إشَعْيا 26:8 - الكتاب المقدس بالعربي الدارجي هنا تشاد

⁸ أَيْوَى فِي طَرِيقْ عَدَالْتَكْ، نُخُطُّوا عَشَمْنَا فَوْقَكْ، يَا اللّٰهْ! أَنِحْنَ مُشْتَاقِينْ لِنِنَادُوا أُسْمَكْ وَ نِذَّكَّرَوْك.

إشَعْيا 26:8 Referenca të Kryqëzuara

إشَعْيا 33:2

يَا اللّٰهْ! حِنّ فَوْقنَا! أَنِحْنَ نُخُطُّوا عَشَمْنَا فَوْقَكْ. أَبْقَى قُدْرِتْنَا فِي كُلِّ صَبَاحْ وَ فِي وَكِتْ الضِّيقَةْ، أَبْقَى نَجَاتْنَا.

زَبُور 65:6

إِنْتَ كَوَّنْت الْجِبَالْ بِقُوَّتَكْ وَ أَلْحَزَّمْت بِالْقُدْرَةْ.

خُروج 3:15

وَ الرَّبّ قَالْ لَيَّهْ بَتَّانْ: «قُولْ مِثِلْ دَا لِبَنِي إِسْرَائِيلْ: ‹اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ رَسَّلَانِي لَيْكُو.› دَا بَسْ أُسْمِي الدَّايِمْ الْيِنَادُونِي بَيَّهْ مِنْ ذُرِّيَّةْ لِذُرِّيَّةْ.

2 تَسَلونِيكِي 3:5

خَلِّي الرَّبّ يَفْتَحْ قُلُوبْكُو فِي مَحَبَّةْ اللّٰهْ وَ يَنْطِيكُو صَبُرْ قَوِي الْجَايِ مِنْ الْمَسِيحْ.

رَوْمَا 8:25

لَاكِنْ كَنْ نَرْجَوْا شَيّءْ وَاحِدْ لِسَّاعْ بَعِيدْ شِيَّةْ مَا بِنْشَافْ، نَرْجَوْه بِالصَّبُرْ.

أعمال الرُسُل 1:4

وَ وَكِتْ هُو قَاعِدْ مَعَاهُمْ هُو قَالْ: «مَا تَمُرْقُوا مِنْ مَدِينَةْ الْقُدُسْ. أَرْجَوْا لَحَدِّي أَبُوكُو اللّٰهْ يَنْطِيكُو الْبَرَكَةْ الْهُو وَاعَدَاكُو بَيْهَا وَ أَنَا ذَاتِي أَوْرَيْتكُو بَيْهَا.

إشَعْيا 56:1

وَ دَاهُو اللّٰهْ قَالْ: «أَحْفَضَوْا الْحَقّ وَ سَوُّوا الْعَدَالَةْ أَشَانْ نَجَاتِي قَرِيبْ تَجِي وَ عَدَالْتِي قَرِيبْ تِبِينْ.

إشَعْيا 25:9

وَ فِي الْيَوْم دَا، يُقُولُوا: «دَاهُو إِلٰـهْنَا. أَنِحْنَ خَطَّيْنَا عَشَمْنَا فَوْقَهْ وَ هُو نَجَّانَا. أَيْوَى، هُو بَسْ اللّٰهْ الْخَطَّيْنَا عَشَمْنَا فَوْقَهْ. يَلَّا نَفْرَحَوْا وَ نِنْبَسْطُوا أَشَانْ هُو نَجَّانَا!

إشَعْيا 12:4

وَ فِي الْيَوْم دَا، إِنْتُو تُقُولُوا: «أَشْكُرُوا اللّٰهْ وَ نَادُوا أُسْمَهْ! عَرُّفُوا عَمَلَهْ لِلشُّعُوبْ وَ أَذَّكَّرَوْا كَدَرْ أُسْمَهْ الْعَالِي.

نشيد 5:8

يَا بَنَاتْ مَدِينَةْ الْقُدُسْ، نَحَلِّفْكَنْ! كَنْ لِقِيتَنْ حَبِيبِي، قُولَنْ لَيَّهْ كَدَرْ أَنَا مِرِضْت مِنْ كَتَرَةْ الشَّهْوَةْ.

زَبُور 106:3

مَبْرُوكْ لِلْيَحْفَضَوْا قَوَانِينَهْ وَ يِطَبُّقُوا عَدَالْتَهْ فِي كُلَّ وَكِتْ.

زَبُور 84:2

وَ نَفْسِي مُشْتَاقَةْ وَ قَرْمَانَةْ لِفَضَايَةْ بَيْتَكْ الْمُقَدَّسْ. وَ قَلْبِي وَ جِسْمِي يَصْرَخَوْا مِنْ الْفَرَحْ لِلّٰهْ الْحَيّ.

زَبُور 73:25

أَنَا نَلْقَى يَاتُو فِي السَّمَاءْ، بَلَاكْ إِنْتَ؟ وَ كَنْ إِنْتَ مَعَايِ، مَا نِرِيدْ شَيّءْ آخَرْ فِي الْأَرْض!

زَبُور 18:23

أَنَا بِقِيتْ نَادُمْ تَمَامْ قِدَّامَهْ وَ حَفَضْت نَفْسِي مِنْ الْخَطَا.

2 صَمُوِيل 23:5

«وَ دَاهُو الشَّيّءْ الرَّبّ سَوَّاهْ مَعَايِ أَنَا وَ مَعَ ذُرِّيّتِي، هُو سَوَّى مَعَايِ مُعَاهَدَةْ دَايْمَةْ وَ كَامِلَةْ وَ مَضْمُونَةْ. وَ فِي أَيِّ شَيّءْ، هُو يِنَجِّينِي وَ يِحَقِّقْ مُنَى قَلْبِي.

عَدد 36:13

وَ دَوْل الْوَصَايَا وَ الشُّرُوطْ الْاللّٰهْ أَمَرْ بَيْهُمْ بَنِي إِسْرَائِيلْ بِوَاسِطَةْ مُوسَى فِي كَدَادَةْ مُوَابْ فِي خَشُمْ بَحَرْ الْأُرْدُنْ مُقَابِلْ أَرِيحَا.

لُوقا 1:6

وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

مَلاخِـي 4:4

«أَذَّكَّرَوْا كِتَابْ التَّوْرَاةْ الْأَنْطَيْتَهْ لِعَبْدِي مُوسَى فِي جَبَلْ حُورِيبْ. وَ لِكُلَّ بَنِي إِسْرَائِيلْ، أَنْطَيْتهُمْ قَوَانِينْ وَ شُرُوطْ.

مِيخا 7:7

وَ لَاكِنْ أَنَا كَمَانْ نِوَجِّهْ لِلّٰهْ وَ نَرْجَى الْإِلٰـهْ الْيِنَجِّينِي وَ هُو إِلٰـهِي الْيَسْمَعْنِي.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!

زَبُور 130:5

أَنَا نَرْجَى اللّٰهْ، نَرْجَاهْ بِكُلَّ قَلْبِي وَ نِآمِنْ بِكَلَامَهْ.

إشَعْيا 24:15

مَجُّدُوا اللّٰهْ فِي الصَّبَاحْ! مَجُّدُوا أُسُمْ اللّٰهْ إِلٰـهْ بَنِي إِسْرَائِيلْ فِي جَزَايِرْ الْبَحَرْ!

إشَعْيا 25:1

يَا اللّٰهْ! إِنْتَ رَبِّي، أَنَا نِعَظِّمَكْ وَ نَشْكُرْ أُسْمَكْ أَشَانْ إِنْتَ سَوَّيْت عَجَايِبْ وَ مِنْ زَمَانْ، وَصِيَّاتَكْ صِدِقْ وَ أَمَانْ.

إشَعْيا 26:13

يَا اللّٰهْ إِلٰـهْنَا، سِيَادْ آخَرِينْ بَلَاكْ إِنْتَ مَلَكَوْا فَوْقنَا لَاكِنْ أُسْمَكْ إِنْتَ وِحَيْدَكْ بَسْ، أَنِحْنَ نَذْكُرُوهْ.

إشَعْيا 49:23

وَ مُلُوكْ يِرَبُّوهُمْ وَ مَيَارِمْ يِرَضِّعَنْهُمْ. يَقَعَوْا فِي الْأَرْض وَ يَسْجُدُوا قِدَّامْكِ وَ يَلْحَسَوْا عَجَاجْ رِجِلَيْنكِ. وَ بَيْدَا، إِنْتِ تَعَرْفِي كَدَرْ أَنَا بَسْ اللّٰهْ وَ الْيُخُطّ عَشَمَهْ فَوْقِي، مَا يَلْقَى عَيْب.»

إشَعْيا 51:4

«خُطُّوا بَالْكُو لَيِّ، يَا شَعَبِي! وَ خُطُّوا أَدَانْكُو لَيِّ، يَا أُمَّتِي! أَشَانْ الْوَصَايَا مَارْقِينْ مِنِّي أَنَا وَ عَدَالْتِي تَبْقَى نُورْ لِلشُّعُوبْ وَ نِنَزِّلْهَا لَيْهُمْ بِسُرْعَةْ.

مِيخا 4:5

كُلَّ الشُّعُوبْ دَوْل يِتَابُعُوا إِلٰـهَاتْهُمْ. وَ أَنِحْنَ كَمَانْ نِتَابُعُوا اللّٰهْ إِلٰـهْنَا دَايْماً وَ إِلَى الْأَبَدْ.

زَبُور 42:2

أَنَا عَطْشَانْ لِلّٰهْ إِلٰـهِي الْحَيّ. مَتَى نَدْخُلْ فِي حَضَرَتَهْ وَ نِقَابِلَهْ؟