إشَعْيا 33:2 - الكتاب المقدس بالعربي الدارجي هنا تشاد

² يَا اللّٰهْ! حِنّ فَوْقنَا! أَنِحْنَ نُخُطُّوا عَشَمْنَا فَوْقَكْ. أَبْقَى قُدْرِتْنَا فِي كُلِّ صَبَاحْ وَ فِي وَكِتْ الضِّيقَةْ، أَبْقَى نَجَاتْنَا.

إشَعْيا 33:2 Referenca të Kryqëzuara

إشَعْيا 59:16

هُو شَافْ كَدَرْ مَا فِي نَادُمْ وَ آسِفْ مَا فِي نَادُمْ أَدَّخَّلْ. وَ خَلَاصْ، هُو ذَاتَهْ قَمَّ رَفَعْ دُرَاعَهْ وَ جَابْ النَّجَاةْ وَ عَدَالْتَهْ أَنْطَتَهْ قُدْرَةْ.

إشَعْيا 25:9

وَ فِي الْيَوْم دَا، يُقُولُوا: «دَاهُو إِلٰـهْنَا. أَنِحْنَ خَطَّيْنَا عَشَمْنَا فَوْقَهْ وَ هُو نَجَّانَا. أَيْوَى، هُو بَسْ اللّٰهْ الْخَطَّيْنَا عَشَمْنَا فَوْقَهْ. يَلَّا نَفْرَحَوْا وَ نِنْبَسْطُوا أَشَانْ هُو نَجَّانَا!

زَبُور 60:11

تَعَالْ! سَاعِدْنَا ضِدّ عَدُونَا أَشَانْ فَزَعْ الْإِنْسَانْ مَا مَضْمُونْ.

زَبُور 62:8

يَا الشَّعَبْ! أَتْوَكَّلَوْا عَلَيَّهْ فِي كُلَّ وَكِتْ وَ أَفْتَحَوْا قُلُوبْكُو لَيَّهْ. الرَّبّ هُو مَلْجَئْنَا. وَقْفَةْ.

زَبُور 62:1

عَلَيْ الرَّبّ، نِوَجِّهْ بِهُدُوءْ وَ مِنَّهْ هُو، تَجِي نَجَاتِي.

زَبُور 46:1

الرَّبّ هُو مَلْجَئْنَا وَ قُدْرِتْنَا وَ فَزَعْ دَايِمْ فِي كُلِّ ضِيقَةْ.

خُروج 14:27

وَ وَكِتْ الْحَرَّايْ طَلَعَتْ، مُوسَى مَدَّ إِيدَهْ عَلَيْ الْبَحَرْ وَ الْأَلْمِي أَنْسَدَّ فِي بَكَانَهْ مِثِلْ أَوَّلْ. وَ وَكِتْ الْمَصْرِيِّينْ مُعَرِّدِينْ عَلَيْ خَشُمْ الْبَحَرْ، اللّٰهْ لَزَّاهُمْ فِي أُسْط الْأَلْمِي.

هُوشَع 14:2

جَهُّزُوا كَلَامْكُو وَ قَبُّلُوا لِلّٰهْ قُولُوا: «أَغْفِرْ كُلَّ خَطَانَا وَ فِي بَدَلْ ضَحَايَا التِّيرَانْ، أَقْبَلْ كَلَامْ خُشُومْنَا.

مَراثِي إرْمِيا 3:23

أَيْوَى، هِي تِلْجَدَّدْ كُلِّ صَبَاحْ وَ أَمَانَهْ يَبْقَى زِيَادَةْ.

إرْمِيا 14:8

وَ إِنْتَ عَشَمْ بَنِي إِسْرَائِيلْ وَ مُنَجِّيهَا فِي وَكْت الضِّيقَةْ. مَالَا تَبْقَى مِثِلْ أَجْنَبِي فِي الْبَلَدْ أَوْ مِثِلْ مُسَافِرْ الْيُنُومْ لَيْلَةْ وَاحِدَةْ بَسْ؟

إشَعْيا 40:10

دَاهُو اللّٰهْ الرَّبّ جَايِ بِشِدَّةْ وَ بِقُدْرَةْ إِيدَهْ، قَاعِدْ يَمْلُكْ. وَ دَاهُو يِجِيبْ مَاحِيّتَهْ مَعَايَهْ وَ مُكَافَاتَهْ قِدَّامَهْ.

إشَعْيا 26:16

يَا اللّٰهْ، فِي الضِّيقَةْ هُمَّنْ فَتَّشَوْك وَ أَلْخَالَوْا بِدُعَاهُمْ تِحِتْ تِحِتْ وَكِتْ إِنْتَ عَاقَبْتُهُمْ.

إشَعْيا 26:8

أَيْوَى فِي طَرِيقْ عَدَالْتَكْ، نُخُطُّوا عَشَمْنَا فَوْقَكْ، يَا اللّٰهْ! أَنِحْنَ مُشْتَاقِينْ لِنِنَادُوا أُسْمَكْ وَ نِذَّكَّرَوْك.

إشَعْيا 25:4

أَشَانْ إِنْتَ مَلْجَأْ لِلضَّعِيفْ وَ مَلْجَأْ لِلْمِسْكِينْ فِي الضِّيقَةْ. إِنْتَ مِثِلْ بَكَانْ الْيَحْمِي مِنْ الْمَطَرَةْ الشَّدِيدَةْ وَ مِثِلْ ضُلّ الْيَحْمِي مِنْ الْحَمُو. أَشَانْ غَضَبْ الْمُجْرِمِينْ مِثِلْ مَطَرَةْ الشَّدِيدَةْ التَّضْرُبْ دُرْدُرْ

زَبُور 123:2

وَ دَاهُو أَنِحْنَ مُصَنْقِعِينْ لِلّٰهْ إِلٰـهْنَا، رَاجِيِينْ هُو يِحِنّ فَوْقنَا. وَ أَنِحْنَ مِثِلْ عَبِيدْ الْيَرْفَعَوْا عُيُونْهُمْ لِإِيدَيْن سِيَادْهُمْ الْيَنْطُوهُمْ وَ مِثِلْ خَادِمْ التَّرْفَعْ عُيُونْهَا لِإِيدْ سِتَّهَا التَّنْطِيهَا.

زَبُور 91:15

كَنْ هُو يِنَادِينِي، أَنَا نُرُدّ لَيَّهْ وَ نُكُونْ مَعَايَهْ فِي الضِّيقَةْ وَ نِخَلِّصَهْ وَ نِشَرِّفَهْ.

زَبُور 90:15

فَرِّحْنَا عَلَيْ قَدُرْ الْأَيَّامْ الْإِنْتَ ضَايَقْتِنَا فَوْقهُمْ وَ عَلَيْ عَدَدْ السِّنِينْ الشِّفْنَا فَوْقهُمْ الْفَسَالَةْ.

زَبُور 62:5

يَا نَفْسِي! عَلَيْ الرَّبّ نِوَجِّهْ بِهُدُوءْ وَ مِنَّهْ هُو يَجِي عَشَمِي.

زَبُور 50:15

فِي يَوْم الضِّيقَةْ، نَادُونِي وَ خَلَاصْ، أَنَا نِنَجِّيكُو وَ إِنْتُو تِمَجُّدُونِي.»

زَبُور 46:5

الرَّبّ قَاعِدْ فِي أُسُطْهَا وَ هِي مَا تِنْهَزَّ. الرَّبّ يَفْزَعْهَا فِي الْفَجُرْ.

زَبُور 37:39

نَجَاةْ الصَّالِحِينْ جَايَةْ مِنْ اللّٰهْ، هُو مَلْجَئْهُمْ فِي وَكْت الضِّيقَةْ.

زَبُور 25:3

الْيُخُطّ عَشَمَهْ فَوْقَكْ مَا يَلْقَى عَيْب وَ لَاكِنْ الْعَيْب لِلْيُخُونُوا بَلَا سَبَبْ.

زَبُور 143:8

وَ بِفَجُرْ، خَبِّرْنِي بِرَحْمَتَكْ أَشَانْ أَنَا مُتَوَكِّلْ عَلَيْك. وَصِّفْنِي الطَّرِيقْ النِّشِيلَهْ أَشَانْ أَنَا مُتَوَجِّهْ عَلَيْك.

زَبُور 27:1

اللّٰهْ هُو نُورِي وَ نَجَاتِي، أَنَا نَخَافْ مِنْ يَاتُو؟ اللّٰهْ هُو مَلْجَأْ لِحَيَاتِي، قِدَّامْ يَاتُو أَنَا نَرْجِفْ؟

إشَعْيا 17:10

أَشَانْ إِنْتُو نِسِيتُوا إِلٰـهْكُو النَّجَّاكُو وَ مَا فَكَّرْتُوا فَوْقَهْ هُو، جَبَلْ مَلْجَئْكُو. وَ فِي شَانْ دَا، مَقَّنْتُوا شَدَرْ لَذِيذْ وَ تَيْرَبْتُوا تَيْرَابْ أَجْنَبِي.

إشَعْيا 37:3

وَ هُمَّنْ قَالَوْا لَيَّهْ: «دَاهُو كَلَامْ الْمَلِكْ حِزْقِيَّا: ‹الْيَوْم دَا، يَوْم هَنَا ضِيقَةْ وَ عِقَابْ وَ فَضِيحَةْ. وَ دَا مِثِلْ الْعِيَالْ جَاهِزِينْ لِيَمُرْقُوا مِنْ بَطُنْ أَمُّهُمْ وَ لَاكِنْ هِي مَا عِنْدَهَا قُدْرَةْ لِتَلْدَاهُمْ.

إشَعْيا 51:5

عَدَالْتِي قَرِيبَةْ وَ نَجَاتِي تَجِي وَ بِدُرَاعِي، نِحَاكِمْ الشُّعُوبْ. وَ فَوْقِي أَنَا، سُكَّانْ الْجَزَايِرْ يُخُطُّوا عَشَمْهُمْ وَ هُمَّنْ يَرْجَوْا دُرَاعِي.

زَبُور 33:22

يَا اللّٰهْ، خَلِّي رَحْمَتَكْ تُكُونْ فَوْقنَا مِثِلْ عَشَمْنَا قَاعِدْ فَوْقَكْ!

إشَعْيا 8:17

أَنَا نُخُطّ عَشَمِي فِي اللّٰهْ الْأَبَى مَا يِوَجِّهْ عَلَيْ ذُرِّيَّةْ يَعْقُوبْ وَ أَنَا نِتْوَكَّلْ عَلَيَّهْ.