إشَعْيا 32:11 - الكتاب المقدس بالعربي الدارجي هنا تشاد

¹¹ بَرْجِلَنْ، يَا الْمُنْجَمَّاتْ! أَرْجِفَنْ، يَا الْقَاعِدَاتْ بِأَمَانْ! أَسَّلَّبَنْ وَ أَقْعُدَنْ عَرْيَانَاتْ وَ أَرْبُطَنْ فِرَادْ فِي صَلَبَاكَنْ.

إشَعْيا 32:11 Referenca të Kryqëzuara

إشَعْيا 3:24

بَدَلْ الْعِطِرْ، تِنْشَمَّ فَوْقهِنْ الْعَفَنَةْ وَ بَدَلْ الْكَرَّابْ، يَرْبُطَنْ حَبِلْ. بَدَلْ الْمُشَاطْ، يِزَّيَّنَنْ وَ بَدَلْ الْخَلَقْ السَّمَحْ، يَلْبَسَنْ شُوَالْ وَ بَدَلْ الْجَمَالْ، وُجُوهِّنْ يَحْرَقَنْ.

يَعْقُوب 5:5

فِي الدُّنْيَا عِشْتُوا فِي الْحَلَا وَ فِي الرَّاحَةْ. إِنْتُو سِمِنْتُوا مِثِلْ الْبَقَرْ الْيِسَمُّنُوهُمْ لِلْجُزُرْ.

هُوشَع 2:3

كَنْ مَا مَرَقَتْهُمْ، أَنَا نِسَلِّبْهَا وَ تَقْعُدْ عَرْيَانَةْ وَ نِخَلِّيهَا مِثِلْ وِلْدَوْهَا. نِسَوِّيهَا مِثِلْ صَحَرَاءْ وَ مِثِلْ أَرْض جَفَافْ وَ نَكْتُلْهَا بِالْعَطَشْ.

إرْمِيا 49:3

يَا نَاسْ مَدِينَةْ حَشْبُونْ، أَحْزَنَوْا أَشَانْ حِلَّةْ عَايْ أَدَّمَّرَتْ! يَا سُكَّانْ حِلَّالْ رَبَّةْ، أَبْكُوا! أَلْبَسَوْا خُلْقَانْ الْحِزِنْ وَ نُوحُوا! وَ أَجْرُوا جَايْ وَ جَايْ فِي لُبّ الدُّرْدُرْ. أَشَانْ صَنَمْكُو مُولَكْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

إرْمِيا 6:26

يَا أُمَّتِي الْمِثِلْ بِنْت أَمِّي، أَلْبَسَيْ خَلَقْ الْحِزِنْ وَ أَلْمَرْمَغَيْ فِي الرُّمَادْ. وَ أَحْزَنَيْ حِزِنْ شَدِيدْ مِثِلْ حِزِنْ أَمّ الْفَرِيدْ وَ نُوحِي نُوَاحْ شَدِيدْ أَشَانْ الْمُخَرِّبْ يَجِينَا بِغَفْلَةْ.

إرْمِيا 4:8

وَ بِسَبَبْ دَا، أَلْبَسَوْا خُلْقَانْ الْحِزِنْ وَ أَبْكُوا وَ نُوحُوا. أَشَانْ غَضَبْ اللّٰهْ الْمُحْرِقْ مَا يِقَبِّلْ مِنْكُو.

إشَعْيا 33:14

وَ فِي صَهْيُون الْمُذْنِبِينْ رَجَفَوْا وَ الْكُفَّارْ أَنْبَهَتَوْا وَ يُقُولُوا: «يَاتُو مِنِّنَا يَقْدَرْ يَقْعُدْ فِي النَّارْ التَّحْرِقْ؟ وَ يَاتُو يَقْدَرْ يَقْعُدْ فِي الْجَمُرْ الدَّايِمْ؟»

إشَعْيا 20:4

وَ مِثِلْ دَا، مَلِكْ أَشُورْ يِشِيلْ صُبْيَانْ وَ شِيَّابْ مِنْ مَصِرْ وَ الْحَبَشَةْ وَ يِوَدِّيهُمْ مَسَاجِينْ فِي الْغُرْبَةْ. وَ النَّاسْ دَوْل يِوَدِّيهُمْ عَرْيَانِينْ وَ حَفْيَانِينْ وَ جَعَبَاتْهُمْ بَرَّا. وَ دَا عَيْب لِمَصِرْ.

إشَعْيا 15:3

وَ فِي الشَّوَارِعْ، لَابْسِينْ خُلْقَانْ الْحِزِنْ وَ فِي رُوسَيْ الْبُيُوتْ وَ النَّقَعَاتْ، كُلُّهُمْ يُنُوحُوا وَ يَبْكُوا بِحِزِنْ.

إشَعْيا 2:21

وَ النَّاسْ يَدْخُلُوا فِي كَرَاكِيرْ الْجِبَالْ وَ شُقُوقْ الْحَجَرْ مِنْ خَوْف اللّٰهْ الشَّدِيدْ وَ نُورْ مَجْدَهْ وَكِتْ يُقُمّ يِرَجِّفْ الْأَرْض.

إشَعْيا 2:19

خَلِّي يَدْخُلُوا فِي كَرَاكِيرْ الْجِبَالْ وَ يِلَّبَّدَوْا فِي النُّقَارْ مِنْ خَوْف اللّٰهْ الشَّدِيدْ وَ نُورْ مَجْدَهْ وَكِتْ يُقُمّ يِرَجِّفْ الْأَرْض.

تَثْنِية 28:48

إِنْتُو تَبْقَوْا عَبِيدْ. أَيْوَى، تَبْقَوْا عَبِيدْ لِعُدْوَانْكُو الْيِجِيبْهُمْ لَيْكُو اللّٰهْ فِي أُسْط الْجُوعْ وَ الْعَطَشْ وَ الْعِرَيْ وَ مُقَصِّرِينْ مِنْ كُلَّ شَيّءْ. وَ اللّٰهْ يُخُطّ فَوْقكُو دَامِي هَنَا حَدِيدْ فِي رِقَابْكُو لَحَدِّي يِدَمِّرْكُو.

زَبُور 123:4

وَ مِنْ شَمَاتَةْ الْحَقَّارِينْ، شِبِعْنَا زِيَادَةْ وَ حُقْرَةْ الْمُسْتَكْبِرِينْ تَمَّتْنَا.

إشَعْيا 22:12

وَ دَا الْيَوْم الْفَوْقَهْ اللّٰهْ الرَّبّ الْقَادِرْ نَادَاكُو لِتَبْكُوا وَ تُنُوحُوا وَ لِتِزَيُّنُوا رُوسَيْكُو وَ تَلْبَسَوْا خُلْقَانْ التَّوْبَةْ.

إشَعْيا 47:8

وَ هَسَّعْ دَا أَسْمَعَيْ، يَا إِنْتِ التِّحِبِّي الرُّجَالْ! إِنْتِ قَاعِدَةْ بِأَمَانْ وَ تُقُولِي فِي قَلِبْكِ: ‹أَنَا بَسْ قَاعِدَةْ، مَا فِي شَيّءْ بَلَايِ! أَبَداً مَا نَبْقَى أَرْمَلَةْ وَ لَا نِوَدِّرْ عِيَالِي.›

عَمُوس 4:12

«وَ دَا كُلَّ نِسَوِّيهْ فَوْقكُو، يَا بَنِي إِسْرَائِيلْ، وَ مِثِلْ دَا بَسْ، نِسَوِّيهْ فَوْقكُو. جَهُّزُوا نُفُوسْكُو لِمُقَابَلَتِي أَنَا إِلٰـهْكُو، يَا بَنِي إِسْرَائِيلْ!»

صَفَنْيا 2:15

وَ أَوَّلْ، دِي مَدِينَةْ الْفَرَحْ الْقَاعِدَةْ بِأَمَانْ. وَ هِي قَالَتْ فِي نَفِسْهَا: «أَنَا بَسْ الْجَمِيلَةْ وَ مَا فِي بَلَايِ.» هَسَّعْ شِيفُوا! هِي بِقَتْ خَرَابْ وَ مَرْقَدْ حَيْوَانَاتْ. أَيِّ وَاحِدْ الْيُفُوتْ جَنْبَهَا يِصَفِّرْ وَ يِهِزّ رَاسَهْ مِنْ الْعَجَبْ.

خُروج 33:4

وَ وَكِتْ الشَّعَبْ سِمْعَوْا الْكَلَامْ دَا، بِقِي لَيْهُمْ قَاسِي وَ قَمَّوْا يَبْكُوا وَ نَادُمْ مِنْهُمْ لِبِسْ زِينْتَهْ كُلَ مَا فِيهْ.

يُوِيل 1:8

أَبْكُوا مِثِلْ مَرَةْ صَبِيَّةْ الرَّبَطَتْ شُوَالْ مِثِلْ فَرْدَةْ مِنْ الْحِزِنْ أَشَانْ تَبْكِي لِرَاجِلْهَا هَنَا شَبَابْهَا.