إشَعْيا 39:8 - الكتاب المقدس بالعربي الدارجي هنا تشاد

⁸ وَ حِزْقِيَّا رَدَّ لِإِشَعْيَا وَ قَالْ: «كَلَامْ اللّٰهْ الْإِنْتَ قُلْتَهْ لَيِّ دَا، عَدِيلْ.» أَشَانْ هُو قَالْ فِي نَفْسَهْ: «أَنَا نِعِيشْ بِسَلَامْ وَ أَمَانْ فِي كُلَّ مُدَّةْ حَيَاتِي.»

إشَعْيا 39:8 Referenca të Kryqëzuara

2 أخبار 32:26

وَ بَعَدْ دَا، حِزْقِيَّا وَ سُكَّانْ مَدِينَةْ الْقُدُسْ مَسْكَنَوْا نُفُوسْهُمْ مِنْ الْإِسْتِكْبَارْ. وَ بَيْدَا، اللّٰهْ مَا نَزَلْ غَضَبَهْ فَوْقهُمْ فِي مُدَّةْ حَيَاةْ حِزْقِيَّا.

2 أخبار 34:28

وَ بِسَبَبْ دَا، نِخَلِّيكْ تَلْحَقْ أَبَّهَاتَكْ بِالسَّلَامَةْ وَ يَدْفُنُوكْ فِي قَبُرَكْ وَ إِنْتَ مَا تِشِيفْ الْمَصِيبَةْ الْأَنَا نِنَزِّلْهَا فِي مَدِينَةْ الْقُدُسْ وَ سُكَّانْهَا.“›» وَ خَلَاصْ، الْمُرَسَّلِينْ مَشَوْا وَ كَلَّمَوْا الْكَلَامْ دَا لِلْمَلِكْ.

1 بُطْرُس 5:6

خَلَاصْ، مَسْكُنُوا نُفُوسْكُو قِدَّامْ قُدْرَةْ اللّٰهْ وَ فِي الْوَكِتْ الْمُوَافِقْ، هُو بَسْ يَرْفَعْكُو.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

زَكَرِيَّا 8:16

دَاهُو الشَّيّءْ الْوَاجِبْ تِسَوُّوهْ. كَلُّمُوا أَمْبَيْنَاتْكُو بِالصَّحِيحْ. وَ فِي شَرِيعِتْكُو، أَحْكُمُوا بِالْحَقّ وَ بِالْعَدَالَةْ التِّجِيبْ السَّلَامْ.

مَراثِي إرْمِيا 3:39

وَ مَالَا الْإِنْسَانْ الْحَيّ يَشْكِي مِنْ عِقَابْ ذُنُوبَهْ؟

مَراثِي إرْمِيا 3:22

خَيْر اللّٰهْ أَبَداً مَا يِنْقَطِعْ وَ رَحْمَتَهْ أَبَداً مَا تِكَمِّلْ!

زَبُور 39:9

أَنَا سَكَتّْ وَ بَتَّانْ مَا نُفُكّ خَشْمِي أَشَانْ إِنْتَ بَسْ خَطَّيْتنِي فِي الْحَالَةْ دِي.

أيُّوب 1:21

وَ قَالْ: «أَنَا مَرَقْت مِنْ بَطُنْ أَمِّي عَرْيَانْ وَ نِقَبِّلْ فِي الْقَبُرْ عَرْيَانْ. اللّٰهْ أَنْطَى. وَ اللّٰهْ شَالْ. مُبَارَكْ أُسُمْ اللّٰهْ.»

2 صَمُوِيل 15:26

وَ لَاكِنْ كَنْ هُو قَالْ مَا يِدَوْرنِي، خَلَاصْ خَلِّي يِسَوِّي فَوْقِي الشَّيّءْ الْهُو يِدَوْرَهْ.»

1 صَمُوِيل 3:18

خَلَاصْ، صَمُوِيلْ كَلَّمَهْ لِعَالِي بِكُلَّ الْكَلَامْ دَا وَ مَا لَبَّدْ مِنَّهْ شَيّءْ. وَ عَالِي قَالْ: «هُو اللّٰهْ. وَ هُو يِسَوِّي الشَّيّءْ الْيِدَوْرَهْ.»

لاوِيِّين 10:3

وَ مُوسَى قَالْ لِهَارُونْ: «دَا بَسْ كَلَامْ اللّٰهْ وَكِتْ قَالْ: ‹الْيِقَرُّبُوا لَيِّ يَعَرْفُونِي كَدَرْ أَنَا قُدُّوسْ وَ يِمَجُّدُونِي قِدَّامْ كُلَّ الشَّعَبْ.›» وَ هَارُونْ قَاعِدْ سَاكِتْ.