إشَعْيا 30:7 - الكتاب المقدس بالعربي الدارجي هنا تشاد

⁷ أَشَانْ فَزَعْ مَصِرْ مِثِلْ الرِّيحْ الْمَا عِنْدَهَا فَايْدَةْ وَ فِي شَانْ دَا، أَنَا نَادَيْتهَا رَهَبْ الْغُولْ الْمَا خَطِيرْ.»

إشَعْيا 30:7 Referenca të Kryqëzuara

إشَعْيا 2:22

خَلِّي مَا تِتْوَكَّلَوْا عَلَيْ الْإِنْسَانْ، هُو مَا عِنْدَهْ شَيّءْ إِلَّا النَّفَسْ الْفَوْقَهْ وَ مَا عِنْدَهْ قِيمَةْ.

هُوشَع 5:13

نَاسْ أَفْرَايِمْ شَافَوْا مَرَضْهُمْ وَ بَنِي يَهُوذَا شَافَوْا عُوَارْهُمْ. وَ دَوَّرَوْا مُسَاعَدَةْ مِنْ بَلَدْ أَشُورْ وَ رَسَّلَوْا نَاسْ لِلْمَلِكْ الْكَبِيرْ. لَاكِنْ الْمَلِكْ دَا مَا يَقْدَرْ يَشْفِيهُمْ وَ مَا يَقْدَرْ يِدَاوِي عُوَارْهُمْ.

مَراثِي إرْمِيا 3:26

وَ دَا سَمَحْ كَنْ تَرْجَى بِهُدُوءْ وَ تُخُطّ عَشَمَكْ فِي النَّجَاةْ الْجَايَةْ مِنْ اللّٰهْ.

إشَعْيا 7:4

وَ قُولْ لَيَّهْ: ‹أَقْعُدْ سَاكِتْ مَا تَخَافْ! وَ خَلِّي قَلْبَكْ مَا يِبَرْجِلْ فِي شَانْ الزَّعَلْ الشَّدِيدْ هَنَا رَصِينْ مَلِكْ أَرَامْ وَ وِلَيْد رَمَلْيَا. أَشَانْ هُمَّنْ مِثِلْ مَشَاهِيبْ إِتْنَيْن الْقَاعِدِينْ يِدَخُّنُوا.

خُروج 14:13

وَ لَاكِنْ مُوسَى رَدَّ لَيْهُمْ وَ قَالْ: «مَا تَخَافَوْا! أَقْعُدُوا بَكَانْ وَاحِدْ وَ شِيفُوا كِكَّيْف الْيَوْم اللّٰهْ يِنَجِّيكُو! الْمَصْرِيِّينْ الْإِنْتُو قَاعِدِينْ تِشِيفُوهُمْ الْيَوْم، أَبَداً مَا تِشِيفُوهُمْ!

إرْمِيا 37:7

«حَجِّي لِلْمُرَسَّلِينْ دَوْل وَ قُولْ لَيْهُمْ: ‹دَاهُو اللّٰهْ إِلٰـهْ بَنِي إِسْرَائِيلْ قَالْ: أَمْشُوا لِمَلِكْ يَهُوذَا الرَّسَّلَاكُو لَيِّ لِتَسْأَلَوْنِي. وَ قُولُوا لَيَّهْ: ”دَاهُو دَيْش فِرْعَوْن الْمَرَقْ لِيَفْزَعْكُو يِقَبِّلْ فِي بَلَدَهْ مَصِرْ.

إشَعْيا 51:9

قُمّ! قُمّ فَوْق! وَ أَبْقَى قَوِي! يَا دُرَاعْ اللّٰهْ! قُمّ مِثِلْ فِي الْأَيَّامْ الزَّمَانْ وَ فِي وَكِتْ الذُّرِّيَّاتْ الْفَاتَوْا! مَا إِنْتَ بَسْ الشَّتَّتْ مَصِرْ وَ طَعَنْت الْغُولْ؟

إشَعْيا 30:15

أَشَانْ دَاهُو اللّٰهْ الرَّبّ قُدُّوسْ إِسْرَائِيلْ قَالْ: «كَنْ تُبْتُوا وَ أَنْجَمَّيْتُوا، تَلْقَوْا النَّجَاةْ وَ كَنْ قَعَدْتُوا بِهُدُوءْ وَ آمَنْتُوا، تَلْقَوْا الْقُدْرَةْ. وَ لَاكِنْ إِنْتُو أَبَيْتُوا

إشَعْيا 28:12

هُو قَالْ لَيْهُمْ: «دَاهُو بَكَانْ الْجُمَّةْ، جُمُّوا الْعَيَّانْ! وَ دَاهُو بَكَانْ الرَّاحَةْ!» وَ لَاكِنْ هُمَّنْ مَا دَوَّرَوْا يَسْمَعَوْه.

أيُّوب 9:13

غَضَبْ الرَّبّ مَا بِلْقَبَّلْ وَ الْيِسَاعُدُوا رَهَبْ غُولْ الْبَحَرْ كُلَ، يِدَنْقُرُوا لَيَّهْ.

زَبُور 87:4

نَاسْ مِنْ مَصِرْ وَ بَابِلْ وَ الْفِلِسْطِيِّينْ وَ نَاسْ مِنْ صُورْ وَ الْحَبَشَةْ، أَنَا نَحْسِبْهُمْ فِي أُسْط النَّاسْ الْيَعَرْفُونِي. هُمَّنْ دَوْل وِلْدَوْهُمْ هِنِي فِي صَهْيُون.

زَبُور 89:10

إِنْتَ كَتَلْت رَهَبْ غُولْ الْبَحَرْ وَ رِحِكْت جَنَازْتَهْ وَ شَتَّتْ عُدْوَانَكْ بِقُوَّةْ إِيدَكْ.

إشَعْيا 10:3

إِنْتُو تِسَوُّوا شُنُو فِي يَوْم الْعِقَابْ، وَكِتْ الْهَلَاكْ يَجِي لَيْكُو مِنْ بَعِيدْ؟ لِيَاتُو تَجْرُوا وَ مِنْ يَاتُو تَلْقَوْا الْفَزَعْ؟ وَ وَيْن تُضُمُّوا غُنَاكُو؟

إشَعْيا 20:6

وَ فِي الْيَوْم دَا، سُكَّانْ خَشُمْ الْبَحَرْ يُقُولُوا: ‹شِيفُوا! خَطَّيْنَا عَشَمْنَا فَوْقهُمْ لِيَفْزَعَوْنَا وَ يِنَجُّونَا مِنْ مَلِكْ أَشُورْ. وَ هَسَّعْ دَا، كِكَّيْف أَنِحْنَ نِنَجُّوا نُفُوسْنَا؟›»

إشَعْيا 30:5

وَ لَاكِنْ الْعَيْب يَجِي لِكُلَّ النَّاسْ فِي شَانْ الشَّعَبْ الْمَا يِسَاعِدْهُمْ. الْمَصْرِيِّينْ مَا جِيبُوا وَ لَا فَزَعْ وَ لَا مُسَاعَدَةْ وَ لَاكِنْ يِجِيبُوا لَيْهُمْ الْعَيْب وَ الْإِهَانَةْ.»

إشَعْيا 36:9

وَ كِكَّيْف إِنْتَ تَقْدَرْ تِنَّصِرْ فِي مَسْؤُولْ وَاحِدْ صَغَيَّرْ مِنْ خَدَّامِينْ سِيدِي؟ إِنْتَ تِتْوَكَّلْ عَلَيْ مَصِرْ لِتَلْقَى عَرَبَاتْ حَرِبْ وَ سِيَادْ خَيْل وَلَّا؟

أمْثال 25:19

أَمَانْ الْخَايِنْ فِي يَوْم الضِّيقَةْ هُو مِثِلْ سِنّ الْمُشْقُوقَةْ وَ الرِّجِلْ الْمَكْسُورَةْ.