إشَعْيا 26:7 - الكتاب المقدس بالعربي الدارجي هنا تشاد

⁷ يَا رَبّ، دَرِبْ الصَّالِحْ يَمْشِي عَدِيلْ أَيْوَى، إِنْتَ تِعَدِّلْ دَرِبْ الصَّالِحْ.

إشَعْيا 26:7 Referenca të Kryqëzuara

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

1 يُوحَنَّا 3:7

يَا عِيَالِي، مَا تِخَلُّوا نَادُمْ وَاحِدْ يُغُشُّكُو. النَّاسْ الْيِسَوُّوا عَمَلْ صَالِحْ، هُمَّنْ صَالِحِينْ مِثِلْ إِبْن اللّٰهْ هُو صَالِحْ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

إشَعْيا 42:16

وَ نِوَدِّي الْعَمْيَانِينْ فِي دَرِبْ الْهُمَّنْ مَا يَعَرْفُوهْ. أَنَا نُقُودْهُمْ فِي طُرُقْ الْمَا يَعَرْفُوهُمْ. فِي قِدَّامْهُمْ، أَنَا نِغَيِّرْ الضَّلَامْ بِالنُّورْ وَ الْبَكَانْ الدَّقْدَاقْ، نِسَوِّيهْ أَمْلَسْ. الْكَلَامْ دَا، أَنَا نِحَقِّقَهْ وَ أَبَداً النَّاسْ دَوْل مَا نِخَلِّيهُمْ.

1 يُوحَنَّا 3:10

وَ نَعَرْفُوا يَاتُمَّنْ عِيَالْ اللّٰهْ وَ يَاتُمَّنْ عِيَالْ إِبْلِيسْ بِالشَّيّءْ الْيِسَوُّوهْ. كُلَّ النَّاسْ الْمَا يِتَابُعُوا الْحَالْ الصَّالْحَةْ، هُمَّنْ مَا عِيَالْ اللّٰهْ مِثِلْ النَّاسْ الْمَا يِحِبُّوا أَخْوَانْهُمْ.

أمْثال 20:7

الصَّالِحْ يِعِيشْ تَمَامْ مُدَّةْ حَيَاتَهْ وَ مَبْرُوكْ لِعِيَالَهْ مِنْ بَعَدَهْ.

زَبُور 11:7

أَشَانْ اللّٰهْ صَادِقْ وَ يِحِبّ عَمَلْ الْعَدِيلْ وَ النَّاسْ الصَّالِحِينْ بَسْ يِشِيفُوا وِجْهَهْ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

إشَعْيا 35:8

وَ فِي الْبَكَانْ دَا، يِسَوُّوا دَرِبْ وَ يِسَمُّوهْ الدَّرِبْ الْخَاصّ. الْمَا طَاهِرْ مَا يِعَدِّي بَيَّهْ وَ الْمُنَافِقِينْ مَا يِوَدُّرُوا فَوْقَهْ أَشَانْ الدَّرِبْ دَا لِشَعَبْ اللّٰهْ بَسْ.

زَبُور 1:6

أَشَانْ طَرِيقْ الصَّالِحِينْ، اللّٰهْ يَحْفَضَهْ وَ لَاكِنْ طَرِيقْ الْهَوَانِينْ، فِي الضَّلَامْ يِوَدِّرَهْ.

أيُّوب 31:6

خَلِّي الرَّبّ يَوْزِنِّي فِي الْمِيزَانْ الْعَادِلْ وَ يَعَرِفْ كَمَالِي.

1 أخبار 29:17

وَ أَنَا نَعَرِفْ، يَا إِلٰـهِي، كَدَرْ إِنْتَ تَكْشِفْ الْفِي الْقَلِبْ وَ تِحِبّ الْعَدَالَةْ. وَ بِنِيَّةْ وَاحِدَةْ، أَنَا قَدَّمْت لَيْك كُلَّ الْأَشْيَاءْ دَوْل. وَ هَسَّعْ، دَاهُو شَعَبَكْ لَمَّوْا بِفَرْحَةْ وَ قَاعِدِينْ يِقَدُّمُوا لَيْك بِنِيَّةْ وَاحِدَةْ الْهَدَايَا دَوْل.

صَفَنْيا 3:5

وَ لَاكِنْ اللّٰهْ لِسَّاعْ قَاعِدْ فِي الْمَدِينَةْ، هُو عَادِلْ وَ مَا يِسَوِّي ظُلُمْ. وَ كُلِّ صَبَاحْ، هُو يِوَصِّفْ شَرِيعْتَهْ وَ أَبَداً مَا يِخَلِّيهَا. وَ لَاكِنْ الْمُجْرِمْ مَا يَعَرِفْ الْعَيْب.

زَبُور 11:4

وَ لَاكِنْ اللّٰهْ فِي بَيْتَهْ الْمُقَدَّسْ. اللّٰهْ فِي عَرْشَهْ فِي السَّمَاوَاتْ وَ يِشِيفْ وَ يِجَرِّبْ بَنِي آدَم.

زَبُور 25:4

عَرِّفْنِي دُرُوبَكْ، يَا اللّٰهْ، وَ عَلِّمْنِي طُرُقَكْ.

زَبُور 25:5

قُودْنِي بِأَمَانْ وَ عَلِّمْنِي أَشَانْ إِنْتَ بَسْ إِلٰـهِي الْيِنَجِّينِي وَ نُخُطّ عَشَمِي فَوْقَكْ دَايْماً.

زَبُور 27:11

يَا اللّٰهْ، وَصِّفْنِي دَرْبَكْ وَ قُودْنِي فِي دَرِبْ الْعَدَالَةْ أَشَانْ عِنْدِي عُدْوَانْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

إشَعْيا 52:12

فِي الْمَرَّةْ دِي، مَا تَمُرْقُوا بِسُرْعَةْ وَ مَا تَمُرْقُوا مِثِلْ الْمُعَرِّدِينْ. أَشَانْ اللّٰهْ بَسْ مَاشِي قِدَّامْكُو أَيْوَى، إِلٰـهْ بَنِي إِسْرَائِيلْ بَسْ مَاشِي وَرَاكُو.

إشَعْيا 57:2

لَاكِنْ الْيَمْشُوا بِالْحَقّ يُمُوتُوا وَ يِنْجَمَّوْا بِالسَّلَامْ.

إرْمِيا 10:23

يَا اللّٰهْ! أَنَا نَعَرِفْ كَدَرْ بَنِي آدَم مَا يَقْدَرْ يُقُودْ نَفْسَهْ فِي دَرْبَهْ. وَ الْإِنْسَانْ مَا يَقْدَرْ يَثْبِتْ فِي طَرِيقَهْ.

هُوشَع 14:9

خَلِّي الْحَكِيمْ يَفْهَمْ الْأَشْيَاءْ دَوْل وَ خَلِّي الْفَاهِمْ يَعَرِفْهُمْ. أَشَانْ دَرِبْ اللّٰهْ عَدِيلْ الْفَوْقَهْ الصَّالِحِينْ يُرُوغُوا وَ الْعَاصِيِينْ يِتَّرْتَعَوْا.

زَبُور 5:9

أَشَانْ مَا فِي شَيّءْ أَكِيدْ فِي كَلَامْهُمْ وَ قُلُوبْهُمْ مَلَانِينْ بِدَمَارْ وَ كَلَامْ خُشُومْهُمْ يِوَدِّي لِلْقَبُرْ. وَ لِسْنَيْهُمْ مَلَانِينْ بِكَلَامْ حَلُو غَشَّاشْ.

أمْثال 3:6

قَدِّمْ اللّٰهْ فِي كُلَّ خِدِمْتَكْ وَ هُو يِسَهِّلْ لَيْك دَرْبَكْ.

أمْثال 11:5

عَدَالَةْ النَّادُمْ التَّمَامْ تِعَدِّلْ دَرْبَهْ وَ لَاكِنْ الْعَاصِي يَقَعْ فِي عِصْيَانَهْ.

أمْثال 21:8

الْمُجْرِمْ دَرْبَهْ أَعْوَجْ وَ الصَّافِي عَمَلَهْ عَدِيلْ.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!