إشَعْيا 26:5 - الكتاب المقدس بالعربي الدارجي هنا تشاد

⁵ أَشَانْ هُو رَمَى سُكَّانْ الْحِلَّةْ الْفِي الْجَبَلْ. هُو رَمَى الْحِلَّةْ الْقَاعِدَةْ فَوْق. هُو رَمَاهَا فِي الْأَرْض وَ ضَرَبَاهَا لَحَدِّي وَقَعَتْ فِي التُّرَابْ.

إشَعْيا 26:5 Referenca të Kryqëzuara

رُؤية 18:2

وَ هُو عَاطْ وَ قَالْ: «وَقَعَتْ خَلَاصْ! مَدِينَةْ بَابِلْ الْكَبِيرَةْ خِرْبَتْ خَلَاصْ. مَا عِنْدَهَا سُكَّانْ إِلَّا الشَّوَاطِينْ بَسْ وَ أَيِّ شَيْطَانْ نِجِسْ يِدَلِّي يَسْكُنْ فَوْقهَا. وَ أَيِّ طَيْر نِجِسْ وَ أَيِّ حَيْوَانْ نِجِسْ يِدَلُّوا يَسْكُنُوا فَوْقهَا.

إرْمِيا 51:37

وَ بَابِلْ تَبْقَى كَوْم هَنَا تُرَابْ وَ مَرْقَدْ هَنَا بَعَاشِيمْ وَ بَكَانْ خَرَابْ وَ بَهِيتَةْ وَ تَبْقَى فَاضِيَةْ مِنْ سُكَّانْهَا.

إرْمِيا 51:64

وَ بَعَدْ دَا، قُولْ: ‹بَابِلْ كُلَ تَغْرَقْ مِثِلْ دَا وَ أَبَداً مَا تُقُمّ بَعَدْ الْفَسَالَةْ النِّجِيبْهَا فَوْقهَا.›» «النَّاسْ يَقَعَوْا.» وَ دَاهُو نِهَايَةْ كَلَامْ إِرْمِيَا.

إشَعْيا 13:11

وَ الرَّبّ قَالْ: «أَنَا نِعَاقِبْ الدُّنْيَا فِي شَانْ فَسَالِتْهَا وَ الْعَاصِيِينْ فِي شَانْ خَطَاهُمْ. وَ نِوَقِّفْ إِسْتِكْبَارْ الْمُسْتَكْبِرِينْ وَ نِنَزِّلْ فَشَارْ سِيَادْ الْعُنُفْ.

إشَعْيا 47:1

«أَنْزِلِي وَ أَقْعُدِي تِحِتْ فِي الرُّمَادْ، يَا مَدِينَةْ بَابِلْ الْمِثِلْ بِنَيَّةْ عُدْرِيَّةْ! أَقْعُدِي فِي التُّرَابْ بَلَا كُرْسِي، يَا بِنَيَّةْ الْبَابِلِيِّينْ! أَشَانْ بَتَّانْ مَا يِنَادُوكِ جَمِيلَةْ وَ اللَّطِيفَةْ.

إشَعْيا 32:19

وَ لَاكِنْ الْغَابَةْ تِدَّمَّرْ تِحِتْ الْبَرَدْ وَ الْمَدِينَةْ تِلْهَدَّمْ مَرَّةْ وَاحِدْ.

إشَعْيا 14:13

إِنْتَ بَسْ قُلْت فِي قَلْبَكْ: ‹نَطْلَعْ فَوْق فِي السَّمَاوَاتْ وَ نُخُطّ كُرْسِيِّ مِنْ فَوْق لِنُجُومْ الْإِلٰـهْ. وَ نَقْعُدْ فِي جَبَلْ الْإِجْتِمَاعْ الْإِلٰـهَاتْ فِي آخِرْ الْمُنْشَاقْ.›

إشَعْيا 2:12

أَشَانْ فِي الْيَوْم دَا، اللّٰهْ الْقَادِرْ يُقُمّ ضِدّ كُلَّ الْمُسْتَكْبِرِينْ وَ ضِدّ كُلَّ الْيَرْفَعَوْا رُوسَيْهُمْ. هُو يُقُمّ ضِدّ كُلَّ الْيِكَبُّرُوا نُفُوسْهُمْ وَ هُو يِنَزِّلْهُمْ.

زَبُور 79:8

مَا تِذَّكَّرْ خَطَا جُدُودْنَا لَاكِنْ خَلِّي رَحْمَتَكْ تَجِي عَجَلَةْ فَوْقنَا أَشَانْ أَنِحْنَ ضِعِفْنَا زِيَادَةْ.

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.

مَراثِي إرْمِيا 2:2

الرَّبّ دَمَّرْ بَلَا مَحَنَّةْ كُلَّ قَشّ الْمَرْعَى هَنَا ذُرِّيَّةْ يَعْقُوبْ. وَ فِي غَضَبَهْ، كَسَّرْ الْبُيُوتْ الْقَوِيِّينْ هَنَا بَلَدْ يَهُوذَا الْمِثِلْ بِنَيَّةْ. وَ رَمَى الْمَمْلَكَةْ وَ كُبَارَاتْهَا فِي التُّرَابْ وَ مَا جَعَلَاهُمْ مُخَصَّصِينْ لَيَّهْ.

حِزْقِيال 26:11

هُمَّنْ يِفَجُّقُوا كُلَّ شَوَارِعْكِ بِضَلَافَيْ خَيْلهُمْ وَ يَكْتُلُوا شَعَبْكِ بِالْسَّيْف. وَ الْعَمَدْ الْيِوَصُّفُوا قُدْرِتْكِ، يَرْمُوهُمْ فِي التُّرَابْ.

إشَعْيا 24:10

الْحِلَّةْ الْخَرْبَانَةْ تِلْكَسَّرْ وَ أَيِّ بَيْت يِلْقَفَّلْ وَ مَا عِنْدَهْ مَدَخَلْ.

حِزْقِيال 28:17

أَشَانْ إِنْتَ أَسْتَكْبَرْت بِسَبَبْ جَمَالَكْ وَ بِسَبَبْ دَرَجَتَكْ، تَلَّفْت حِكْمَتَكْ. أَنَا رَمَيْتَكْ فِي التُّرَابْ وَ خَلَّيْت الْمُلُوكْ يِلْفَرَّجَوْا فَوْقَكْ.