُلَّ شَدَرْ الْكَدَادَةْ يَعَرِفْ كَدَرْ أَنَا اللّٰهْ. نِصَغِّرْ الشَّدَرَةْ الْعَالِيَةْ وَ نِعَلِّي الشَّدَرَةْ الصَّغَيْرَةْ. نِيَبِّسْ الشَّدَرَةْ الْخَضْرَةْ وَ نِخَضِّرْ الشَّدَرَةْ الْيَابْسَةْ. وَ دَا، أَنَا اللّٰهْ بَسْ قُلْتَهْ وَ نِحَقِّقَهْ.»

1 صَمُوِيل 2:8

وَ يِقَوِّمْ الْمِسْكِينْ مِنْ التُّرَابْ وَ يَرْفَعْ الْفَقْرَانْ مِنْ الرُّمَادْ. مَعَ الْمُلُوكْ، يِقَعِّدْهُمْ وَ عِزّ وَ شَرَفْ يَنْطِيهُمْ مِثِلْ وَرَثَةْ. لِلّٰهْ بَسْ أَسَاسْ الْأَرْض وَ فَوْقَهْ، خَطَّ الدُّنْيَا.

إشَعْيا 42:11

وَ خَلِّي نَاسْ الْكَدَادَةْ وَ مُدُنْهَا يَرْفَعَوْا حِسُّهُمْ وَ الْحِلَّالْ السَّاكْنِينْ فَوْقهُمْ قَبِيلَةْ قِدَارْ كُلَ. وَ خَلِّي سُكَّانْ مَدِينَةْ سَالَعْ يِزَغْرُطُوا وَ مِنْ رُوسَيْ الْجِبَالْ، يِعِيطُوا بِفَرَحْ.

أمْثال 2:15

هُمَّنْ دَرِبْهُمْ أَعْوَجْ وَ طَرِيقْهُمْ مُكَنْجَرْ.

إشَعْيا 40:3

فِي حِسّ قَاعِدْ يِعِيطْ وَ يُقُولْ: «فِي الْخَلَاءْ، جَهُّزُوا دَرِبْ لِلّٰهْ وَ فِي الصَّحَرَاء، عَدُّلُوا طَرِيقْ لِإِلٰـهْنَا.

إشَعْيا 40:5

خَلَاصْ، مَجْد اللّٰهْ يِبِينْ وَ كُلَّ النَّاسْ يِشِيفُوهْ سَوَا!» وَ دَا كَلَامْ اللّٰهْ الْقَالَهْ.

إشَعْيا 49:11

فِي كُلَّ جِبَالِي، نَفْتَحْ دُرُوبْ وَ دُرُوبِي الْأَوَّلْ، يِلْعَدَّلَوْا بَتَّانْ.

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

إشَعْيا 62:10

فُوتُوا! فُوتُوا بِالْبِيبَانْ وَ جَهُّزُوا دَرِبْ لِشَعَبِي. عَدُّلُوا! عَدُّلُوا الدَّرِبْ وَ أَمُرْقُوا الْحُجَارْ وَ أَرْفَعَوْا رَايَةْ لِلشَّعَبْ.