إشَعْيا 27:7 - الكتاب المقدس بالعربي الدارجي هنا تشاد

⁷ وَ اللّٰهْ مَا ضَرَبَاهُمْ مِثِلْ ضَرَبْ النَّاسْ الضَّرَبَوْهُمْ. وَ مَا كَتَلَاهُمْ مِثِلْ كَتَلْ النَّاسْ الْكَتَلَوْهُمْ.

إشَعْيا 27:7 Referenca të Kryqëzuara

نَاحُوم 3:19

وَ جِرَاحَكْ مَا يِلْعَالَجْ وَ دَا جِرَاحْ الْيَكْتُلْ. وَ كُلَّ النَّاسْ السِّمْعَوْا خَبَرَكْ، يِصَفُّقُوا وَ يَفْرَحَوْا. أَشَانْ كُلَّ النَّاسْ دَاقَوْا فَسَالْتَكْ الْمَا عِنْدَهَا حَدّ.

نَاحُوم 1:14

وَ دَاهُو كَلَامْ اللّٰهْ ضِدُّكُو، يَا سُكَّانْ نِينَوَى: «أَبَداً مَا تَلْقَوْا ذُرِّيَّةْ تِشِيلْ أُسُمْكُو. وَ فِي بُيُوتْكُو هَنَا الْعِبَادَةْ، أَنَا نِكَسِّرْ أَصْنَامْكُو هَنَا الْحَطَبْ وَ الْحَدِيدْ. وَ نِجَهِّزْ قُبُورْكُو أَشَانْ قِدَّامِي أَنَا، إِنْتُو بَتَّانْ مَا تَنْفَعَوْا.»

إرْمِيا 51:24

«وَ لَاكِنْ هَسَّعْ، شِيفُوا يَا بَنِي إِسْرَائِيلْ! أَنَا نِجَازِي بَابِلْ وَ كُلَّ سُكَّانْهَا حَسَبْ كُلَّ الْفَسَالَةْ السَّوَّوْهَا فِي صَهْيُون. وَ دَا كَلَامْ اللّٰهْ.

إرْمِيا 50:40

دَا مِثِلْ سَدُومْ وَ عَمُورَةْ وَ حِلَّالْهُمْ الْأَنَا الرَّبّ دَمَّرْتُهُمْ. وَ دَا كَلَامْ اللّٰهْ. مَا فِي نَادُمْ الْيَسْكُنْ فِي بَلَدْ بَابِلْ وَ لَا إِنْسَانْ يَقْعُدْ فَوْقهَا.

إشَعْيا 17:14

وَ فِي الْعَشِيَّةْ، رُعُبْ! وَ قَبُلْ الْفَجُرْ، مَا فَضَّلْ شَيّءْ! دَا بَسْ قِسِمْ النَّاسْ الْيَنْهَبَوْنَا وَ مُكَافَاةْ النَّاسْ الْيَكْسَبَوْنَا.

إشَعْيا 17:3

الْمُدُنْ الْقَوِيِّينْ فِي أَفْرَايِمْ يِدَّمَّرَوْا وَ مُلُكْ دِمَشْق كُلَ يَقِيفْ. الْفَضَّلَوْا مِنْ بَلَدْ أَرَامْ، شَرَفْهُمْ يَبْقَى مَا فِيهْ مِثِلْ شَرَفْ بَنِي إِسْرَائِيلْ. وَ دَا كَلَامْ اللّٰهْ الْقَادِرْ.

إشَعْيا 10:12

وَ وَكِتْ الرَّبّ يِكَمِّلْ كُلَّ خِدِمْتَهْ فِي جَبَلْ صَهْيُون وَ فِي مَدِينَةْ الْقُدُسْ، هُو يُقُولْ: «نُقُمّ ضِدّ أَفْكَارْ الْإِسْتِكْبَارْ هَنَا مَلِكْ بَلَدْ أَشُورْ وَ شَوْفَهْ هَنَا الْبُغُضْ.

إشَعْيا 10:17

وَ الرَّبّ، نُورْ إِسْرَائِيلْ، يَبْقَى مِثِلْ نَارْ أَيْوَى، قُدُّوسْ إِسْرَائِيلْ يَبْقَى مِثِلْ أَمْ بَلْبَالَةْ الْفِي يَوْم وَاحِدْ بَسْ، تَاكُلْ وَ تَحْرِقْ الشَّوْك وَ الْحَسْكَنِيتْ.

إشَعْيا 30:31

وَ بَلَدْ أَشُورْ تَرْجِفْ مِنْ حِسّ اللّٰهْ الْيَضْرُبْهَا بِعَصَاةْ.

إشَعْيا 31:8

«وَ بَلَدْ أَشُورْ تَقَعْ تِحِتْ سَيْف الْمَا هَنَا نَادُمْ وَ دَا مَا سَيْف إِنْسَانْ الْيَكْتُلْهَا. هِي تَجْرِي قِدَّامْ السَّيْف دَا وَ صُبْيَانْهَا يِخَدُّمُوهُمْ مِثِلْ عَبِيدْ.

إشَعْيا 31:9

وَ عَسْكَرْهَا الْفَحَلِينْ يَجْرُوا مِنْ الْخَوْف وَ كُبَارَاتْهَا يِنْبَهْتُوا قِدَّامْ الرَّايَةْ.» وَ دَا كَلَامْ اللّٰهْ الْعِنْدَهْ نَارْ فِي جَبَلْ صَهْيُون وَ عِنْدَهْ فُرُنْ فِي مَدِينَةْ الْقُدُسْ.