إشَعْيا 32:16 - الكتاب المقدس بالعربي الدارجي هنا تشاد

¹⁶ وَ خَلَاصْ، الْحَقّ يَسْكُنْ فِي الصَّحَرَاء وَ الْعَدَالَةْ تَقْعُدْ فِي الْجِنَيْنَةْ.

إشَعْيا 32:16 Referenca të Kryqëzuara

هُوشَع 3:5

وَ بَعَدْ دَا، بَنِي إِسْرَائِيلْ يِقَبُّلُوا يِتَابُعُوا اللّٰهْ إِلٰـهُّمْ وَ مَلِكْهُمْ الْمِنْ ذُرِّيَّةْ دَاوُدْ. وَ فِي آخِرْ الْوَكِتْ، يَخَافَوْا مِنْ اللّٰهْ وَ يَلْقَوْا خَيْرَهْ.

إشَعْيا 60:21

أَيْوَى، شَعَبْكِ كُلُّهُمْ يَبْقَوْا صَالِحِينْ وَ يَوْرُثُوا الْأَرْض إِلَى الْأَبَدْ. هُمَّنْ بِذِرْتِي الْأَنَا مَقَّنْتَهَا وَ خِدْمَةْ إِيدَيْنِي الْيِوَصُّفُوا مَجْدِي.

إشَعْيا 42:4

هُو مَا يَضْعَفْ وَ لَا يَفْشُلْ، هُو يِثَبِّتْ الْعَدَالَةْ فِي الْأَرْض. وَ شُعُوبْ الْجَزَايِرْ يَرْجَوْا وَصِيَّاتَهْ.»

إشَعْيا 35:8

وَ فِي الْبَكَانْ دَا، يِسَوُّوا دَرِبْ وَ يِسَمُّوهْ الدَّرِبْ الْخَاصّ. الْمَا طَاهِرْ مَا يِعَدِّي بَيَّهْ وَ الْمُنَافِقِينْ مَا يِوَدُّرُوا فَوْقَهْ أَشَانْ الدَّرِبْ دَا لِشَعَبْ اللّٰهْ بَسْ.

إشَعْيا 28:6

وَ اللّٰهْ يَنْطِي رُوحْ الْعَدَالَةْ لِلْيِسَوُّوا الشَّرِيعَةْ. وَ يَنْطِي الْقُدْرَةْ لِلْيِحَارُبُوا الْعَدُو وَ يَدْحَرَوْه مِنْ بِيبَانْ الْمَدِينَةْ.

إشَعْيا 33:5

اللّٰهْ عَظِيمْ أَشَانْ قَاعِدْ فَوْق وَ مَلَا صَهْيُون بِالْحَقّ وَ الْعَدَالَةْ.

إشَعْيا 42:11

وَ خَلِّي نَاسْ الْكَدَادَةْ وَ مُدُنْهَا يَرْفَعَوْا حِسُّهُمْ وَ الْحِلَّالْ السَّاكْنِينْ فَوْقهُمْ قَبِيلَةْ قِدَارْ كُلَ. وَ خَلِّي سُكَّانْ مَدِينَةْ سَالَعْ يِزَغْرُطُوا وَ مِنْ رُوسَيْ الْجِبَالْ، يِعِيطُوا بِفَرَحْ.

إشَعْيا 48:18

كَنْ أَوَّلْ خَطَّيْتُوا بَالْكُو لِوَصِيَّاتِي، سَلَامِتْكُو تَبْقَى مِثِلْ الْبَحَرْ وَ عَدَالِتْكُو مِثِلْ مَوْج الْبَحَرْ.

زَكَرِيَّا 8:3

وَ دَاهُو اللّٰهْ قَالْ: «أَنَا نِقَبِّلْ فِي جَبَلْ صَهْيُون وَ نَسْكُنْ بَتَّانْ فِي أُسُطْ مَدِينَةْ الْقُدُسْ. وَ مَدِينَةْ الْقُدُسْ يِنَادُوهَا مَدِينَةْ الْأَمَانْ. وَ جَبَلْ اللّٰهْ الْقَادِرْ يِنَادُوهْ الْجَبَلْ الْمُقَدَّسْ.»

إشَعْيا 11:9

وَ مَا تُكُونْ فَسَالَةْ وَ لَا دَمَارْ فِي كُلَّ جَبَلِي الْمُقَدَّسْ أَشَانْ الْأَرْض تِنْمَلِي بِمَعْرَفَةْ اللّٰهْ مِثِلْ الْبَحَرْ يِنْمَلِي بِأَلْمِي.

إرْمِيا 31:23

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَعَدْ نِقَبِّلْهُمْ مِنْ الْغُرْبَةْ وَ نِثَبِّتْهُمْ فِي بَلَدْ يَهُوذَا وَ مُدُنْهَا، هُمَّنْ يِحَجُّوا بِالْكَلَامْ دَا بَتَّانْ وَ يُقُولُوا: ‹خَلِّي اللّٰهْ يِبَارِكَكْ، يَا صَهْيُون الْجَبَلْ الْمُقَدَّسْ، يَا مَسْكَنْ الْعَدَالَةْ!›