إشَعْيا 33:5 - الكتاب المقدس بالعربي الدارجي هنا تشاد

⁵ اللّٰهْ عَظِيمْ أَشَانْ قَاعِدْ فَوْق وَ مَلَا صَهْيُون بِالْحَقّ وَ الْعَدَالَةْ.

إشَعْيا 33:5 Referenca të Kryqëzuara

إشَعْيا 2:17

وَ خَلَاصْ، الْإِنْسَانْ الْفَشَّارْ يِدَلِّي رَاسَهْ وَ النَّادُمْ الْمُسْتَكْبِرْ، يِدَنْقِرْ. وَ فِي الْيَوْم دَا، اللّٰهْ وِحَيْدَهْ بَسْ يِعَظُّمُوهْ.

رَوْمَا 11:26

وَ بِمِثِلْ دَا، بَنِي إِسْرَائِيلْ كُلُّهُمْ كَيْ يَنْجَوْا خَلَاصْ. أَشَانْ دَا، مَكْتُوبْ فِي الْكِتَابْ: <الْيَفْدَاهُمْ يَجِي مِنْ صَهْيُون وَ يِقَبِّلْ ذُرِّيَّةْ يَعْقُوبْ مِنْ عِصْيَانْهُمْ.

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

رَوْمَا 3:26

وَ فِي الزَّمَنْ الْحَالِي، هُو وَصَّفْ بِالضَّحِيَّةْ دِي كَدَرْ هُو عَادِلْ. أَيْوَى، هُو عَادِلْ وَ أَيِّ نَادُمْ الْيِآمِنْ بِعِيسَى، هُو يِسَوِّيهْ صَالِحْ.

إشَعْيا 66:1

دَاهُو اللّٰهْ قَالْ: «السَّمَاءْ عَرْشِي وَ الْأَرْض بَكَانْ نُخُطّ رِجِلَيْنِي. هَلْ تَقْدَرَوْا تَبْنُوا بَيْت الْيِشِيلْنِي وَلَّا؟ وَلَّا تَقْدَرَوْا تَبْنُوا لَيِّ بَكَانْ لِلرَّاحَةْ؟

إشَعْيا 61:11

أَيْوَى، مِثِلْ الْأَرْض تَمْرُقْ بِذْرِتْهَا وَ مِثِلْ الْجِنَيْنَةْ تَمْرُقْ تَيْرَابْهَا، مِثِلْ دَا، اللّٰهْ الرَّبّ كُلَ يِبَيِّنْ عَدَالْتَهْ وَ كُلَّ الْأُمَمْ يَشْكُرُوهْ.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

إشَعْيا 60:21

أَيْوَى، شَعَبْكِ كُلُّهُمْ يَبْقَوْا صَالِحِينْ وَ يَوْرُثُوا الْأَرْض إِلَى الْأَبَدْ. هُمَّنْ بِذِرْتِي الْأَنَا مَقَّنْتَهَا وَ خِدْمَةْ إِيدَيْنِي الْيِوَصُّفُوا مَجْدِي.

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

إشَعْيا 37:20

وَ هَسَّعْ، يَا اللّٰهْ إِلٰـهْنَا، نَجِّينَا مِنْ إِيدْ سَنْحَرِيبْ. وَ بَيْدَا، كُلَّ مَمَالِكْ الْأَرْض يَعَرْفُوا كَدَرْ إِنْتَ وِحَيْدَكْ بَسْ اللّٰهْ.»

إشَعْيا 33:10

وَ اللّٰهْ قَالْ: «هَسَّعْ أَنَا نُقُمّ وَ هَسَّعْ أَنَا نِنْرَفِعْ وَ هَسَّعْ أَنَا نِوَصِّفْ عَظَمَتِي.

إشَعْيا 32:1

أَيْوَى، يَجِي يَوْم الْفَوْقَهْ الْمَلِكْ يَمْلُكْ بِالْعَدَالَةْ وَ الْكُبَارَاتْ يَحْكُمُوا بِالْحَقّ.

إشَعْيا 28:6

وَ اللّٰهْ يَنْطِي رُوحْ الْعَدَالَةْ لِلْيِسَوُّوا الشَّرِيعَةْ. وَ يَنْطِي الْقُدْرَةْ لِلْيِحَارُبُوا الْعَدُو وَ يَدْحَرَوْه مِنْ بِيبَانْ الْمَدِينَةْ.

إشَعْيا 12:4

وَ فِي الْيَوْم دَا، إِنْتُو تُقُولُوا: «أَشْكُرُوا اللّٰهْ وَ نَادُوا أُسْمَهْ! عَرُّفُوا عَمَلَهْ لِلشُّعُوبْ وَ أَذَّكَّرَوْا كَدَرْ أُسْمَهْ الْعَالِي.

إشَعْيا 2:11

الْإِنْسَانْ الْفَشَّارْ، يِدَلِّي رَاسَهْ وَ النَّادُمْ الْمُسْتَكْبِرْ، يِدَنْقِرْ. وَ فِي الْيَوْم دَا، اللّٰهْ وِحَيْدَهْ بَسْ يِعَظُّمُوهْ.

زَبُور 123:1

لَيْك إِنْتَ، أَنَا رَفَعْت عُيُونِي، إِنْتَ الْقَاعِدْ فِي الْعَرْش فِي السَّمَاوَاتْ.

زَبُور 118:16

اللّٰهْ رَفَعْ إِيدَهْ الزَّيْنَةْ، إِيدَهْ الزَّيْنَةْ وَصَّفَتْ قُدُرْتَهْ.»

خُروج 18:11

وَ هَسَّعْ أَنَا عِرِفْت كَدَرْ اللّٰهْ أَكْبَرْ مِنْ كُلَّ الْإِلٰـهَاتْ أَشَانْ هُو وَصَّفْ قُدُرْتَهْ لِلنَّاسْ الظَّلَمَوْا بَنِي إِسْرَائِيلْ.»

خُروج 15:6

يَا اللّٰهْ، إِيدَكْ الزَّيْنَةْ وَصَّفَتْ قُدُرْتَكْ. يَا اللّٰهْ، إِيدَكْ الزَّيْنَةْ دَمَّرَتْ عُدْوَانَكْ.

خُروج 15:1

وَ خَلَاصْ، مُوسَى وَ بَنِي إِسْرَائِيلْ غَنَّوْا لِلّٰهْ الْغِنَيْ الْبُقُولْ: أَنَا نِغَنِّي لِلّٰهْ أَشَانْ هُو وَصَّفْ قُدُرْتَهْ الْمَجِيدَةْ. وَ هُو رَمَى فِي الْبَحَرْ الْجُوَادْ وَ سِيدَهْ.

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

إشَعْيا 5:16

وَ اللّٰهْ الْقَادِرْ يِبَيِّنْ عَدَالْتَهْ، أَيْوَى، الْإِلٰـهْ الْقُدُّوسْ يِوَصِّفْ عَدَالْتَهْ.

إشَعْيا 26:1

وَ فِي الْيَوْم دَا، يِغَنُّوا الْغِنَيْ دَا فِي بَلَدْ يَهُوذَا: «أَنِحْنَ عِنْدِنَا مَدِينَةْ قَوِيَّةْ. وَ اللّٰهْ أَنْطَانَا النَّجَاةْ وَ يَحْمِينَا مِثِلْ دَرَادِرْهَا الْقَوِيِّينْ.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!

إشَعْيا 33:4

الْغَنِيمَةْ يِلِمُّوهَا بِكَتَرَةْ مِثِلْ سَارْ اللَّيْل يَاكُلُوا الشَّدَرْ. وَ يَقَعَوْا فَوْقهَا مِثِلْ وَقِعِينْ الْجَرَادْ.

إشَعْيا 56:1

وَ دَاهُو اللّٰهْ قَالْ: «أَحْفَضَوْا الْحَقّ وَ سَوُّوا الْعَدَالَةْ أَشَانْ نَجَاتِي قَرِيبْ تَجِي وَ عَدَالْتِي قَرِيبْ تِبِينْ.

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

إرْمِيا 31:23

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَعَدْ نِقَبِّلْهُمْ مِنْ الْغُرْبَةْ وَ نِثَبِّتْهُمْ فِي بَلَدْ يَهُوذَا وَ مُدُنْهَا، هُمَّنْ يِحَجُّوا بِالْكَلَامْ دَا بَتَّانْ وَ يُقُولُوا: ‹خَلِّي اللّٰهْ يِبَارِكَكْ، يَا صَهْيُون الْجَبَلْ الْمُقَدَّسْ، يَا مَسْكَنْ الْعَدَالَةْ!›