إشَعْيا 27:12 - الكتاب المقدس بالعربي الدارجي هنا تشاد

¹² وَ فِي الْيَوْم دَا، اللّٰهْ يِحِتّ الشَّدَرْ مِنْ بَحَرْ الْفُرَاتْ لَحَدِّي وَادِي مَصِرْ. وَ يِلَقُّطُوكُو الْوَاحِدْ بَعَدْ الْآخَرْ، يَا بَنِي إِسْرَائِيلْ!

إشَعْيا 27:12 Referenca të Kryqëzuara

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

إشَعْيا 56:8

وَ دَاهُو كَلَامْ اللّٰهْ الرَّبّ، هُو الْيِلِمّ مُشَتَّتِينْ بَنِي إِسْرَائِيلْ. هُو قَالْ: «أَنَا نِلِمّ بَتَّانْ آخَرِينْ مَعَ اللَّمَّيْتهُمْ.»

نَحَمْيا 1:9

لَاكِنْ كَنْ قَبَّلْتُوا لَيِّ وَ حَفَضْتُوا وَصِيَّاتِي وَ طَبَّقْتُوهُمْ، خَلَاصْ كَنْ طَرَدَوْكُو فِي آخِرْ الدُّنْيَا كُلَ، أَنَا نِلِمُّكُو وَ نِجِيبْكُو فِي الْبَكَانْ الْأَنَا عَزَلْتَهْ أَشَانْ أُسْمِي يَقْعُدْ فَوْقَهْ.›

يُوحَنَّا 10:16

عِنْدِي غَنَمْ آخَرِينْ الْمَا مِنْ الزَّرِيبَةْ دِي. هُمَّنْ كُلَ وَاجِبْ نِوَدِّيهُمْ. هُمَّنْ يَسْمَعَوْا حِسِّي وَ كُلَّ الْغَنَمْ يَبْقَوْا دَوْر وَاحِدْ تِحِتْ رَاعِي وَاحِدْ.

يُوحَنَّا 6:37

كُلَّ النَّاسْ الْأَبُويِ يِكَلِّفْنِي بَيْهُمْ، يَجُوا لَيِّ وَ أَيِّ نَادُمْ الْيَجِي لَيِّ، أَنَا أَبَداً مَا نَطُرْدَهْ.

لُوقا 15:4

«كَنْ رَاجِلْ مِنْكُو عِنْدَهْ مِيَةْ غَنَمْ وَ وَدَّرْ وَاحِدَةْ مِنْهُمْ، هُو يِسَوِّي شُنُو؟ هُو يِخَلِّي التِّسْعَةْ وَ تِسْعِينْ فِي الْكَدَادَةْ وَ يَمْشِي يِفَتِّشْ الْمُوَدِّرَةْ لَحَدِّي يَلْقَاهَا.

عَمُوس 9:9

وَ دَاهُو أَنَا نَامُرْ وَ نِغَرْبِلْ بَنِي إِسْرَائِيلْ مِنْ أَمْبَيْن كُلَّ الْأُمَمْ. وَ دَا مِثِلْ يِغَرْبُلُوهُمْ بِطَبَقْ وَ حَبَّايْ وَاحِدَةْ كُلَ مَا تَقَعْ فِي الْأَرْض.

إرْمِيا 3:14

وَ دَاهُو كَلَامْ اللّٰهْ: «قَبُّلُوا تَعَالُوا لَيِّ، يَا عِيَالْ الْكُفَّارْ، أَشَانْ أَنَا بَسْ سِيدْكُو. نِشِيلْكُو وَاحِدْ مِنْ أَيِّ مَدِينَةْ وَ إِتْنَيْن مِنْ أَيِّ قَبِيلَةْ وَ نِقَبِّلْكُو فِي صَهْيُون.

إشَعْيا 17:6

الْيِفَضِّلْ مِنْهُمْ يَبْقَى شِيَّةْ مِثِلْ الْكِشَّيْب أَوْ مِثِلْ الْفَضَّلْ بَعَدْ حَتَّوْا شَدَرْ الزَّيْتُونْ. وَاحِدْ أَوْ تِنَيْن يِفَضُّلُوا فَوْق فِي رَاسْ الشَّدَرَةْ وَ أَرْبَعَةْ أَوْ خَمْسَةْ فِي الْفُرُوعْ. وَ دَا كَلَامْ اللّٰهْ إِلٰـهْ بَنِي إِسْرَائِيلْ.

زَبُور 72:8

وَ خَلِّي هُو يَحْكِمْ مِنْ الْبَحَرْ الْمَيِّتْ لَحَدِّي الْبَحَرْ الْأَبْيَضْ وَ مِنْ بَحَرْ الْفُرَاتْ لَحَدِّي آخِرْ الْأَرْض.

زَبُور 68:22

وَ الرَّبّ قَالْ: «أَنَا نِجِيبْ الْعَدُو مِنْ بَاشَانْ وَ نِجِيبْهُمْ مِنْ أُسْط الْبَحَرْ الْغَرِيقْ.

إشَعْيا 49:5

وَ هَسَّعْ اللّٰهْ كَلَّمْ، هُو الْكَوَّنَانِي فِي بَطُنْ أَمِّي لِنَبْقَى عَبْدَهْ وَ لِنِقَبِّلْ عَلَيَّهْ ذُرِّيَّةْ يَعْقُوبْ، أَيْوَى، نِلِمّ قِدَّامَهْ بَنِي إِسْرَائِيلْ. وَ نَلْقَى شَرَفْ قِدَّامْ اللّٰهْ أَشَانْ إِلٰـهِي هُو قُدُرْتِي.

إرْمِيا 44:28

وَ نَاسْ شِيَّةْ بَسْ يِعَرُّدُوا مِنْ مَصِرْ فِي شَانْ الْحَرِبْ وَ يَمْشُوا لِبَلَدْ يَهُوذَا. وَ لَاكِنْ كُلَّ الْفَضَّلَوْا مِنْ بَنِي يَهُوذَا الْجَوْا فِي مَصِرْ لِيَسْكُنُوا فَوْقهَا يِشِيفُوا وَ يَعَرْفُوا الْكَلَامْ الْيِلْحَقَّقْ، دَا هَنَايِ أَنَا وَلَّا هَنَاهُمْ هُمَّنْ.›

حِزْقِيال 20:34

وَ بِإِيدْ شَدِيدَةْ وَ دُرَاعْ قَوِي وَ نَزِّلِينْ غَضَبِي، أَنَا نَمْرُقْكُو مِنْ أُسْط الْأُمَمْ وَ نِلِمُّكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ.

حِزْقِيال 20:41

وَ وَكِتْ نَمْرُقْكُو مِنْ أُسْط الْأُمَمْ وَ نِلِمُّكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ، تَبْقَوْا مِثِلْ رِيحَةْ حَلُوَّةْ الْأَنَا نَرْضَى بَيْهَا. وَ بَيْكُو إِنْتُو، أَنَا نِوَصِّفْ قَدَاسْتِي قِدَّامْ الْأُمَمْ.

حِزْقِيال 39:25

وَ فِي شَانْ دَا، دَاهُو اللّٰهْ الرَّبّ قَالْ: «هَسَّعْ، أَنَا نِقَبِّلْ ذُرِّيَّةْ يَعْقُوبْ مِنْ بَلَدْ الْغُرْبَةْ وَ نَرْحَمْ كُلَّ بَنِي إِسْرَائِيلْ وَ نِوَصِّفْ غِيرْتِي فِي شَانْ أُسْمِي الْمُقَدَّسْ.

حِزْقِيال 47:19

«وَ فِي الْوَطِي فِي صَحَرَاءْ نَقَبْ، الْحُدُودْ يُقُمُّوا مِنْ تَامَارْ وَ يَمْشُوا لَحَدِّي أَلْمِي مَرِيبَةْ هَنَا قَادِشْ وَ لَحَدِّي وَادِي مَصِرْ وَ لَحَدِّي الْبَحَرْ الْأَبْيَضْ. وَ دَا عَلَيْ جِيهَةْ النَّقَبْ فِي الْوَطِي.

زَكَرِيَّا 8:7

وَ دَاهُو اللّٰهْ الْقَادِرْ قَالْ: «أَيْوَى، أَنَا نِنَجِّي شَعَبِي مِنْ بَلَدْ الصَّبَاحْ وَ مِنْ بَلَدْ الْغَرِبْ.

يَشُوع 15:4

وَ مِنْ الْبَكَانْ دَا، يِعَدُّوا بِعَصْمُونْ لَحَدِّي وَادِي مَصِرْ وَ مِنَّهْ لَحَدِّي الْبَحَرْ الْأَبْيَضْ. وَ دَوْل بَسْ حُدُودْهُمْ مِنْ جِيهَةْ الْجُنُوبْ.

1 مُلوك 8:65

وَ فِي الْوَكِتْ دَا، الْمَلِكْ سُلَيْمَانْ عَيَّدْ عِيدْ مَعَ كُلَّ بَنِي إِسْرَائِيلْ. وَ جَمَاعَةْ كَتِيرِينْ جَوْا مِنْ كُلَّ الْبَلَدْ، مِنْ حِلَّةْ لَبُو حَمَاتْ فِي الْمُنْشَاقْ لَحَدِّي وَادِي مَصِرْ فِي الْوَطِي. وَ هُمَّنْ عَيَّدَوْا قِدَّامْ اللّٰهْ الرَّبّ 7 يَوْم وَ بَتَّانْ 7 يَوْم وَ كُلَّ كَيْ يِسَاوِي 14 يَوْم.