إشَعْيا 32:10 - الكتاب المقدس بالعربي الدارجي هنا تشاد

¹⁰ بَعَدْ سَنَةْ وَ أَيَّامْ، تَرْجِفَنْ، يَا الْقَاعِدَاتْ بِأَمَانْ. أَشَانْ قَطِعْ الْعِنَبْ يَبْقَى مَا فِيهْ بَتَّانْ مَا فِي لَمِّينْ هَنَا مَعَاشْ.

إشَعْيا 32:10 Referenca të Kryqëzuara

إرْمِيا 8:13

وَ دَاهُو كَلَامْ اللّٰهْ: «أَنَا دَوَّرْت نَلْقَى فِي بَكَانْهُمْ إِنْتَاجْ الْأَرْض وَ لَاكِنْ شَدَرْ الْعِنَبْ مَا عِنْدَهْ عِيَالْ وَ التِّينْ كُلَ مَا وِلِدْ وَ الْوَرْشَالْ كُلَ يِبِسْ. وَ خَلَاصْ، أَنَا خَلَّيْتهُمْ لِنَاسْ آخَرِينْ.»

إشَعْيا 7:23

وَ فِي الْيَوْم دَا، الْبَكَانْ الْأَوَّلْ عِنْدَهْ 1 000 شَدَرَةْ هَنَا عِنَبْ التَّمَنَهْ 1 000 حَجَرْ فُضَّةْ، يِخَلُّوهْ فِي الشَّوْك وَ الْحَسْكَنِيتْ.

صَفَنْيا 1:13

وَ خَلَاصْ، غُنَاهُمْ يَبْقَى غَنِيمَةْ وَ بُيُوتْهُمْ يَبْقَوْا خَرَابْ. هُمَّنْ يَبْنُوا بُيُوتْ وَ لَاكِنْ مَا يَسْكُنُوا فَوْقهُمْ. وَ يِمَقُّنُوا جِنَيْنَاتْ عِنَبْ وَ لَاكِنْ مَا يَشَرْبَوْا مِنْ خَمَرْهُمْ.»

حَبَقُوق 3:17

حَتَّى كَانْ التِّينْ مَا يِنَوِّرْ وَ شَدَرْ الْعِنَبْ مَا يَلْدَ وَ الزَّيْتُونْ مَا يُقُمّ وَ الزَّرَعْ مَا يِقَوِّمْ مَعَاشْ وَ الْغَنَمْ يَبْقَوْا مَا فِيهُمْ فِي الزَّرِيبَةْ وَ الْبَقَرْ يَبْقَوْا مَا فِيهُمْ فِي الدَّوْر،

يُوِيل 1:12

وَ جِنَيْنَاتْ الْعِنَبْ يِبْسَوْا وَ شَدَرْ التِّينْ جَفَّ. وَ كُلَّ شَدَرْ الْيَنْطِي عِيَالْ يِبِسْ أَيْوَى، الرُّمَّانْ وَ النَّخَلْ وَ التُّفَّاحْ. وَ الْفَرَحْ وَدَّرْ مِنْ قُلُوبْ النَّاسْ.

يُوِيل 1:7

وَ هُمَّنْ دَمَّرَوْا جِنَيْنَةْ عِنَبِي وَ كَسَّرَوْا شَدَرْ تِينِي. وَ مَرَقَوْا قِرْفَهْ وَ رَمَوْه وَ يَبَّسَوْا فُرُوعَهْ.

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

هُوشَع 2:12

وَ نَخْرِبْ جِنَيْنَاتْ عِنَبْهَا وَ شَدَرْ تِينْهَا الْبِسَبَبْهُمْ هِي قَالَتْ: ‹دَوْل هَدَايَا الْأَنْطَوْهُمْ لَيِّ صُدْقَانِي.› أَنَا نِسَوِّيهُمْ كَدَادَةْ الْيَرْتَعَوْا فَوْقهَا الْحَيْوَانَاتْ.

إشَعْيا 16:10

وَ الْفَرْحَةْ وَ السُّرُورْ بِقَوْا مَا فِيهُمْ وَ فِي جِنَيْنَاتْ الْعِنَبْ، مَا فِي زَغْرَاطْ وَ لَا فَرْحَةْ. وَ الْيَقْطَعْ الْعِنَبْ مَا يَعَصِرَهْ فِي الْعَصَّارَةْ وَ غِنَيْ الْفَرَحْ بِقِي مَا فِيهْ.

يُوِيل 1:5

يَا السَّكَّارَى، قُمُّوا وَ أَبْكُوا! يَا شَرَّابِينْ الْخَمَرْ، أَبْكُوا بِحِزِنْ أَشَانْ الْخَمَرْ أَنْقَطَعْ مِنْكُو.