إشَعْيا 33:8 - الكتاب المقدس بالعربي الدارجي هنا تشاد

⁸ وَ الشَّوَارِعْ فَاضِيِينْ وَ مَا فِي نَادُمْ مَاشِي فِي الدُّرُوبْ. الْمُخَرِّبْ قَطَعْ الْمُعَاهَدَةْ وَ لِلشُّهُودْ، أَبَاهُمْ وَ مَا فَكَّرْ فِي أَيِّ نَادُمْ.

إشَعْيا 33:8 Referenca të Kryqëzuara

قُضياء 5:6

«فِي أَيَّامْ شَمْقَرْ وِلَيْد عَنَاةْ وَ فِي أَيَّامْ يَاعِلْ، نَاسْ كَتِيرْ خَلَّوْا الدُّرُوبْ وَ الْمُسَافِرِينْ يَمْشُوا بِدَبَالِيْ عُوُجْ.

إشَعْيا 35:8

وَ فِي الْبَكَانْ دَا، يِسَوُّوا دَرِبْ وَ يِسَمُّوهْ الدَّرِبْ الْخَاصّ. الْمَا طَاهِرْ مَا يِعَدِّي بَيَّهْ وَ الْمُنَافِقِينْ مَا يِوَدُّرُوا فَوْقَهْ أَشَانْ الدَّرِبْ دَا لِشَعَبْ اللّٰهْ بَسْ.

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

إشَعْيا 36:1

وَ فِي سَنِةْ 14 هَنَا حُكُمْ حِزْقِيَّا، سَنْحَرِيبْ مَلِكْ أَشُورْ هَجَمْ كُلَّ الْمُدُنْ الْقَوِيِّينْ هَنَا مَمْلَكَةْ يَهُوذَا وَ قَلَعَاهُمْ.

زَبُور 10:5

دُرُوبْ الْعَاصِي يَنْجَحَوْا فِي كُلَّ وَكِتْ، شَرِيعْتَكْ بَعِيدْ مِنْ فِكْرَهْ وَ هُو يَبْزُقْ فِي كُلَّ عُدْوَانَهْ.

1 صَمُوِيل 17:26

وَ دَاوُدْ سَأَلْ الرُّجَالْ الْقَاعِدِينْ جَنْبَهْ وَ قَالْ: «يَنْطُوا شُنُو لِلنَّادُمْ الْيَكْتُلْ الْفِلِسْطِي دَا وَ يَرْفَعْ الْعَيْب مِنْ بَنِي إِسْرَائِيلْ؟ الْفِلِسْطِي الْمَا مُطَهَّرْ دَا، هُو يَاتُو أَشَانْ يِشَّمَّتْ فِي دَيْش اللّٰهْ الْحَيّ؟»

1 صَمُوِيل 17:10

وَ بَتَّانْ الْفِلِسْطِي قَالْ: «وَ دَاهُو أَنَا! نِشَمِّتْ فَوْقكُو إِنْتُو، يَا بَنِي إِسْرَائِيلْ! أَمُرْقُوا لَيِّ رَاجِلْ وَ مَعَايَهْ نِلْحَارَبَوْا!»

قُضياء 19:17

وَ وَكِتْ الشَّايِبْ رَفَعْ رَاسَهْ، شَافْ الرَّاجِلْ الْمُسَافِرْ فِي نَقَعَةْ الْحِلَّةْ وَ قَالْ: «جَايِ مِنْ وَيْن وَ مَاشِي وَيْن؟»

إشَعْيا 24:5

وَ الْأَرْض، سُكَّانْهَا يِنَجُّسُوهَا أَشَانْ هُمَّنْ مَا طَبَّقَوْا الْوَصَايَا وَ خَالَفَوْا الْقَوَانِينْ وَ قَطَعَوْا الْمُعَاهَدَةْ الدَّايْمَةْ.

لاوِيِّين 26:22

وَ نِقَوِّمْ ضِدُّكُو حَيْوَانَاتْ الْكَدَادَةْ الْيَاكُلُوا عِيَالْكُو وَ يِكَمُّلُوا بَهَايِمْكُو وَ يِسَوُّوكُو شِيَّةْ وَ دُرُوبْكُو يَبْقَوْا فَاضِيِينْ.