إشَعْيا 28:2 - الكتاب المقدس بالعربي الدارجي هنا تشاد

² دَاهُو يَجِي رَاجِلْ قَادِرْ وَ شَدِيدْ مِنْ الرَّبّ الْبِشَابِهْ مَطَرَةْ بَرَدْ وَ رِيحْ شَدِيدَةْ التِّدَمِّرْ. وَ هُو مِثِلْ مَطَرَةْ الْعِنْدَهَا أَلْمِي شَدِيدْ الْيَغْرِقْ وَ بِشِدَّةْ، كُلَّ شَيّءْ يِرَقِّدَهْ فِي الْأَرْض.

إشَعْيا 28:2 Referenca të Kryqëzuara

نَاحُوم 1:8

مِثِلْ سَيْل، يِجِيبْ دَمَارْ كَامِلْ فِي بَكَانْ عُدْوَانَهْ وَ يِطَارِدْهُمْ لَحَدِّي فِي ضَلَامْ الْقُبُورْ.

حِزْقِيال 13:11

قُولْ لِلْيِطَلُّسُوهْ بِالْبُهْيَةْ: ‹دُرْدُرْكُو دَا يَقَعْ! مَطَرَةْ شَدِيدَةْ تَجِي وَ بَرَدْ يِدَفِّقْ وَ رِيحْ شَدِيدَةْ تِشَقِّقَهْ.›

إشَعْيا 30:30

وَ اللّٰهْ يِسَمِّعْ حِسَّهْ الْمَجِيدْ وَ يِوَصِّفْ دُرَاعَهْ الْمَرْفُوعْ بِشِدَّةْ زَعَلَهْ وَ أَمْ بَلْبَالَةْ التَّحْرِقْ وَ مَطَرْ شَدِيدْ وَ بَرَدْ.

إشَعْيا 29:6

وَ اللّٰهْ الْقَادِرْ يَجِي لَيْكِ بِرَعَدْ وَ زِلْزَالْ وَ حَرَكَةْ شَدِيدَةْ وَ زَوْبَعَانَةْ وَ رِيحْ شَدِيدَةْ وَ أَمْ بَلْبَالَةْ هَنَا نَارْ التَّحْرِقْ.

إشَعْيا 27:1

وَ فِي الْيَوْم دَا، اللّٰهْ يِعَاقِبْ لُيَاتَانْ الدَّابِي الْمُعَرِّدْ بِسَيْفَهْ الطَّرِينْ وَ كَبِيرْ وَ شَدِيدْ. وَ هُو لُيَاتَانْ الدَّابِي الْأَعْوَجْ أَيْوَى، هُو يَكْتُلْ الْغُولْ الْفِي الْبَحَرْ.

رُؤية 18:8

أَشَانْ دَا، فِي يَوْم وَاحِدْ بَسْ كُلَّ الْمَصَايِبْ يَقَعَوْا فَوْقهَا وَ دَوْل الْوَبَاءْ وَ الْحِزِنْ وَ الْجُوعْ. وَ النَّارْ تَاكُلْهَا أَشَانْ رَبِّنَا اللّٰهْ الْيِحَاسِبْهَا، هُو قَادِرْ.»

إشَعْيا 40:10

دَاهُو اللّٰهْ الرَّبّ جَايِ بِشِدَّةْ وَ بِقُدْرَةْ إِيدَهْ، قَاعِدْ يَمْلُكْ. وَ دَاهُو يِجِيبْ مَاحِيّتَهْ مَعَايَهْ وَ مُكَافَاتَهْ قِدَّامَهْ.

إشَعْيا 25:4

أَشَانْ إِنْتَ مَلْجَأْ لِلضَّعِيفْ وَ مَلْجَأْ لِلْمِسْكِينْ فِي الضِّيقَةْ. إِنْتَ مِثِلْ بَكَانْ الْيَحْمِي مِنْ الْمَطَرَةْ الشَّدِيدَةْ وَ مِثِلْ ضُلّ الْيَحْمِي مِنْ الْحَمُو. أَشَانْ غَضَبْ الْمُجْرِمِينْ مِثِلْ مَطَرَةْ الشَّدِيدَةْ التَّضْرُبْ دُرْدُرْ

رُؤية 8:7

وَ الْمَلَكْ الْأَوَّلْ ضَرَبْ الْبُرُنْجِي الْعِنْدَهْ. وَ خَلَاصْ، بَرَدْ وَ نَارْ مُخَلْبَطِينْ بِدَمّ دَفَّقَوْا فِي الْأَرْض. وَ تِلْت الْأَرْض حِرِقْ وَ تِلْت الشَّدَرْ حِرِقْ وَ الْقَشّ الْأَخْضَرْ كُلَ حِرِقْ.

يَشُوع 10:11

وَ وَكِتْ هُمَّنْ مُعَرِّدِينْ قِدَّامْ بَنِي إِسْرَائِيلْ وَ وَصَّلَوْا فِي الدِّلَّيَّةْ هَنَا بَيْت حُرُونْ، اللّٰهْ رَسَّلْ فَوْقهُمْ بَرَدْ كُبَارْ مِنْ السَّمَاءْ وَ مَاتَوْا. وَ الْبَرَدْ الْكُبَارْ دَا ضَرَبَاهُمْ فِي دَرِبْهُمْ لَحَدِّي عَزِيقَةْ وَ كَتَلْ نَاسْ زِيَادَةْ مِنْ النَّاسْ الْكَتَلَوْهُمْ بَنِي إِسْرَائِيلْ بِالْسَّيْف.

أيُّوب 22:16

هُمَّنْ دَوْل مَاتَوْا قَبُلْ وَكِتْهُمْ مِثِلْ بَيْت الْأَلْمِي أَكَلْ أَسَاسَهْ.

إشَعْيا 8:6

«الشَّعَبْ دَا أَبَى أَلْمِي حِلَّةْ شِيلَوْه الْيَجْرِي بِبِشَيْش وَ فِرْحَوْا بِالْمَلِكْ رَصِينْ وَ بِوِلَيْد رَمَلْيَا.

إشَعْيا 30:28

وَ نَفْخَتَهْ مِثِلْ سَيْل الشَّدِيدْ الْيَطْلَعْ لَحَدِّي يَلْحَقْ الرَّقَبَةْ. وَ هُو يِغَرْبِلْ الْأُمَمْ غَرْبِلِينْ الدَّمَارْ وَ يِلَجِّمْ الشُّعُوبْ لِيِوَدِّرْهُمْ.

إشَعْيا 32:19

وَ لَاكِنْ الْغَابَةْ تِدَّمَّرْ تِحِتْ الْبَرَدْ وَ الْمَدِينَةْ تِلْهَدَّمْ مَرَّةْ وَاحِدْ.

حِزْقِيال 38:9

تَرْكَبْ وَ تَمْشِي ضِدُّهُمْ مِثِلْ رِيحْ شَدِيدَةْ. إِنْتَ تَبْقَى مِثِلْ السَّحَابْ الْيِغَطِّي كُلَّ الْبَلَدْ، إِنْتَ وَ كُلَّ عَسْكَرَكْ وَ الشَّعَبْ الْكَتِيرِينْ الْمَعَاكْ.“›»

دَنْيال 9:26

وَ بَعَدْ الْأُرْبُعْمِيَةْ وَ تَلَاتِينْ وَ أَرْبَعَةْ سَنَةْ دَوْل، النَّادُمْ الْمَسَحَوْه وَ دَرَّجَوْه مَلِكْ دَا يَكْتُلُوهْ وَ نَادُمْ يِدَافِعْ لَيَّهْ كَيْ مَا فِيهْ. وَ يَجِي مَلِكْ آخَرْ بِعَسْكَرَهْ وَ يِدَمِّرْ الْمَدِينَةْ وَ الْبَيْت الْمُقَدَّسْ. وَ لَاكِنْ الْمَلِكْ دَا، نِهَايَةْ حُكْمَهْ تَجِي عَجَلَةْ مِثِلْ السَّيْل. وَ فِي الأَخِيرْ، الْحَرِبْ وَ الدَّمَارْ الشَّدِيدْ يَبْقَوْا مِثِلْ مُقَرَّرْ.