إشَعْيا 34:9 - الكتاب المقدس بالعربي الدارجي هنا تشاد

⁹ وَ وُدْيَانْ أَدَوْم يِغَيُّرُوا وَ يِنْمَلُوا قُطْرَانْ وَ تُرَابْهَا يَبْقَى كِبْرِيتْ وَ الْبَلَدْ تَبْقَى مِثِلْ قُطْرَانْ مُحْرِقْ.

إشَعْيا 34:9 Referenca të Kryqëzuara

تَثْنِية 29:23

وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.

زَبُور 11:6

خَلِّي اللّٰهْ يِنَزِّلْ فِي الْعَاصِيِينْ مَطَرَةْ هَنَا جَمُرْ وَ نَارْ وَ كِبْرِيتْ وَ رِيحْ مُحْرِقَةْ! أَيْوَى، دَا قِسِمْهُمْ الْقَاعِدْ يَرْجَاهُمْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

رُؤية 19:20

وَ الْحَيْوَانْ غَلَبَوْه وَ كَرَبَوْه. وَ كَرَبَوْا مَعَايَهْ الْكَدَّابْ السَّوَّى نَفْسَهْ نَبِي الْأَوَّلْ سَوَّى عَجَايِبْ فِي قِدَّامَهْ. وَ الْعَجَايِبْ دَوْل، هُو سَوَّاهُمْ أَشَانْ يُغُشّ بَيْهُمْ النَّاسْ الْقِبْلَوْا وَسِمْ الْحَيْوَانْ الْفَسِلْ وَ سَجَدَوْا لِصَنَمَهْ. وَ رَمَوْا الْحَيْوَانْ الْفَسِلْ وَ الْكَدَّابْ حَيِّينْ فِي بَحَرْ النَّارْ الْمُأَوْقِدَةْ بِكِبْرِيتْ أَصْفَرْ.

يَهُوذَا 1:7

وَ بَتَّانْ، فَكُّرُوا فِي حِلَّالْ سَدُومْ وَ عَمُورَةْ وَ الْحِلَّالْ الْجَنْبُهُمْ. سُكَّانْهُمْ كُلَ بِقَوْا مِثِلْ الْمَلَائِكَةْ دَوْل أَشَانْ أَنْكَرَبَوْا فِي الزِّنَى وَ تَابَعَوْا شَهْوَاتْ مُخَالِفِينْ لِلطَّبِيعَةْ. وَ أَشَانْ دَا، اللّٰهْ صَبَّ فَوْقهُمْ النَّارْ الْأَبَدِيَّةْ وَ هُمَّنْ بِقَوْا لَيْنَا مَثَلْ هَنَا عَذَابْ.

لُوقا 17:29

لَاكِنْ يَوْم اللُّوطْ مَرَقْ مِنْ حِلَّةْ سَدُومْ، اللّٰهْ نَزَّلْ فَوْقهُمْ نَارْ وَ كِبْرِيتْ وَ دَمَّرَاهُمْ مَرَّةْ وَاحِدْ.

أيُّوب 18:15

إِنْتَ تَسْكُنْ فِي خَيْمِتَهْ الْهِي بَتَّانْ مَا هِنْتَهْ وَ يِطَهُّرُوا الْخَيْمَةْ بِكِبْرِيتْ.

تكوين 19:28

وَ وَجَّهْ عَلَيْ سَدُومْ وَ عَمُورَةْ وَ عَلَيْ كُلَّ الْحِلَّالْ الْقَاعِدِينْ جَنْبُهُمْ وَ شَافْ دُخَّانْ أَزْرَقْ كُرُمْ طَالِعْ مِنْ الْأَرْض مِثِلْ دُخَّانْ هَنَا حَرِيقَةْ.

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

إرْمِيا 49:13

أَشَانْ أَنَا نَحْلِفْ بِنَفْسِي، حِلَّةْ بُصْرَةْ تَبْقَى خَرَابْ وَ بَكَانْ مُهَدَّمْ وَ يِعَيُّبُوهَا وَ يَلْعَنَوْهَا. وَ كُلَّ حِلَّالْهَا يَبْقَوْا كَوْم هَنَا تُرَابْ إِلَى الْأَبَدْ.» وَ دَا كَلَامْ اللّٰهْ.