إشَعْيا 32:7 - الكتاب المقدس بالعربي الدارجي هنا تشاد

⁷ الْغَشَّاشْ عَمَلَهْ فَسِلْ. هُو يِخَطِّطْ الْفَسَالَةْ لِيِدَمِّرْ الْمَسَاكِينْ بِكَلَامْ كِدِبْ وَكِتْ يِدَافُعُوا لِحُقُوقْهُمْ.

إشَعْيا 32:7 Referenca të Kryqëzuara

إشَعْيا 5:23

هُمَّنْ يِبَرُّوا الْخَاطِي فِي شَانْ الرَّشْوَةْ وَ مَا يَنْطُوا حَقّ لِلصَّالِحْ فِي الشَّرِيعَةْ.

مَتَّى 26:4

وَ أَلآمَرَوْا كِكَّيْف يَكُرْبُوا عِيسَى بِعَشِيرْ وَ يَكْتُلُوهْ.

مِيخا 2:11

وَ كَنْ نَادُمْ يَجْرِي وَرَاءْ الرِّيحْ وَ يِتْنَبَّأْ بِكِدِبْ وَ يُقُولْ: «أَنَا نِتْنَبَّأْ لَيْكُو بِخَمَرْ وَ مَرِيسَةْ»، دَا بَسْ النَّبِي الْوَاجِبْ لَيْكُو إِنْتُو الشَّعَبْ دَا!

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

زَبُور 119:95

الْعَاصِيِينْ خَطَّوْا عَشَمْهُمْ فِي دَمَارِي وَ أَنَا كَمَانْ نُخُطّ بَالِي فِي وَصِيَّاتَكْ.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

إشَعْيا 26:10

لَاكِنْ كَنْ يِحِنُّوا فِي الْعَاصِي، هُو مَا يِلْعَلَّمْ الْعَدَالَةْ. فِي بَلَدْ الْحَقّ كُلَ، هُو يِسَوِّي الْفَسَالَةْ وَ مَا يِشِيفْ عَظَمَةْ اللّٰهْ.

إشَعْيا 29:21

وَ الْيَتْهَمَوْا النَّاسْ فِي الْكَلَامْ وَ الْيُكُجُّوا شَرَكْ لِيَرْمُوا النَّاسْ فِي الشَّرِيعَةْ وَ الْيَرْمُوا الصَّالِحْ فِي الْفَاضِي، كُلُّهُمْ يِدَّمَّرَوْا.

إشَعْيا 55:7

خَلِّي الْعَاصِي يِخَلِّي دَرْبَهْ وَ النَّادُمْ الْفَسِلْ يِخَلِّي أَفْكَارَهْ. خَلِّي يِقَبِّلْ لِلّٰهْ وَ هُو يَرْحَمَهْ أَشَانْ غُفْرَانْ إِلٰـهْنَا وَسِيعْ.

إشَعْيا 59:15

الْحَقّ بِقِي مَا فِيهْ وَ الْيِبَعِّدْ مِنْ الْفَسَالَةْ يَبْقَى غَنِيمَةْ!» اللّٰهْ شَافْ الْعَدَالَةْ وَدَّرَتْ وَ هُو غِضِبْ.

دَنْيال 12:10

وَ نَاسْ كَتِيرِينْ التَّعَبْ يِطَهِّرْهُمْ وَ يِصَفِّيهُمْ وَ يِنَضِّفْهُمْ. وَ الْعِنْدُهُمْ حِكْمَةْ يَفْهَمَوْا. وَ لَاكِنْ الْعَاصِيِينْ يِسَوُّوا الشَّرّ وَ وَاحِدْ مِنْهُمْ كُلَ مَا يَفْهَمْ.

مِيخا 2:1

الْعَذَابْ لِلْيَنْوُوا الْفَسَالَةْ وَ يِخَطُّطُوا الشَّرّ بِاللَّيْل! بِفَجُرْ، يُقُمُّوا يِسَوُّوا خِطِّتْهُمْ أَشَانْ عِنْدُهُمْ الْقُدْرَةْ لِيِسَوُّوهَا.