إشَعْيا 32:6 - الكتاب المقدس بالعربي الدارجي هنا تشاد

⁶ أَشَانْ الْمَطْمُوسْ يُقُولْ كَلَامْ شَيْن وَ فِي قَلْبَهْ يُضُمّ الشَّرّ. هُو يِسَوِّي الْفَسَالَةْ وَ يَكْفُرْ وَ يَكْدِبْ فِي اللّٰهْ. وَ يَمْنَعْ الْأَكِلْ لِلْجِيعَانْ وَ الْأَلْمِي لِلْعَطْشَانْ.

إشَعْيا 32:6 Referenca të Kryqëzuara

مَتَّى 15:19

أَشَانْ مِنْ دَاخَلْ قَلِبْ الْإِنْسَانْ يَمْرُقْ الْفِكِرْ الشَّيْن وَ الْكَتِلْ وَ الزِّنَى وَ الْفَسَالَةْ وَ السِّرْقَةْ وَ الشَّهَادَةْ بِالْكِدِبْ وَ كَلَامْ الْكُفُرْ.

مَتَّى 23:13

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تِسِدُّوا بَابْ مَمْلَكَةْ اللّٰهْ مِنْ النَّاسْ. وَ إِنْتُو ذَاتْكُو مَا تِنْدَسَّوْا وَ النَّاسْ الْيِدَوْرُوا يِنْدَسَّوْا إِنْتُو تَدْحَرَوْهُمْ مِنَّهْ.

إشَعْيا 3:15

مَالَا تِفَجُّقُوا شَعَبِي؟ مَالَا تِدِسُّوا وُجُوهْ الْمَسَاكِينْ فِي التُّرَابْ؟» وَ دَا كَلَامْ اللّٰهْ الرَّبّ الْقَادِرْ.

1 صَمُوِيل 24:13

مِثِلْ الْمَثَلْ الْقَدِيمْ بُقُولْ: ‹مِنْ نَاسْ الْفَسْلِينْ بَسْ تَجِي الْفَسَالَةْ.› وَ لَاكِنْ أَنَا كَيْ، مَا نُخُطّ إِيدِي فَوْقَكْ!»

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

عَمُوس 8:6

وَ نَشْرُوا الْمِسْكِينْ بِسِلَيَّاتْ وَ الْفَقْرَانْ بِنِعَيْلَاتْ وَ نِبِيعُوا كَنْفُوتْ الْقَمَحْ.»

إرْمِيا 13:23

هَلْ الْإِنْسَانْ يَقْدَرْ يِبَدِّلْ لَوْنَهْ وَلَّا؟ وَ النِّمِرْ يَقْدَرْ يِبَدِّلْ فَرْوِتَهْ الدَّرْعَةْ دِي وَلَّا؟ لَا! وَ إِنْتُو الْمُوَالْفِينْ الْفَسَالَةْ، تَقْدَرَوْا تِسَوُّوا الْعَدِيلْ وَلَّا؟

إشَعْيا 9:17

وَ فِي شَانْ دَا، الرَّبّ مَا يَفْرَحْ بِصُبْيَانْهُمْ وَ مَا يِحِنّ فِي أَتَامَاهُمْ وَ أَرَامِلْهُمْ. أَشَانْ هُمَّنْ كُلُّهُمْ كُفَّارْ وَ فَسْلِينْ وَ كُلَّ خُشُومْهُمْ يِكَلُّمُوا بِكَلَامْ الطَّمَاسَةْ. وَ بَيْدَا كُلَ، زَعَلَهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

أمْثال 19:3

نِفَاقْ الْإِنْسَانْ بَسْ يِتَلِّفْ دَرْبَهْ وَ بَتَّانْ هُو يُقُمّ يَزْعَلْ ضِدّ اللّٰهْ.

زَبُور 141:4

أَحْفَضْ قَلْبِي مَا يَكْرُبْ كَلَامْ فَسِلْ وَ نِسَوِّي أَعْمَالْ الْفَسَالَةْ مَعَ الظَّالِمِينْ وَ مَا تِخَلِّينِي نَاكُلْ أَكِلْهُمْ الْحَرَامْ.

أمْثال 24:7

الْحِكْمَةْ مَرْفُوعَةْ فَوْق مِنْ الْمُنَافِقْ وَ فِي الشَّرِيعَةْ، مَا يَقْدَرْ يُفُكّ خَشْمَهْ.

إشَعْيا 10:2

هُمَّنْ يَدْحَرَوْا الْمِسْكِينْ مِنْ الشَّرِيعَةْ وَ يَقْلَعَوْا الْحَقّ مِنْ فَقْرَانْ شَعَبِي. وَ يَكْسَبَوْا الْأَرَامِلْ وَ يَنْهَبَوْا الْأَتَامَا.

إشَعْيا 10:6

أَنَا نِرَسِّلْ مَلِكْ بَلَدْ أَشُورْ ضِدّ الْأُمَّةْ الْكَافْرَةْ وَ نُقُودَهْ ضِدّ الشَّعَبْ الْيِقَوُّمُوا غَضَبِي أَشَانْ مَلِكْ أَشُورْ يَنْهَبْهُمْ وَ يَكْسَبْهُمْ وَ يِفَجِّقْهُمْ تِحِتْ رِجِلَيْنَهْ مِثِلْ الطِّينَةْ فِي الشَّوَارِعْ.

إشَعْيا 26:10

لَاكِنْ كَنْ يِحِنُّوا فِي الْعَاصِي، هُو مَا يِلْعَلَّمْ الْعَدَالَةْ. فِي بَلَدْ الْحَقّ كُلَ، هُو يِسَوِّي الْفَسَالَةْ وَ مَا يِشِيفْ عَظَمَةْ اللّٰهْ.

إشَعْيا 31:2

أَكِيدْ، هُو حَكِيمْ! يَقْدَرْ يِجِيبْ الشَّرّ وَ مَا يَنْقُضْ كَلَامَهْ. وَ هُو يُقُمّ ضِدّ الْيِسَوُّوا الْفَسَالَةْ وَ ضِدّ الْفَزَعَوْا وَ الظُّلُمْ.

إشَعْيا 59:7

رِجْلَيْهُمْ يَجْرُوا لِلشَّرّ وَ يِسَّعْجَلَوْا لِدَفِّقِينْ دَمّ الْبَرِي. فِكِرْهُمْ فِكِرْ هَنَا فَسَالَةْ وَ الدَّمَارْ وَ الْخَرَابْ فِي دَرِبْهُمْ.

إشَعْيا 59:13

كَدَبْنَا وَ عِصِينَا اللّٰهْ وَ أَبَيْنَا مَا تَابَعْنَا إِلٰـهْنَا. حَجَّيْنَا إِلَّا بِظُلُمْ وَ مُؤآمَرَةْ ضِدّ الْآخَرِينْ وَ قُلُوبْنَا مَلَانِينْ بِكَلَامْ كِدِبْ.

دَنْيال 12:10

وَ نَاسْ كَتِيرِينْ التَّعَبْ يِطَهِّرْهُمْ وَ يِصَفِّيهُمْ وَ يِنَضِّفْهُمْ. وَ الْعِنْدُهُمْ حِكْمَةْ يَفْهَمَوْا. وَ لَاكِنْ الْعَاصِيِينْ يِسَوُّوا الشَّرّ وَ وَاحِدْ مِنْهُمْ كُلَ مَا يَفْهَمْ.

حِزْقِيال 34:18

وَ دَا شِيَّةْ لَيْكُو وَكِتْ تَسْرَحَوْا فِي مَرْعَى عَدِيلْ وَلَّا؟ مَالَا الْقَشّ الْفَضَّلْ تِفَجُّقُوهْ بِرِجْلَيْكُو؟ وَ دَا شِيَّةْ لَيْكُو وَكِتْ تَشَرْبَوْا أَلْمِي نَضِيفْ وَلَّا؟ مَالَا الْأَلْمِي الْفَضَّلْ تِتَلُّفُوهْ بِرِجْلَيْكُو؟