إشَعْيا 32:13 - الكتاب المقدس بالعربي الدارجي هنا تشاد

¹³ أَشَانْ أَرْض شَعَبِي قَمَّ فَوْقهَا شَوْك وَ أَنْدِرَيْسَةْ. أَيْوَى، نُوحَنْ لِكُلَّ بُيُوتْ السُّرُورْ وَ مَدِينَةْ الْفَرَحْ.

إشَعْيا 32:13 Referenca të Kryqëzuara

إشَعْيا 22:2

مَالَا كُلَّ الْعَوَّةْ وَ الْحَرَكَةْ، يَا إِنْتِ حِلَّةْ الْفَرَحْ؟ مَيْتِينْكِ مَا كَتَلَوْهُمْ بِالْسَّيْف وَ مَا مَاتَوْا فِي الْحَرِبْ.

هُوشَع 9:6

حَتَّى كَانْ عَرَّدَوْا مِنْ الدَّمَارْ كُلَ، بَلَدْ مَصِرْ تَجْمَعْهُمْ وَ حِلَّةْ مَمْفِيسْ تَدْفِنْهُمْ. الشَّوْك يِسِدّ كَنْزُهُمْ هَنَا الْفُضَّةْ وَ الْحَسْكَنِيتْ يُقُمّ فِي خِيَمْهُمْ.

إشَعْيا 34:13

وَ قُصُورْهَا الْقَوِيِّينْ يُقُمّ فَوْقهُمْ شَوْك وَ مُدُنْهَا الْقَوِيِّينْ يِنْمَلُوا بِأَنْدِرَيْسَةْ وَ حَسْكَنِيتْ. وَ هِي تَبْقَى مَرْقَدْ هَنَا بَعَاشِيمْ وَ دُنْقُرْ نَعَامْ.

إشَعْيا 7:23

وَ فِي الْيَوْم دَا، الْبَكَانْ الْأَوَّلْ عِنْدَهْ 1 000 شَدَرَةْ هَنَا عِنَبْ التَّمَنَهْ 1 000 حَجَرْ فُضَّةْ، يِخَلُّوهْ فِي الشَّوْك وَ الْحَسْكَنِيتْ.

هُوشَع 10:8

وَ الْبَكَانَاتْ الْعَالِيِينْ هَنَا الْفَسَالَةْ الْيَذْنُبُوا فَوْقهُمْ بَنِي إِسْرَائِيلْ يِدَّمَّرَوْا. الْحَسْكَنِيتْ وَ الشَّوْك يُقُمُّوا فِي مَدَابِحْهُمْ. وَ النَّاسْ يُقُولُوا: «خَلِّي الْجِبَالْ يَقَعَوْا فَوْقنَا وَ خَلِّي الْحُجَارْ يَدْفُنُونَا.»

إرْمِيا 39:8

وَ الْبَابِلِيِّينْ قَمَّوْا حَرَّقَوْا قَصِرْ الْمَلِكْ وَ بُيُوتْ الشَّعَبْ فِي مَدِينَةْ الْقُدُسْ وَ رَمَوْا دُرْدُرْهَا.

إشَعْيا 6:11

وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

إشَعْيا 5:10

وَ 10 حَبِلْ هَنَا جِنَيْنَةْ عِنَبْ يَنْتِجْ إِلَّا 10 كَوْرَوْ هَنَا عَصِيرْ وَ الْيِتَيْرِبْ 100 كَوْرَوْ هَنَا قَمَحْ يَلْقَى 10 كَوْرَوْ بَسْ.»

إشَعْيا 23:7

هَلْ دِي بَسْ مَدِينِتْكُو صُورْ الْأَوَّلْ فَرْحَانَةْ وَلَّا؟ هَلْ دِي بَسْ هِي الْقَدِيمَةْ الْقَاعِدَةْ مِنْ زَمَانْ وَ أَسَّسَتْ حِلَّالْ آخَرِينْ وَلَّا؟

إشَعْيا 23:9

اللّٰهْ الْقَادِرْ بَسْ قَرَّرَهْ لِيِدَمِّرْ إِسْتِكْبَارْ النَّاسْ الْمُشَرَّفِينْ وَ يَحْقِرْ كُلَّ النَّاسْ الْعِنْدُهُمْ شَرَفْ الْقَاعِدِينْ فِي الْأَرْض.

إشَعْيا 24:11

وَ يَصْرَخَوْا فِي الشَّوَارِعْ أَشَانْ الْخَمَرْ يَبْقَى مَا فِيهْ. وَ كُلَّ الْفَرَحْ يَبْقَى مَا فِيهْ وَ السُّرُورْ يِوَدِّرْ مِنْ الْبَلَدْ.

إشَعْيا 27:10

الْمَدِينَةْ الْقَوِيَّةْ بِقَتْ مَعْزُولَةْ وَ بِقَتْ مِثِلْ الْمَرْعَى الْأَبَوْه وَ خَلَّوْه مِثِلْ كَدَادَةْ. الْعَجَّالْ يَجُوا يَسْرَحَوْا فَوْقهَا وَ يَاكُلُوا وَرَقْ شَدَرْهَا وَ يِنْجَمَّوْا فَوْقهَا.

إشَعْيا 55:13

فِي بَدَلْ الشَّدَرْ الْعِنْدَهْ شَوْك، يُقُمّ حَطَبْ السَّرْوِي. وَ فِي بَدَلْ الْحَسْكَنِيتْ، يُقُمّ نَبَاتْ الْعِنْدَهْ رِيحَةْ حَلُوَّةْ. وَ كُلَّ الْأَشْيَاءْ دَوْل يُكُونُوا فِي شَانْ أُسُمْ اللّٰهْ يَبْقَى عَالِي وَ عَلَامَةْ دَايْمَةْ الْأَبَداً مَا تِنْقَشَّ.

إرْمِيا 33:4

دَاهُو اللّٰهْ إِلٰـهْ بَنِي إِسْرَائِيلْ قَالْ كَلَامْ الْبُخُصّ بُيُوتْ الْمَدِينَةْ وَ قُصُورْ مُلُوكْ يَهُوذَا الرَّمَوْهُمْ الْحِصَارْ وَ الْحَرِبْ. هُو قَالْ:

إرْمِيا 52:27

وَ مَلِكْ بَابِلْ كَتَلَاهُمْ هِنَاكْ فِي رِبْلَةْ فِي بَلَدْ حَمَاتْ. وَ بِمِثِلْ دَا، كُلَّ نَاسْ بَلَدْ يَهُوذَا وَدَّوْهُمْ فِي الْغُرْبَةْ، بَعِيدْ مِنْ أَرْضُهُمْ.

هُوشَع 2:3

كَنْ مَا مَرَقَتْهُمْ، أَنَا نِسَلِّبْهَا وَ تَقْعُدْ عَرْيَانَةْ وَ نِخَلِّيهَا مِثِلْ وِلْدَوْهَا. نِسَوِّيهَا مِثِلْ صَحَرَاءْ وَ مِثِلْ أَرْض جَفَافْ وَ نَكْتُلْهَا بِالْعَطَشْ.