إشَعْيا 4:6 - الكتاب المقدس بالعربي الدارجي هنا تشاد

⁶ وَ الْمَجْد دَا يَبْقَى مِثِلْ لِقْدَابَةْ التَّنْطِي ضُلّ وَ تَحْمِي مِنْ الْحَمُو وَ مِنْ الرِّيحْ وَ الْمَطَرَةْ الشَّدِيدَةْ.

إشَعْيا 4:6 Referenca të Kryqëzuara

إشَعْيا 25:4

أَشَانْ إِنْتَ مَلْجَأْ لِلضَّعِيفْ وَ مَلْجَأْ لِلْمِسْكِينْ فِي الضِّيقَةْ. إِنْتَ مِثِلْ بَكَانْ الْيَحْمِي مِنْ الْمَطَرَةْ الشَّدِيدَةْ وَ مِثِلْ ضُلّ الْيَحْمِي مِنْ الْحَمُو. أَشَانْ غَضَبْ الْمُجْرِمِينْ مِثِلْ مَطَرَةْ الشَّدِيدَةْ التَّضْرُبْ دُرْدُرْ

زَبُور 27:5

أَشَانْ هُو يَحْفَضْنِي فِي مَسْكَنَهْ فِي يَوْم الْفَسَالَةْ. وَ يِلَبِّدْنِي فِي خَيْمِتَهْ وَ يَرْفَعْنِي فَوْق فِي بَكَانْ الْأَمَانْ.

إشَعْيا 32:2

وَ أَيِّ وَاحِدْ مِنْهُمْ يَبْقَى مِثِلْ بَكَانْ الْيِلَّبَّدَوْا فَوْقَهْ مِنْ الرِّيحْ وَ مِثِلْ بَكَانْ الْيَحْمِي مِنْ الْمَطَرَةْ الشَّدِيدَةْ. وَ يَبْقَى مِثِلْ مَجَارِي أَلْمِي فِي بَكَانْ الْيَابِسْ وَ مِثِلْ ضُلّ الْجَبَلْ فِي أَرْض جَفَافْ.

إشَعْيا 8:14

وَ هُو يَبْقَى بَكَانْ مُقَدَّسْ لِلْمَمَالِكْ الْإِتْنَيْن هَنَا بَنِي إِسْرَائِيلْ. يَبْقَى لَيْهُمْ حَجَرْ الْيِنْطَقَّوْا فَوْقَهْ وَ يِتَّرْتَعَوْا وَ يَبْقَى شَبَكَةْ وَ شَرَكْ لِسُكَّانْ مَدِينَةْ الْقُدُسْ.

أمْثال 18:10

أُسُمْ اللّٰهْ هُو مِثِلْ بَيْت طَوِيلْ وَ قَوِي. الصَّالِحْ يَطْلَعْ فَوْقَهْ وَ شَيّءْ مَا يَلْحَقَهْ.

رُؤية 7:16

وَ الْجُوعْ أَبَداً مَا يِسَوِّيهُمْ وَ الْعَطَشْ مَا يَكْرُبْهُمْ. وَ الْحَرَّايْ مَا تُطُقُّهُمْ بَتَّانْ وَ مَا فِي حَمُو الْيِحَرِّقْهُمْ.

عِبْرَانِيِّين 11:7

وَ بِالْإِيمَانْ، نُوحْ سِمِعْ كَلَامْ اللّٰهْ. أَوَّلْ اللّٰهْ خَبَّرَهْ بِالشَّيّءْ الْيِدَوْر يَبْقَى وَ لِسَّاعْ مَا بِنْشَافْ. وَ مِنْ شِدَّةْ تَقْوَاهْ، نُوحْ بَنَى سَفِينَةْ أَشَانْ يِنَجِّي أَهَلْ بَيْتَهْ. وَ بَيْدَا، نُوحْ ثَبَّتْ كَدَرْ نَاسْ الدُّنْيَا خَاطِيِّينْ. وَ هُو وَرَثْ الْعَدَالَةْ النَّادُمْ مَا يَقْدَرْ يَلْحَقْهَا إِلَّا بِالْإِيمَانْ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

زَبُور 91:1

الْيَسْكُنْ فِي مَلْجَأْ الْعَالِي، يَسْكُنْ فِي حِمَايَةْ اللّٰهْ الْقَادِرْ.

حِزْقِيال 11:16

«وَ فِي شَانْ دَا، قُولْ لِلنَّاسْ الْفِي الْغُرْبَةْ: ‹دَاهُو اللّٰهْ الرَّبّ قَالْ: ”حَتَّى كَانْ أَنَا بَعَّدْتُكُو فِي الْأُمَمْ وَ شَتَّتُّكُو فِي الْبُلْدَانْ كُلَ، حَضَرَتِي بِقَتْ لَيْكُو مِثِلْ بَيْت مُقَدَّسْ فِي أَيِّ بَلَدْ الْإِنْتُو مَشَيْتُوا فَوْقهَا.“›

زَبُور 55:8

«وَ بِسُرْعَةْ، نَلْقَى مَسْكَنْ الْيَحْفَضْنِي مِنْ الرِّيحْ الشَّدِيدَةْ.»

إشَعْيا 14:32

شُنُو النُّرُدُّوهْ لِمُرَسَّلِينْ الْأُمَّةْ دِي؟ نُقُولُوا: ‹أَيْوَى، اللّٰهْ أَسَّسْ صَهْيُون أَشَانْ مَسَاكِينْ شَعَبَهْ يَلْجَأَوْا لَيْهَا.›»

إشَعْيا 32:1

أَيْوَى، يَجِي يَوْم الْفَوْقَهْ الْمَلِكْ يَمْلُكْ بِالْعَدَالَةْ وَ الْكُبَارَاتْ يَحْكُمُوا بِالْحَقّ.

إشَعْيا 30:30

وَ اللّٰهْ يِسَمِّعْ حِسَّهْ الْمَجِيدْ وَ يِوَصِّفْ دُرَاعَهْ الْمَرْفُوعْ بِشِدَّةْ زَعَلَهْ وَ أَمْ بَلْبَالَةْ التَّحْرِقْ وَ مَطَرْ شَدِيدْ وَ بَرَدْ.