إشَعْيا 3:8 - الكتاب المقدس بالعربي الدارجي هنا تشاد

⁸ مَدِينَةْ الْقُدُسْ تِتَّرْتَعْ وَ بَلَدْ يَهُوذَا تَقَعْ. أَشَانْ هُمَّنْ أَتْمَرَّدَوْا ضِدّ اللّٰهْ بِكَلَامْهُمْ وَ عَمَلْهُمْ وَ أَبَوْا مَجْدَهْ.

إشَعْيا 3:8 Referenca të Kryqëzuara

1 كُرُنْتُس 10:22

وَلَّا نِدَوْرُوا نِزَعُّلُوا رَبِّنَا؟ لَا! أَنِحْنَ قَادْرِينْ مِنَّهْ هُو وَلَّا؟ لَا!

هُوشَع 7:16

هُمَّنْ يِقَبُّلُوا وَ لَاكِنْ مَا عَلَيِّ أَنَا اللّٰهْ الْعَالِي. هُمَّنْ مِثِلْ نُبَّالْ أَعْوَجْ وَ كُبَارَاتْهُمْ يُمُوتُوا بِالْسَّيْف بِسَبَبْ لِسَانْهُمْ الطَّرِينْ ضِدِّي. وَ دَاهُو فِي بَلَدْ مَصِرْ، النَّاسْ يِشَّمَّتَوْا فَوْقهُمْ.»

يَهُوذَا 1:15

أَشَانْ يِشَارِعْ كُلَّ النَّاسْ وَ يِعَاقِبْ كُلَّ الْفَسْلِينْ فِي أَيِّ فَسَالَةْ السَّوَّوْهَا. وَ هُو يِعَاقِبْ الْمُذْنِبِينْ الْفَسْلِينْ فِي أَيِّ كَلَامْ الْفَسِلْ الْحَجَّوْه فِي اللّٰهْ.»

حَبَقُوق 1:13

وَ لَاكِنْ إِنْتَ قُدُّوسْ! مَا تَقْدَرْ تِشِيفْ الشَّرّ وَ لَا تَحْمَلْ تِشِيفْ التَّعَبْ يَجِي فِي شَعَبَكْ. وَ مَالَا إِنْتَ تِشِيفْ الْخَايْنِينْ دَوْل؟ وَ مَالَا تَسْكُتْ وَكِتْ الشَّرِيرْ يَزْرُطْ الصَّالِحْ الْهُو أَخَيْر مِنَّهْ؟

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

حِزْقِيال 8:12

وَ هُو قَالْ لَيِّ: «يَا إِبْن آدَمْ، إِنْتَ شِفْت الشَّيّءْ الْقَاعِدِينْ يِسَوُّوهْ شُيُوخْ بَنِي إِسْرَائِيلْ فِي الضَّلَامْ، أَيِّ وَاحِدْ قِدَّامْ صَنَمَهْ وَلَّا؟ وَ بُقُولُوا: ‹اللّٰهْ مَا يَقْدَرْ يِشِيفْنَا! اللّٰهْ خَلَّى بَلَدْنَا!›»

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

إشَعْيا 57:4

تِشَّمَّتَوْا لِيَاتُو؟ ضِدّ يَاتُو تَفْتَحَوْا خُشُومْكُو وَ تَبُرْطُوا شَلَالِيفْكُو؟ إِنْتُو مَا عِيَالْ الْعَاصِيِينْ وَ ذُرِّيَّةْ الْكَدَّابِينْ وَلَّا؟

إشَعْيا 9:17

وَ فِي شَانْ دَا، الرَّبّ مَا يَفْرَحْ بِصُبْيَانْهُمْ وَ مَا يِحِنّ فِي أَتَامَاهُمْ وَ أَرَامِلْهُمْ. أَشَانْ هُمَّنْ كُلُّهُمْ كُفَّارْ وَ فَسْلِينْ وَ كُلَّ خُشُومْهُمْ يِكَلُّمُوا بِكَلَامْ الطَّمَاسَةْ. وَ بَيْدَا كُلَ، زَعَلَهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

إشَعْيا 1:7

بَلَدْكُو خِرْبَتْ وَ مُدُنْكُو حِرْقَوْا. الْأَجَانِبْ يَاكُلُوا إِنْتَاجْ أَرْضُكُو قِدَّامْكُو. هِي خِرْبَتْ وَ الْأَجَانِبْ دَمَّرَوْهَا.

2 أخبار 33:11

وَ فِي شَانْ دَا، اللّٰهْ قَوَّمْ ضِدُّهُمْ قُيَّادْ عَسْكَرْ مَلِكْ بَلَدْ أَشُورْ. وَ كَرَبَوْه لِمَنَسَّى وَ دَسَّوْا لَيَّهْ حَدِيدْ مُكَنْجَرْ وَ رَبَطَوْه بِجِنْزِيرْ هَنَا نَحَاسْ مَطْبُوقْ وَ وَدَّوْه بَابِلْ.

2 أخبار 28:18

وَ فِي نَفْس الْوَكِتْ، الْفِلِسْطِيِّينْ كُلَ جَوْا هَجَمَوْا سَهَلَةْ شَفِيلَةْ وَ مَنْطَقَةْ الْجُنُوبْ هَنَا بَلَدْ يَهُوذَا. وَ هُمَّنْ شَالَوْا حِلَّالْ بَيْت شَمْس وَ أَيَّلُونْ وَ قَدِيرُوتْ. وَ بَتَّانْ شَالَوْا حِلَّالْ سُوكُو وَ تِمْنَةْ وَ قِمْزُو وَ الْحِلَّالْ التَّابْعِينْ لَيْهُمْ. وَ سَكَنَوْا فِي كُلَّ الْحِلَّالْ دَوْل.

إشَعْيا 6:11

وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

إشَعْيا 49:19

أَيْوَى، بَكَانَاتْ بَلَدْكِ خِرْبَوْا وَ أَلْهَدَّمَوْا وَ أَدَّمَّرَوْا. وَ هَسَّعْ، إِنْتِ تَبْقَيْ ضَيْقَةْ لِسُكَّانْكِ وَ الدَّمَّرَوْكِ يِبَعُّدُوا مِنْكِ.

إشَعْيا 59:3

أَشَانْ إِيدَيْكُو مُلَطَّخِينْ بِالدَّمّ وَ أَصَابِعْكُو بِالْخَطَا. خُشُومْكُو يِكَلُّمُوا بِالْكِدِبْ وَ لِسْنَيْكُو يِخَالُوا بِالْغَشّ.

إرْمِيا 4:13

وَ الشَّعَبْ قَالَوْا: «دَاهُو الْعَدُو جَايِ مِثِلْ السَّحَابْ الشَّايِلْ وَ عَرَبَاتْهُمْ هَنَا الْحَرِبْ مِثِلْ رِيحْ أَمْ زَوْبَعَانَةْ وَ خَيْلهُمْ سَرِيعِينْ زِيَادَةْ مِنْ الصُّقُورَةْ. يَا خَسَارِتْنَا! أَنِحْنَ أَدَّمَّرْنَا!»

إرْمِيا 44:3

وَ دَا بِسَبَبْ الْفَسَالَةْ الْهُمَّنْ سَوَّوْهَا. غَضَّبَوْنِي وَكِتْ حَرَّقَوْا بَخُورْ وَ عَبَدَوْا إِلٰـهَاتْ آخَرِينْ الْأَوَّلْ مَا يَعَرْفُوهُمْ وَ لَا هُمَّنْ وَ لَا إِنْتُو وَ لَا جُدُودْكُو.

مَراثِي إرْمِيا 1:9

وَ بِنَجَاسِتْهَا فِي سُرْوَالْهَا، هِي مَا فَكَّرَتْ فِي مُسْتَقْبَلْهَا. وَ وَقَعَانْهَا بِقِي عَجِيبْ وَ مَا فِي نَادُمْ الْيِصَبِّرْهَا. وَ مَدِينَةْ الْقُدُسْ قَالَتْ: «يَا اللّٰهْ، شِيفْ تَعَبِي أَشَانْ الْعَدُو أَنَّصَرْ فَوْقِي!»

مِيخا 6:12

فِي الْمَدِينَةْ، فِيَّهْ نَاسْ غَنِيِّينْ مَلَانِينْ بِالْعُنُفْ. وَ سُكَّانْهَا يِحَجُّوا بِالْكِدِبْ وَ لِسَانْهُمْ يِكَلِّمْ بِالْغَشّ.

أمْثال 26:27

الْيَنْكُتْ نُقْرَةْ يَقَعْ فَوْقهَا وَ الْحَجَرْ يِقَبِّلْ يَرْحَكْ الْيِدَرْدِقَهْ.

إرْمِيا 23:36

وَ لَاكِنْ أَبَداً مَا تَشْكُوا وَ تُقُولُوا: ‹تَقَلَةْ اللّٰهْ فَوْقنَا.› وَ هَلْ كَلَامْ اللّٰهْ تَقِيلْ لِلنَّاسْ وَلَّا؟ لَا! إِنْتُو بَسْ قَاعِدِينْ تِغَيُّرُوا كَلَامْ الْإِلٰـهْ الْحَيّ، اللّٰهْ الْقَادِرْ، إِلٰـهْنَا.

هُوشَع 5:5

إِسْتِكْبَارْ بَنِي إِسْرَائِيلْ يَشْهَدْ فَوْقهُمْ. بَنِي إِسْرَائِيلْ وَ نَاسْ أَفْرَايِمْ يِتَّرْتَعَوْا فِي شَانْ خَطَاهُمْ وَ بَنِي يَهُوذَا كُلَ يِتَّرْتَعَوْا مَعَاهُمْ.