إشَعْيا 26:9 - الكتاب المقدس بالعربي الدارجي هنا تشاد

⁹ وَ نَفْسِي تَقْرَمْ لَيْك بِاللَّيْل وَ رُوحِي فِي دَاخِلِي تِفَتِّشَكْ. أَشَانْ وَكِتْ عَدَالْتَكْ تَقْعُدْ فِي الْأَرْض، خَلَاصْ سُكَّانْ الْعَالَمْ يِلْعَلَّمَوْا الْحَقّ.

إشَعْيا 26:9 Referenca të Kryqëzuara

مَتَّى 6:33

وَ لَاكِنْ إِنْتُو قُبَّالْ كُلَّ شَيّءْ، خُطُّوا بَالْكُو فِي مَمْلَكَةْ اللّٰهْ وَ فِي الْحَالْ الصَّالْحَةْ الْاللّٰهْ يِدَوْرهَا وَ اللّٰهْ يَنْطِيكُو كُلَّ شَيّءْ هَنَا حَيَاتْكُو.

زَبُور 119:62

وَ فِي أُسْط اللَّيْل، نُقُمّ نَشْكُرَكْ فِي شَانْ شَرِيعْتَكْ الْعَادِلَةْ.

زَبُور 63:1

يَا رَبّ! إِنْتَ إِلٰـهِي، أَنَا نِفَتِّشَكْ. وَ نَفْسِي عَطْشَانَةْ لَيْك وَ جِسْمِي مُشْتَاقْ لَيْك مِثِلْ أَرْض جَفَافْ عَطْشَانَةْ لِلْأَلْمِي.

مَرْخُوس 1:35

وَ بِفَجُرْ بَدْرِي قُبَّالْ الْحَرَّايْ مَا تَطْلَعْ، عِيسَى قَمَّ مَرَقْ وَ مَشَى فِي بَكَانْ مَا عِنْدَهْ نَاسْ. وَ هُو صَلَّى هِنَاكْ.

رُؤية 11:13

وَ فِي الْوَكِتْ دَا بَسْ، بِقِي زِلْزَالْ شَدِيدْ بِلْحَيْن وَ عَشَرَةْ فِي الْمِيَةْ مِنْ بُيُوتْ الْمَدِينَةْ أَدَّمَّرَوْا وَ 7 000 إِنْسَانْ مَاتَوْا. وَ النَّاسْ الْفَضَّلَوْا حَمَدَوْا اللّٰهْ رَبّ السَّمَاوَاتْ.

لُوقا 6:12

وَ فِي الْوَكِتْ دَا، عِيسَى مَرَقْ وَ طَلَعْ فِي حَجَرْ أَشَانْ يِصَلِّي. وَ طُولْ اللَّيْل هُو قَاعِدْ يِصَلِّي لِلّٰهْ.

إشَعْيا 55:6

فَتُّشُوا اللّٰهْ فِي وَكِتْ هُو بِنْلَقِي وَ نَادُوهْ وَكِتْ هُو قَاعِدْ قَرِيبْ.

أمْثال 8:17

أَنَا نِحِبّ الْيِحِبُّونِي وَ الْيِفَتُّشُونِي، يَلْقَوْنِي.

زَبُور 58:11

وَ النَّاسْ يُقُولُوا: «أَيْوَى، لِلصَّالِحْ أَجُرْ! أَيْوَى، الرَّبّ قَاعِدْ وَ يَحْكِمْ فِي الْأَرْض!»

هُوشَع 5:15

أَنَا نَمْرُقْ وَ نِقَبِّلْ فِي بَكَانِي لَحَدِّي يِعْتَرُفُوا بِخَطَاهُمْ وَ يِوَجُّهُوا عَلَيِّ. وَ فِي ضِيقِتْهُمْ دِي، يِفَتُّشُونِي.»

إشَعْيا 27:9

وَ بِمِثِلْ دَا، يِنْقَشَّ خَطَا يَعْقُوبْ وَ دَاهُو نَتِيجَةْ غُفْرَانْ ذَنْبَهْ. يَعْقُوبْ يِكَسِّرْ حُجَارْ الْمَدْبَحْ وَ يِسَوِّيهُمْ مِثِلْ الدَّقِيقْ الْمَرْحُوكْ. وَ الْعِيدَانْ الْغَزَّوْهُمْ لِعِبَادَةْ أَشِيرَةْ وَ مَخَابِرْ الْبَخُورْ، كُلُّهُمْ يَبْقَوْا مَا فِيهُمْ.

زَبُور 130:6

وَ قَلْبِي يِحِبّ الرَّبّ زِيَادَةْ مِنْ حُبّ الْحَرَسْ لِطَلُوعْ الْحَرَّايْ. أَيْوَى، زِيَادَةْ مِنْ حُبّ الْحَرَسْ لِطَلُوعْ الْحَرَّايْ.

زَبُور 64:9

كُلَّ النَّاسْ يَخَافَوْا وَ يِخَبُّرُوا بِعَمَلْ الرَّبّ وَ يَفْهَمَوْا خِدِمْتَهْ.

زَبُور 83:18

وَ خَلَاصْ، يَعَرْفُوا كَدَرْ إِنْتَ وِحَيْدَكْ بَسْ أُسْمَكْ اللّٰهْ وَ إِنْتَ بَسْ الْعَالِي فِي كُلَّ الْأَرْض.

زَبُور 78:34

وَ وَكِتْ الرَّبّ يَكْتُلْهُمْ، هُمَّنْ يِفَتُّشُوهْ وَ يِقَبُّلُوا يِفَتُّشُوهْ بِنِيَّةْ.

زَبُور 63:5

نَفْسِي شِبْعَتْ مِثِلْ بِلَحَمْ سَمِينْ وَ مُخّ وَ لِسَانِي يَفْرَحْ وَ خَشْمِي يَشْكُرَكْ بِغِنَيْ.

زَبُور 105:7

اللّٰهْ هُو بَسْ إِلٰـهْنَا الْيَحْكِمْ فِي كُلَّ الْأَرْض.

زَبُور 119:55

بِاللَّيْل نِذَّكَّرْ أُسْمَكْ، يَا اللّٰهْ، لِنَحْفَضْ تَوْرَاتَكْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

مَراثِي إرْمِيا 2:19

يَلَّا قُمِّي وَ أَبْكِي مِنْ بِدَايَةْ اللَّيْل لَحَدِّي آخْرَهْ! وَ خَلِّي قَلِبْكِ يِنْقَطِعْ مِثِلْ الْأَلْمِي قِدَّامْ الرَّبّ. وَ أَرْفَعَيْ إِيدَيْنكِ وَ أَشْحَدَيْ اللّٰهْ لِيِنَجِّي عِيَالْكِ الْيُمُوتُوا مِنْ الْجُوعْ فِي كُلَّ مَشْبَكْ الشَّوَارِعْ.

مَراثِي إرْمِيا 3:25

اللّٰهْ هُو زَيْن لِلْيَرْجَاهْ وَ هُو عَدِيلْ لِلْيِفَتِّشَهْ.

حِزْقِيال 5:15

وَ أَنَا نِحَاكِمْكِ بِزَعَلْ وَ غَضَبْ وَ نُلُومْكِ لُوَامَةْ شَدِيدَةْ. وَ الْأُمَمْ الْمُحَوِّقِينْكِ، يَا مَدِينَةْ الْقُدُسْ، يِشَّمَّتَوْا فَوْقكِ وَ يِعَيُّرُوكِ. وَ إِنْتِ تَبْقَيْ لَيْهُمْ مَثَلْ مُخِيفْ. وَ دَا، أَنَا اللّٰهْ بَسْ قُلْتَهْ.

1 أخبار 16:14

اللّٰهْ هُو بَسْ إِلٰـهْنَا الْيَحْكِمْ فِي كُلَّ الْأَرْض.