إشَعْيا 3:14 - الكتاب المقدس بالعربي الدارجي هنا تشاد

¹⁴ اللّٰهْ يِحَاكِمْ كُبَارَاتْ شَعَبَهْ وَ مَسَائِيلْهُمْ. وَ يُقُولْ: «إِنْتُو دَمَّرْتُوا جِنَيْنَاتْ الْعِنَبْ! وَ الْخُمَامْ السَّرَقْتُوهْ مِنْ الْمَسَاكِينْ قَاعِدْ فِي بُيُوتْكُو.

إشَعْيا 3:14 Referenca të Kryqëzuara

أيُّوب 22:4

هَلْ بِسَبَبْ تَقْوَاكْ، هُو يِشَارِعَكْ وَ يِعَاقِبَكْ وَلَّا؟

يَعْقُوب 2:6

لَاكِنْ إِنْتُو حَقَرْتُوا الْمِسْكِينْ دَا. يَاتُمَّنْ الْيَظُلْمُوكُو؟ يَاتُمَّنْ الْيَكُرْبُوكُو وَ يَتْهَمَوْكُو قِدَّامْ الشَّرِيعَةْ؟ مَا سِيَادْ الْمَالْ وَلَّا؟

عَمُوس 4:1

أَسْمَعَنْ، يَا الْعَوِينْ الْقَاعِدَاتْ فِي جِبَالْ مَدِينَةْ السَّامِرَةْ! إِنْتَنْ مِثِلْ بَقَرْ الْيَسْرَحَوْا فِي مَرْعَى بَاشَانْ. إِنْتَنْ تَظُلْمَنْ الْمَسَاكِينْ وَ تِتَعِّبَنْ الْفَقْرَانِينْ. وَ تَامُرَنْ سِيَادْ بُيُوتْكَنْ وَ تُقُولَنْ: «جِيبْ لَيِّ نَشْرَبْ!»

إرْمِيا 5:27

وَ بُيُوتْهُمْ مَلَانِينْ بِمَالْ الْغَشّ مِثِلْ كُرْبَوْ مَلَانْ جِدَادْ. وَ بَيْدَا، بِقَوْا كُبَارَاتْ وَ غَنِيِّينْ.

إشَعْيا 5:7

أَشَانْ جِنَيْنَةْ اللّٰهْ الْقَادِرْ، هِي ذُرِّيَّةْ بَنِي إِسْرَائِيلْ. وَ نَاسْ يَهُوذَا، هُمَّنْ مَقَنْ الْهُو يِحِبَّهْ. بِعَشَمْ هُو يَرْجَى مِنْهُمْ الْعَدَالَةْ وَ لَاكِنْ لِقِي الظُّلُمْ. هُو يَرْجَى مِنْهُمْ الصَّلَاحْ وَ لَاكِنْ سِمِعْ صِرَاخْ الْمَظْلُومْ.

زَبُور 143:2

مَا تِوَدِّينِي أَنَا عَبْدَكْ فِي الشَّرِيعَةْ أَشَانْ مَا فِي مَخْلُوقْ حَيّ صَالِحْ قِدَّامَكْ.

زَبُور 14:4

الْيِسَوُّوا الظُّلُمْ مَا عِنْدُهُمْ الْمَعْرَفَةْ وَلَّا؟ هُمَّنْ يَاكُلُوا شَعَبِي مِثِلْ يَاكُلُوا الْخُبْزَةْ وَ مَا يَشْحَدَوْا اللّٰهْ.

أيُّوب 24:9

وَ الْعَاصِيِينْ يَقْلَعَوْا الْأَتِيمْ بِقُوءْ مِنْ أَمَّهْ وَ يَكُرْبُوا ضَمَانْ مِنْ الْفَقْرَانِينْ.

مَتَّى 21:33

«أَسْمَعَوْا، نُقُولْ لَيْكُو مَثَلْ آخَرْ. نَادُمْ وَاحِدْ سِيدْ الْمَالْ مَقَّنْ عِنَبْ فِي جِنَيْنَةْ وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ.

مِيخا 6:10

فِي مَالْ هَوَانْ قَاعِدْ فِي بَيْت الْعَاصِي. نَاسْ يِسْتَعْمَلَوْا مِكْيَالْ مَغْشُوشْ الْيِغَضِّبْنِي. هَلْ نِقَصِّدْ بِالْحَرَامْ دَا وَلَّا؟

مِيخا 2:2

هُمَّنْ يَطْمَعَوْا فِي زِرَاعَةْ الْآخَرِينْ وَ يَقْلَعَوْهُمْ وَ يِتْمَنَّوْا الْبُيُوتْ وَ يِشِيلُوهُمْ. يَظُلْمُوا النَّاسْ وَ عَايِلَاتْهُمْ وَ رُجَالْ وَ وَرَثَتْهُمْ.

أيُّوب 34:23

وَ الرَّبّ مَا مُحْتَاجْ لِيِنَادِي النَّاسْ لِمُحَاكَمَةْ خَاصَّةْ.

أيُّوب 24:14

وَ الْكَاتِلْ يُقُمّ فِي وَكْت الشَّقَاقْ يَكْتُلْ الْمِسْكِينْ وَ الْفَقْرَانْ وَ يَسْرِقْ بِاللَّيْل.

زَبُور 10:9

هُو كَارِسْ فِي بَكَانْ طَرَفْ مِثِلْ دُودْ فِي نُقُرْتَهْ. هُو كَارِسْ لِيِغَفِّلْ الْمِسْكِينْ وَ يَكْرُبْ الْمِسْكِينْ وَ يَرْمِيهْ فِي شَرَكَهْ.

أمْثال 30:14

فِي نَاسْ وَاحِدِينْ فَوَاطِرْهُمْ مِثِلْ الْمَقَصّ وَ دُرْوسْهُمْ مِثِلْ السَّكَاكِينْ لِيِوَدُّرُوا الْمَسَاكِينْ مِنْ الْأَرْض وَ يِكَمُّلُوا الضَّعِيفِينْ مِنْ أُسْط النَّاسْ.

إشَعْيا 10:1

الْعَذَابْ لِلْيِقَرُّرُوا شُرُوطْ هَنَا فَسَالَةْ وَ يَكْتُبُوا قَوَانِينْ هَنَا تَعَبْ!

إشَعْيا 10:2

هُمَّنْ يَدْحَرَوْا الْمِسْكِينْ مِنْ الشَّرِيعَةْ وَ يَقْلَعَوْا الْحَقّ مِنْ فَقْرَانْ شَعَبِي. وَ يَكْسَبَوْا الْأَرَامِلْ وَ يَنْهَبَوْا الْأَتَامَا.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

إشَعْيا 14:30

وَ أَوْلَادْ الْبِكِرْ هَنَا الْفَقْرَانِينْ يَلْقَوْا مَعَاشْهُمْ وَ الْمَسَاكِينْ يَرُقْدُوا بِأَمَانْ. وَ لَاكِنْ إِنْتُو، يَا الْفِلِسْطِيِّينْ، نَكْتُلْكُو بِالْجُوعْ وَ الْفَضَّلَوْا مِنْكُو، نِدَمِّرْهُمْ.

إشَعْيا 26:6

وَ هِي يِفَجُّقُوهَا بِالرِّجْلَيْ تِحِتْ رِجْلَيْ الْمَسَاكِينْ وَ تِحِتْ قَدَمْ الضَّعِيفِينْ.»

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

إشَعْيا 30:12

وَ فِي شَانْ دَا، دَاهُو كَلَامْ قُدُّوسْ إِسْرَائِيلْ: «إِنْتُو أَبَيْتُوا الْكَلَامْ دَا وَ أَتْوَكَّلْتُوا عَلَيْ الْمُضَايِقْ وَ الْمُفْسِدْ وَ أَرَّكَّزْتُوا فَوْقَهْ.

إشَعْيا 58:4

وَ دَاهُو الشَّيّءْ الْإِنْتُو قَاعِدِينْ تِسَوُّوهْ فِي صِيَامْكُو. إِنْتُو تِهَارُجُوا وَ تِسَوُّوا مَشَاكِلْ وَ تَضُرْبُوا أَمْ دَرْدُومْ بِظُلُمْ. وَ فِي يَوْم هَنَا صِيَامْ مِثِلْ دَا، صَلَاتْكُو دِي، أَنَا مَا نَسْمَعْهَا.

حِزْقِيال 18:12

هُو يِضَايِقْ الْمِسْكِينْ وَ الضَّعِيفْ وَ يَسْرِقْ وَ مَا يِقَبِّلْ الضَّمَانَةْ الْكَرَبْهَا فِي دَيْن لِسِيدْهَا. وَ يَرْفَعْ عُيُونَهْ لِلْأَصْنَامْ وَ يِسَوِّي الْمُحَرَّمَاتْ.

حِزْقِيال 20:35

وَ أَنَا نِوَدِّيكُو فِي الصَّحَرَاءْ طَرَفْ مِنْ الْأُمَمْ الْآخَرِينْ. وَ هِنَاكْ نِقَابِلْكُو وِجِهْ بِوِجِهْ وَ نِحَاكِمْكُو.

حِزْقِيال 20:36

مِثِلْ أَنَا حَاكَمْت جُدُودْكُو فِي صَحَرَاءْ بَلَدْ مَصِرْ، بِمِثِلْ دَا بَسْ نِحَاكِمْكُو إِنْتُو كُلَ. وَ دَا كَلَامْ اللّٰهْ الرَّبّ.

مِيخا 3:3

إِنْتُو تَاكُلُوا لَحَمْ شَعَبِي وَ تَسْلَخَوْا فَرْوِتْهُمْ وَ تِكَسُّرُوا عُضَامْهُمْ. وَ تِقَطُّعُوا لَحَمْ شَعَبِي مِثِلْ تُصُبُّوهْ فِي بُرْمَةْ وَ تِرَكُّبُوهْ فِي كَلَوْل.»

لاوِيِّين 25:14

«وَ كَنْ تِبِيعْ شَيّءْ لِأَخُوكْ أَوْ تَشْرِي مِنَّهْ شَيّءْ، خَلِّي أَيِّ وَاحِدْ مِنْكُو مَا يَظْلُمْ أَخُوهْ.

لاوِيِّين 25:17

وَ خَلِّي أَيِّ وَاحِدْ مِنْكُو مَا يَظْلُمْ أَخُوهْ. وَ بَيْدَا، تِوَصِّفْ خَوْفَكْ مِنِّي أَنَا إِلٰـهَكْ. أَشَانْ أَنَا بَسْ اللّٰهْ إِلٰـهْكُو.

إرْمِيا 12:10

وَ كُبَارَاتْ الْعَدُو جَوْا دَمَّرَوْا بَلَدِي مِثِلْ رُعْيَانْ بِمَالْهُمْ يِدَمُّرُوا جِنَيْنِتِي هَنَا الْعِنَبْ. وَ فَجَّقَوْهَا وَ سَوَّوْهَا صَحَرَاء خَرَابْ، هِي الْأَوَّلْ مِثِلْ زَرْعِي الْجَمِيلْ.

عَمُوس 2:7

وَ يِدِسُّوا رُوسَيْ الضَّعِيفِينْ فِي التُّرَابْ وَ يَظُلْمُوا الْمَسَاكِينْ فِي الشَّرِيعَةْ. الْوَلَدْ وَ أَبُوهْ يَمْشُوا لِمَرَةْ وَاحِدَةْ وَ بَيْدَا، مَا يِحْتَرُمُوا أُسْمِي الْمُقَدَّسْ.

مِيخا 2:1

الْعَذَابْ لِلْيَنْوُوا الْفَسَالَةْ وَ يِخَطُّطُوا الشَّرّ بِاللَّيْل! بِفَجُرْ، يُقُمُّوا يِسَوُّوا خِطِّتْهُمْ أَشَانْ عِنْدُهُمْ الْقُدْرَةْ لِيِسَوُّوهَا.