إشَعْيا 27:4 - الكتاب المقدس بالعربي الدارجي هنا تشاد

⁴ أَنَا بَتَّانْ مَا عِنْدِي أَيِّ غَضَبْ ضِدَّهَا. لَاكِنْ كَنْ لِقِيتْ شَوْك وَ أَنْدِرَيْسَةْ قَاعِدِينْ يَوَاجُهُونِي، أَنَا نُرُوغْ فَوْقهُمْ وَ نَحْرِقْهُمْ كُلُّهُمْ.

إشَعْيا 27:4 Referenca të Kryqëzuara

عِبْرَانِيِّين 6:8

لَاكِنْ النَّاسْ دَوْل مِثِلْ الْأَرْض التِّقَوِّمْ شَوْك وَ حَسْكَنِيتْ. هِي مَا عِنْدَهَا فَايْدَةْ وَ لَعَنَةْ اللّٰهْ تِقَرِّبْ لَيْهَا وَ فِي الأَخِيرْ، يِحَرُّقُوهَا.

إشَعْيا 10:17

وَ الرَّبّ، نُورْ إِسْرَائِيلْ، يَبْقَى مِثِلْ نَارْ أَيْوَى، قُدُّوسْ إِسْرَائِيلْ يَبْقَى مِثِلْ أَمْ بَلْبَالَةْ الْفِي يَوْم وَاحِدْ بَسْ، تَاكُلْ وَ تَحْرِقْ الشَّوْك وَ الْحَسْكَنِيتْ.

مَتَّى 3:12

وَ عِنْدَهْ طَبَقْ فِي إِيدَيْنَهْ لِيِغَرْبِلْكُو مِثِلْ الْغَلَّةْ. وَ يِلِمّ غَلِّتَهْ مِنْ الْمَدَقّ وَ يُصُبَّهَا فِي دَبَنْقِتَهْ. وَ لَاكِنْ الْأُتَّابْ يُتُشَّهْ فِي النَّارْ الْمَا تُمُوتْ أَبَداً.»

زَبُور 85:3

إِنْتَ خَلَّيْت كُلَّ زَعَلَكْ وَ وَقَّفْت غَضَبَكْ الْمُحْرِقْ.

2 صَمُوِيل 23:6

وَ لَاكِنْ كُلَّ النَّاسْ الْمَا نَافْعِينْ، هُمَّنْ مِثِلْ فِرِعْ عِنْدَهْ شَوْك الْيَزْقُلُوهْ بَعِيدْ وَ مَا يِنْكَرِبْ بِإِيدْ سَاكِتْ.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

مَلاخِـي 4:3

فِي الْيَوْم النُّقُمّ فَوْقَهْ، إِنْتُو تِفَجُّقُوا الْعَاصِيِينْ وَ يَبْقَوْا مِثِلْ رُمَادْ تِحِتْ رِجْلَيْكُو.» وَ دَا، اللّٰهْ الْقَادِرْ بَسْ قَالَهْ.

حِزْقِيال 16:63

وَ وَكِتْ تِفَكِّرِي فِي الْفَاتْ، الْعَيْب يَكْرُبْكِ وَ بَتَّانْ مَا تَقْدَرَيْ تُفُكِّي خَشُمْكِ أَشَانْ إِنْتِ وَدَّرْتِ شَرَفْكِ. وَ لَاكِنْ أَنَا نَغْفِرْ لَيْكِ كُلَّ شَيّءْ السَّوَّيْتِيهْ.» وَ دَا كَلَامْ اللّٰهْ الرَّبّ.

إشَعْيا 12:1

وَ فِي الْيَوْم دَا، إِنْتَ تُقُولْ: «أَنَا نَشْكُرَكْ، يَا اللّٰهْ! أَشَانْ إِنْتَ زِعِلْت ضِدِّي وَ لَاكِنْ غَضَبَكْ إِنْتَ خَلَّيْتَهْ وَ إِنْتَ صَبَّرْتِنِي.

إشَعْيا 9:18

أَشَانْ فَسَالِتْهُمْ تَحْرِقْ مِثِلْ النَّارْ التَّاكُلْ الشَّوْك وَ الْحَسْكَنِيتْ وَ تِتِشّ شَدَرْ الْغَابَةْ وَ تِطَلِّعْ عَلَيْ السَّمَاءْ عَمُودْ هَنَا دُخَّانْ.

زَبُور 103:9

هُو مَا يِحَاكِمْ دَايْماً وَ مَا يَغْضَبْ إِلَى الْأَبَدْ.

إشَعْيا 33:12

وَ الشَّعَبْ الْآخَرِينْ يَحْرَقَوْا وَ يَبْقَوْا رُمَادْ. يَبْقَوْا مِثِلْ الشَّوْك الْقَطَعَوْه وَ قَاعِدْ يَحْرَقْ.»

2 صَمُوِيل 23:7

وَ النَّادُمْ الْيِدَوْر يِلَمِّسَهْ، وَاجِبْ يِشِيلْ فَاسْ أَوْ عُودْ حَرْبَةْ حَتَّى يُكُرَّهْ وَ يَزْقُلَهْ فِي النَّارْ وَ يُتُشَّهْ.»

إرْمِيا 29:11

أَنَا نَعَرِفْ الْفِكْرَةْ الْجَهَّزْتَهَا لَيْكُو وَ هِي مَا فِكْرَةْ هِنْت فَسَالَةْ وَ لَاكِنْ فِكْرَةْ هِنْت سَلَامْ الْبَيْهَا تَلْقَوْا مُسْتَقْبَلْ مَلَانْ بِعَشَمْ. وَ دَا كَلَامْ اللّٰهْ.