إشَعْيا 26:6 - الكتاب المقدس بالعربي الدارجي هنا تشاد

⁶ وَ هِي يِفَجُّقُوهَا بِالرِّجْلَيْ تِحِتْ رِجْلَيْ الْمَسَاكِينْ وَ تِحِتْ قَدَمْ الضَّعِيفِينْ.»

إشَعْيا 26:6 Referenca të Kryqëzuara

رَوْمَا 16:20

وَ اللّٰهْ رَبّ السَّلَامْ مَا يِأَخِّرْ يَرْحَكْ إِبْلِيسْ تِحِتْ رِجْلَيْكُو. عَلَيْكُمْ رَحْمَةْ رَبِّنَا عِيسَى.

لُوقا 10:19

أَنَا أَنْطَيْتكُو قُدْرَةْ أَشَانْ تِفَجُّقُوا الدَّبِيبْ وَ الْعَقَارِبْ. وَ أَنْطَيْتكُو قُدْرَةْ لَحَدِّي تِنَّصُرُوا فِي كُلَّ قُدْرَةْ إِبْلِيسْ الْعَدُو. مَا فِي شَيّءْ الْيِتَعِّبْكُو.

يَشُوع 10:24

وَ وَكِتْ مَرَقَوْهُمْ لِلْمُلُوكْ الْخَمْسَةْ وَ جَابَوْهُمْ قِدَّامَهْ، يَشُوعْ نَادَاهُمْ لِكُلَّ رُجَالْ بَنِي إِسْرَائِيلْ وَ قَالْ لِقُيَّادْ عَسْكَرَهْ الْمَشَوْا مَعَايَهْ: «خُطُّوا رِجْلَيْكُو فِي رِقَابْ الْمُلُوكْ دَوْل.» وَ هُمَّنْ قَرَّبَوْا وَ خَطَّوْا رِجْلَيْهُمْ فِي رِقَابْ الْمُلُوكْ.

رُؤية 2:26

وَ أَيِّ نَادُمْ الْيِنَّصِرْ وَ يِتَابِعْ حَسَبْ الْأَنَا نِدَوْرَهْ لَحَدِّي الْيَوْم الْأَخِيرْ، أَنَا نُخُطَّهْ يَحْكِمْ فِي الْأُمَمْ.

يَعْقُوب 2:5

يَا أَخْوَانِي النِّحِبُّكُو، أَسْمَعَوْا كَلَامِي. اللّٰهْ عَزَلْ النَّاسْ الْمَسَاكِينْ فِي الدُّنْيَا دِي أَشَانْ يَلْقَوْا إِيمَانْ زِيَادَةْ وَ يَوْرُثُوا الْمَمْلَكَةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

1 كُرُنْتُس 1:26

وَ بِكَلَامْ آخَرْ، يَا أَخْوَانِي، فَكُّرُوا فِي حَالِتْكُو هِي كِكَّيْف قُبَّالْ اللّٰهْ مَا نَادَاكُو فِي دَرْبَهْ. أَوَّلْ دَا، نَاسْ شِيَّةْ مِنْكُو عِنْدُهُمْ حِكْمَةْ وَ شِيَّةْ مِنْكُو عِنْدُهُمْ قُدْرَةْ وَ شِيَّةْ مِنْكُو عِيَالْ كُبَارَاتْ.

مَلاخِـي 4:3

فِي الْيَوْم النُّقُمّ فَوْقَهْ، إِنْتُو تِفَجُّقُوا الْعَاصِيِينْ وَ يَبْقَوْا مِثِلْ رُمَادْ تِحِتْ رِجْلَيْكُو.» وَ دَا، اللّٰهْ الْقَادِرْ بَسْ قَالَهْ.

صَفَنْيا 3:11

«يَا شَعَبِي، فِي الْيَوْم دَا مَا تَلْقَوْا أَيِّ عَيْب بِسَبَبْ كُلَّ أَعْمَالْكُو الْبَيْهُمْ عِصِيتُونِي. أَشَانْ فِي الْوَكِتْ دَا، نَمْرُقْ مِنْ أُسُطْكُو الْكُلُوفِيِينْ وَ مَا تِسْتَكْبَرَوْا فِي جَبَلِي الْمُقَدَّسْ.

دَنْيال 7:27

وَ الْمُلُكْ وَ السُّلْطَةْ وَ الْعَظَمَةْ هَنَا كُلَّ الْمَمَالِكْ الْقَاعِدِينْ فِي الْأَرْض، يَنْطُوهُمْ لِلشَّعَبْ الصَّالِحِينْ هَنَا اللّٰهْ الْعَالِي. وَ مَمْلَكَةْ اللّٰهْ تَقْعُدْ إِلَى الْأَبَدْ وَ كُلَّ النَّاسْ الْعِنْدُهُمْ سُلْطَةْ يَعَبُدُوا اللّٰهْ وَ يَسْمَعَوْا كَلَامَهْ.»

إرْمِيا 50:45

وَ فِي شَانْ دَا، أَسْمَعَوْا الْقَرَارْ الْقَرَّرَهْ اللّٰهْ ضِدّ بَابِلْ وَ أَسْمَعَوْا النِّيَّةْ الشَّالْهَا ضِدّ الْبَابِلِيِّينْ. أَكِيدْ يِوَدِّيهُمْ مِثِلْ عِيَالْ الْغَنَمْ وَ أَكِيدْ يَخْرِبْ مَرْعَاهُمْ.

إشَعْيا 60:14

ذُرِّيَّةْ الظَّلَمَوْكِ يِدَنْقُرُوا قِدَّامْكِ وَ كُلَّ الْحَقَرَوْكِ يَسْجُدُوا تِحِتْ رِجِلَيْنكِ. وَ يِنَادُوكِ مَدِينَةْ اللّٰهْ وَ يِنَادُوا صَهْيُون مَدِينَةْ قُدُّوسْ إِسْرَائِيلْ.

إشَعْيا 37:25

وَ أَنَا نَكَتْ بِيَارْ وَ شِرِبْت أَلْمِيهُمْ وَ بِفَجْقَةْ رِجْلِي، يَبَّسْت كُلَّ رُجُولْ مَصِرْ.“

إشَعْيا 25:10

أَشَانْ إِيدْ اللّٰهْ تَقْعُدْ فِي الْجَبَلْ دَا وَ هُو يِفَجِّقْ مُوَابْ فِي بَكَانْهَا مِثِلْ يِفَجُّقُوا قَشّ فِي الزُّبَالَةْ.»

إشَعْيا 3:15

مَالَا تِفَجُّقُوا شَعَبِي؟ مَالَا تِدِسُّوا وُجُوهْ الْمَسَاكِينْ فِي التُّرَابْ؟» وَ دَا كَلَامْ اللّٰهْ الرَّبّ الْقَادِرْ.

رُؤية 3:9

شِيفْ، النَّاسْ الْيُقُولُوا بِكِدِبْ هُمَّنْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ لَاكِنْ هُمَّنْ جَمَاعَةْ إِبْلِيسْ. هُمَّنْ دَوْل أَنَا نَجْبُرْهُمْ يَجُوا لَيْك وَ يَسْجُدُوا قِدَّامَكْ وَ يَعَرْفُوا كَدَرْ أَنَا نِحِبَّكْ.

إشَعْيا 3:14

اللّٰهْ يِحَاكِمْ كُبَارَاتْ شَعَبَهْ وَ مَسَائِيلْهُمْ. وَ يُقُولْ: «إِنْتُو دَمَّرْتُوا جِنَيْنَاتْ الْعِنَبْ! وَ الْخُمَامْ السَّرَقْتُوهْ مِنْ الْمَسَاكِينْ قَاعِدْ فِي بُيُوتْكُو.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

إشَعْيا 28:3

وَ الْمَدِينَةْ الْمِثِلْ تَاجْ الْإِسْتِكْبَارْ هَنَا سَكَّارَى أَفْرَايِمْ، هُو يِفَجِّقْهَا تِحِتْ رِجِلَيْنَهْ.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

2 مُلوك 9:33

وَ أَمَرَاهُمْ وَ قَالْ: «أَزْقُلُوهَا تِحِتْ!» وَ خَلَاصْ، زَقَلَوْهَا مِنْ الشُّبَّاكْ وَ دَمَّهَا رَشَّ فِي الدُّرْدُرْ وَ فِي الْخَيْل. وَ يَاهُو رِكِبْ فِي جَنَازِتْهَا بِعَرَبَتَهْ.