إشَعْيا 38:1 - الكتاب المقدس بالعربي الدارجي هنا تشاد

¹ وَ فِي الْوَكِتْ دَا، حِزْقِيَّا مِرِضْ مَرَضْ شَدِيدْ لَحَدِّي قَرِيبْ يُمُوتْ. وَ النَّبِي إِشَعْيَا وِلَيْد أَمُّوصْ جَاءْ لَيَّهْ وَ قَالْ: «دَاهُو اللّٰهْ قَالْ: ‹وَصِّي عَايِلْتَكْ أَشَانْ إِنْتَ تُمُوتْ. مَا تَلْقَى الْعَافَيْ.›»

إشَعْيا 38:1 Referenca të Kryqëzuara

2 أخبار 32:24

وَ فِي الْوَكِتْ دَا، حِزْقِيَّا مِرِضْ مَرَضْ شَدِيدْ لَحَدِّي قَرِيبْ يُمُوتْ. وَ شَحَدْ اللّٰهْ وَ هُو أَنْطَى عَلَامَةْ التَّضْمَنْ لَيَّهْ الشِّفَاءْ.

2 صَمُوِيل 17:23

وَ وَكِتْ أَخِتُوفَلْ عِرِفْ كَدَرْ أَبْشَلُومْ مَا طَبَّقْ وَصِيّتَهْ، قَمَّ شَدَّ حُمَارَهْ وَ قَبَّلْ حِلِّتَهْ وَ مَشَى بَيْتَهْ. وَ وَصَّى عَايِلْتَهْ وَ شَنَقْ نَفْسَهْ وَ مَاتْ. وَ دَفَنَوْه فِي قَبُرْ أَبُوهْ.

يُونُس 3:10

وَ الرَّبّ شَافْ نَاسْ نِينَوَى قَمَّوْا يِسَوُّوا مِثِلْ كَيْ وَ خَلَّوْا مِنْهُمْ عَمَلْهُمْ الْفَسِلْ. وَ خَلَاصْ، هُو كُلَ خَلَّى غَضَبَهْ الْأَوَّلْ قَرَّرْ يِنَزِّلَهْ فَوْقهُمْ.

أعمال الرُسُل 9:37

وَ فِي الْوَكِتْ دَا، هِي بِقَتْ مَرْضَانَةْ وَ مَاتَتْ. وَ بَرَّدَوْهَا وَ خَطَّوْا جَنَازِتْهَا فِي الْقَصِرْ التَّانِي.

يُونُس 3:4

وَ يُونُسْ وَصَّلْ فِي نِينَوَى وَ عِنْدَهْ يَوْم تَمَامْ رَايِغْ وَ يُقُولْ: «بَعَدْ أَرْبَعِينْ يَوْم، نِينَوَى تِدَّمَّرْ!»

إشَعْيا 37:21

وَ إِشَعْيَا وِلَيْد أَمُّوصْ رَسَّلْ لِحِزْقِيَّا وَ قَالْ لَيَّهْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹أَيْوَى، أَنَا سِمِعْت صَلَاتَكْ الْإِنْتَ وَجَّهْتَهَا لَيِّ فِي شَانْ سَنْحَرِيبْ مَلِكْ بَلَدْ أَشُورْ.›»

إشَعْيا 37:2

وَ هُو رَسَّلْ أَلِيَاقِيمْ مَسْؤُولْ فِي قَصِرْ الْمَلِكْ وَ شَبْنَا الْكَاتِبْ وَ رُجَالْ الدِّينْ الشِّيَّابْ. وَ كُلُّهُمْ كَيْ لَابْسِينْ خُلْقَانْ الْحِزِنْ وَ مَشَوْا لِلنَّبِي إِشَعْيَا وِلَيْد أَمُّوصْ.

إشَعْيا 1:1

دَاهُو رُؤْيَةْ إِشَعْيَا وِلَيْد أَمُّوصْ التُّخُصّ بَلَدْ يَهُوذَا وَ مَدِينَةْ الْقُدُسْ. وَ الرُّؤْيَةْ دِي كَانَتْ فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا.

جامِعة 9:10

أَيِّ شَيّءْ التِّسَوِّيهْ، سَوِّيهْ بِكُلَّ قُدُرْتَكْ. أَشَانْ مَا فِي خِبْرَةْ وَ لَا مَعْرَفَةْ وَ لَا حِكْمَةْ فِي الْقَبُرْ، الْبَكَانْ الْإِنْتَ مَاشِي لَيَّهْ.

2 صَمُوِيل 12:22

وَ دَاوُدْ رَدَّ لَيْهُمْ وَ قَالْ: «وَكِتْ الْوِلَيْد لِسَّاعْ حَيّ، أَنَا صُمْت وَ بَكَيْت أَشَانْ قُلْت أَكُونْ اللّٰهْ يِحِنّ فَوْقِي وَ الْوِلَيْد يِعِيشْ.