إشَعْيا 27:10 - الكتاب المقدس بالعربي الدارجي هنا تشاد

¹⁰ الْمَدِينَةْ الْقَوِيَّةْ بِقَتْ مَعْزُولَةْ وَ بِقَتْ مِثِلْ الْمَرْعَى الْأَبَوْه وَ خَلَّوْه مِثِلْ كَدَادَةْ. الْعَجَّالْ يَجُوا يَسْرَحَوْا فَوْقهَا وَ يَاكُلُوا وَرَقْ شَدَرْهَا وَ يِنْجَمَّوْا فَوْقهَا.

إشَعْيا 27:10 Referenca të Kryqëzuara

إشَعْيا 17:2

وَ مُدُنْ عَرُوعِرْ يَخْرَبَوْا وَ يَبْقَوْا بَكَانْ لِلْبَهَايِمْ. الْبَهَايِمْ يَرُقْدُوا فَوْقهُمْ وَ مَا فِي نَادُمْ يِبَشْتِنْهُمْ.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

إشَعْيا 17:9

وَ فِي الْيَوْم دَا، الْمُدُنْ الْقَوِيِّينْ يِخَلُّوهُمْ مِثِلْ خَلَّوْا الْغَابَةْ وَ رُوسَيْ الْجِبَالْ وَكِتْ بَنِي إِسْرَائِيلْ جَوْا شَالَوْا الْبَلَدْ، كُلَّ الْبَلَدْ تَخْرَبْ.

حِزْقِيال 36:4

وَ فِي شَانْ دَا، يَا جِبَالْ إِسْرَائِيلْ، أَسْمَعَوْا كَلَامْ اللّٰهْ الرَّبّ. دَاهُو اللّٰهْ الرَّبّ حَجَّى لِلْجِبَالْ وَ الْحُجَارْ وَ الرُّجُولْ وَ الْوُدْيَانْ وَ الْبَكَانَاتْ الْمُهَدَّمِينْ وَ الْمُدُنْ الْخَرَابْ النَّهَبَوْهُمْ وَ أَشَّمَّتَوْا فَوْقهُمْ الْأُمَمْ الْمُحَوِّقِينْهُمْ.

مَراثِي إرْمِيا 5:18

أَيْوَى، جَبَلْ صَهْيُون خِرِبْ وَ بَعَاشِيمْ سَاكْنِينْ فَوْقَهْ.

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

إشَعْيا 64:10

مُدُنَكْ الْمُقَدَّسِينْ فِضَوْا وَ جَبَلْ صَهْيُون بِقَتْ صَحَرَاء وَ مَدِينَةْ الْقُدُسْ بِقَتْ بَكَانْ خَرَابْ.

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.

إشَعْيا 7:25

كَنْ لِلْجِبَالْ الْأَوَّلْ حَرَتَوْهُمْ بِجَرَّايْ، بَتَّانْ مَا يَحَرْتُوهُمْ مِنْ كَتَرَةْ الشَّوْك وَ الْحَسْكَنِيتْ وَ إِلَّا الْبَقَرْ وَ الْغَنَمْ بَسْ يَسْرَحَوْا فَوْقهُمْ.

إشَعْيا 7:21

وَ فِي الْيَوْم دَا، أَيِّ نَادُمْ يِرَبِّي عِجْلَةْ مِنْ الدَّوْر وَ غَنَمْ إِتْنَيْن.

إشَعْيا 32:19

وَ لَاكِنْ الْغَابَةْ تِدَّمَّرْ تِحِتْ الْبَرَدْ وَ الْمَدِينَةْ تِلْهَدَّمْ مَرَّةْ وَاحِدْ.

إشَعْيا 35:1

خَلِّي الصَّحَرَاء وَ أَرْض الْجَفَافْ يَفْرَحَوْا وَ بَلَدْ الْيَبَاسْ تِنَوِّرْ وَ تِنْبَسِطْ.

إشَعْيا 49:21

وَ إِنْتِ تُقُولِي فِي قَلِبْكِ: ‹هُمَّنْ دَوْل، يَاتِي وِلْدَتْهُمْ لَيِّ؟ أَشَانْ أَوَّلْ مَا عِنْدِي عِيَالْ وَ عَاقْرَةْ. أَنَا وَدَّوْنِي فِي الْغُرْبَةْ وَ بِقِيتْ مَعْزُولَةْ. يَاتُو الرَّبَّاهُمْ؟ وَكِتْ أَنَا قَاعِدَةْ وِحَيْدِي، هُمَّنْ دَوْل قَاعِدِينْ وَيْن؟›»

إرْمِيا 25:37

وَ مِنْ غَضَبْ اللّٰهْ الْمُحْرِقْ، الْمَرْعَى السَّالِمْ خِرِبْ.

إرْمِيا 52:27

وَ مَلِكْ بَابِلْ كَتَلَاهُمْ هِنَاكْ فِي رِبْلَةْ فِي بَلَدْ حَمَاتْ. وَ بِمِثِلْ دَا، كُلَّ نَاسْ بَلَدْ يَهُوذَا وَدَّوْهُمْ فِي الْغُرْبَةْ، بَعِيدْ مِنْ أَرْضُهُمْ.

إشَعْيا 24:10

الْحِلَّةْ الْخَرْبَانَةْ تِلْكَسَّرْ وَ أَيِّ بَيْت يِلْقَفَّلْ وَ مَا عِنْدَهْ مَدَخَلْ.